Welcome to Canadian Punjabi Post
Follow us on

28

March 2024
ਬ੍ਰੈਕਿੰਗ ਖ਼ਬਰਾਂ :
ਬੱਸ ਵਿੱਚ ਮਹਿਲਾ ਉੱਤੇ ਇੱਕ ਵਿਅਕਤੀ ਨੇ ਕੀਤਾ ਹਮਲਾ, ਮਹਿਲਾ ਜ਼ਖ਼ਮੀਜਾਅਲੀ ਇਨਕਮ ਬੈਨੇਫਿਟ ਹਾਸਲ ਕਰਨ ਵਾਲੇ 232 ਮੁਲਾਜ਼ਮਾਂ ਨੂੰ ਸੀਆਰਏ ਨੇ ਕੱਢਿਆਫੋਰਡ ਸਰਕਾਰ ਨੇ ਪੇਸ਼ ਕੀਤਾ 214. 5 ਬਿਲੀਅਨ ਦੇ ਖਰਚੇ ਵਾਲਾ ਬਜਟਈਡੀ ਨੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ ਨੂੰ ਕੀਤਾ ਗ੍ਰਿਫ਼ਤਾਰਪ੍ਰਧਾਨ ਮੰਤਰੀ ਮੋਦੀ ਰੂਸੀ ਰਾਸ਼ਟਰਪਤੀ ਨੂੰ ਚੋਣਾਂ ਜਿੱਤਣ 'ਤੇ ਦਿੱਤੀ ਵਧਾਈ, ਯੂਕਰੇਨ ਦੇ ਰਾਸ਼ਟਰਪਤੀ ਜ਼ੇਲੇਨਸਕੀ ਨੂੰ ਵੀ ਕੀਤਾ ਫ਼ੋਨਗਾਜ਼ਾ ਦੇ ਸਭ ਤੋਂ ਵੱਡੇ ਹਸਪਤਾਲ ਨੇੜੇ ਬੰਬਾਰੀ, 50 ਲੜਾਕਿਆਂ ਦੇ ਮਾਰੇ ਜਾਣ ਦਾ ਸ਼ੱਕ ਮੁੱਖ ਮੰਤਰੀ ਭਗਵੰਤ ਮਾਨ ਸ਼ਹੀਦ ਕਾਂਸਟੇਬਲ ਅੰਮ੍ਰਿਤਪਾਲ ਸਿੰਘ ਦੇ ਘਰ ਪਹੁੰਚੇ, ਪਰਿਵਾਰ ਨਾਲ ਕੀਤਾ ਦੁੱਖ ਸਾਂਝਾ ਸੁਪਰੀਮ ਕੋਰਟ ਨੇ ਕੀਤਾ ਬਾਬਾ ਰਾਮਦੇਵ ਅਤੇ ਆਚਾਰੀਆ ਬਾਲਕ੍ਰਿਸ਼ਨ ਨੂੰ ਨੋਟਿਸ ਜਾਰੀ, ਪੁੱਛਿਆ, ਮਾਣਹਾਨੀ ਦੀ ਕਾਰਵਾਈ ਕਿਉਂ ਨਾ ਕੀਤੀ ਜਾਵੇੇ
 
ਸੰਪਾਦਕੀ

ਉਂਟੇਰੀਓ ਬੱਜਟ- ਮੁੱਦਤਾਂ ਬਾਅਦ ਬਰੈਂਪਟਨ ਲਈ ਸੁਖਾਵੀਂ ਖ਼ਬਰ

March 26, 2021 06:45 PM

ਪੰਜਾਬੀ ਪੋਸਟ ਸੰਪਾਦਕੀ

“ਬਰੈਂਪਟਨ ਨੂੰ ਨਵਾਂ ਹਸਪਤਾਲ ਮਿਲ ਰਿਹਾ ਹੈ ਅਤੇ ਮੇਰੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਹੈ” ਇਹ ਬਿਆਨ ਇਸ ਲਈ ਮਹੱਤਵਪੂਰਣ ਨਹੀਂ ਹੈ ਕਿਉਂਕਿ ਇਹ ਬਰੈਂਪਟਨ ਮੇਅਰ ਬਰਾਊਨ ਪੈਟਰਿਕ ਦਾ ਬਿਆਨ ਹੈ। ਇਹ ਬਿਆਨ ਇਸ ਲਈ ਅਹਿਮ ਹੈ ਕਿ ਉਂਟੇਰੀਓ ਸਰਕਾਰ ਨੇ ਪੈਟਰਿਕ ਬਰਾਊਨ ਦੇ ਬਰੈਂਪਟਨ ਦਾ ਮੇਅਰ ਹੋਣ ਦੇ ਬਾਵਜੂਦ ਇਸ ਸਾਲ ਬੱਜਟ ਵਿੱਚ ਸ਼ਹਿਰ ਲਈ ਨਵੇਂ ਪ੍ਰੋਜੈਕਟਾਂ ਨੂੰ ਐਲਾਨਣ ਦੀ ਅੱਛੀ ਅਤੇ ਸੁਖਾਵੀਂ ਸ਼ੁਰੂਆਤ ਕੀਤੀ ਹੈ। ਇਹੋ ਜਿਹੀ ਚੰਗੀ ਖ਼ਬਰ ਤਾਂ ਉਸ ਵੇਲੇ ਵੀ ਨਹੀਂ ਆਈ ਜਦੋਂ ਲਿੰਡਾ ਜੈਫਰੀ ਮਿਉਂਸਪਲ ਮਾਮਲਿਆਂ ਦੀ ਮੰਤਰੀ ਹੁੰਦੀ ਸੀ ਅਤੇ ਬਰੈਂਪਟਨ ਤੋਂ ਜਿੱਤ ਕੇ ਉਂਟੇਰੀਓ ਪਾਰਲੀਮੈਂਟ ਵਿੱਚ ਨੁਮਾਇੰਦਗੀ ਕਰਦੀ ਸੀ। ਲਿੰਡਾ ਜੈਫਰੀ ਦੇ ਬਰੈਂਪਟਨ ਮੇਅਰ ਬਣਨ ਅਤੇ ਪ੍ਰੋਵਿੰਸ ਵਿੱਚ ਮਜ਼ਬੂਤ ਲਿਬਰਲ ਸਰਕਾਰ ਹੋਣ ਦੇ ਬਾਵਜੂਦ ਇਸ ਨਿਮਾਣੇ ਸ਼ਹਿਰ ਦੀਆਂ ਮੰਗਾਂ ਦਾ ਕੱਜ ਢੱਕਣ ਦਾ ਗੱਲਾਂ ਤੋਂ ਇਲਾਵਾ ਕੋਈ ਢੁਕਾਅ ਨਹੀਂ ਬਣ ਪਾਇਆ ਸੀ। ਜੇ ਉਹਨਾਂ ਦਿਨਾਂ ਵਿੱਚ ਮੂੰਹੋਂ ਅਫਸੋਸ ਤੋਂ ਵੱਧ ਕੁੱਝ ਨਹੀਂ ਸੀ ਨਿਕਲਦਾ ਤਾਂ ਪ੍ਰੀਮੀਅਰ ਡੱਗ ਫੋਰਡ ਦਾ ਆਪਣੇ ਵਿਰੋਧੀ ਪੈਟਰਿਕ ਬਰਾਊਨ ਦੇ ਸ਼ਹਿਰ ਨੂੰ ਇੱਕ ਮੈਡੀਕਲ ਯੂਨੀਵਰਸਿਟੀ, ਪੂਰਾ ਸੂਰਾ ਹਸਪਤਾਲ ਅਤੇ ਦੋ ਲੌਂਗ ਟਰਮ ਕੇਅਰ ਹੋਮ ਦੇਣ ਦਾ ਐਲਾਨ ਕਰਨਾ ਸਾਧਾਰਨ ਗੱਲ ਨਹੀਂ ਹੈ।

ਜਿੱਥੇ ਤੱਕ ਸਮੁੱਚੇ ਉਂਟੇਰੀਓ ਬੱਜਟ ਦਾ ਸੁਆਲ ਹੈ, 33.1 ਬਿਲੀਅਨ ਡਾਲਰ ਦੇ ਇਤਿਹਾਸਕ ਘਾਟੇ ਵਾਲੇ ਬੱਜਟ ਵਿੱਚ ਸਰਕਾਰ ਨੇ ਪਰਿਵਾਰਾਂ ਨੂੰ ਰਾਹਤ ਦੇਣ ਅਤੇ ਕੋਵਿਡ-19 ਨਾਲ ਦੋ ਹੱਥ ਚਾਰ ਕਰਨ ਨੂੰ ਸਪੱਸ਼ਟ ਤਰਜੀਹ ਦਿੱਤੀ ਹੈ। ਮਿਸਾਲ ਵਜੋਂ 980 ਮਿਲੀਅਨ ਡਾਲਰ ਦੀ ਲਾਗਤ ਨਾਲ 400 ਡਾਲਰ ਪ੍ਰਤੀ ਬੱਚਾ ਚਾਈਲਡ ਬੈਨੇਫਿਟ ਦੇਣੇ, ਬੱਚਿਆਂ ਦੀੇ ਸੰਭਾਲ ਲਈ ਟੈਕਸ ਕਰੈਡਿਟ ਵਿੱਚ 20% ਵਾਧਾ ਕਰਨਾ, ਨਵੀਂ ਜੌਬ ਟਰੇਨਿੰਗ ਟੈਕਸ ਕਰੈਡਿਟ ਲਈ 260 ਮਿਲੀਅਨ ਡਾਲਰ ਖਰਚ ਕਰਨੇ ਵਿਸ਼ੇਸ਼ ਉੱਦਮ ਹਨ। 186 ਬਿਲੀਅਨ ਡਾਲਰ ਵਾਲੇ ਬੱਜਟ ਵਿੱਚੋਂ ਸਿੱਧੇ ਸਿੱਧੇ 173 ਬਿਲੀਅਨ ਡਾਲਰ ਤਾਂ ਸਿਰਫ਼ ਅਤੇ ਸਿਰਫ਼ ਕੋਵਿਡ-19 ਦੀ ਸਥਿਤੀ ਨਾਲ ਸਿੱਝਣ ਵਾਸਤੇ ਰੱਖੇ ਗਏ ਹਨ। ਆਲੋਚਕਾਂ ਦੀਆਂ ਇਹਨਾਂ ਟਿਪੱਣੀਆਂ ਵਿੱਚ ਦਮ ਹੈ ਕਿ ਦੂਰ ਰਸ ਸਿੱਟਿਆਂ (long term outcomes) ਵੱਲ ਬੱਜਟ ਵਿੱਚ ਕੋਈ ਬਹੁਤਾ ਧਿਆਨ ਨਹੀਂ ਦਿੱਤਾ ਗਿਆ ਹੈ। ਸੁਆਲ ਹੈ ਕਿ ਜੇ ਸਰਕਾਰ ਬੱਜਟ ਦੇ ਕੁੱਲ 186 ਬਿਲੀਅਨ ਡਾਲਰਾਂ ਵਿੱਚੋਂ 171 ਬਿਲੀਅਨ ਡਾਲਰ ਮਹਿਜ਼ ਕੋਵਿਡ19 ਨਾਲ ਸਬੰਧਿਤ ਖਰਚਿਆਂ ਲਈ ਨਾ ਰੱਖਦੀ ਤਾਂ ਆਲੋਚਕਾਂ ਦਾ ਪੇਟ ਫੇਰ ਵੀ ਉਫਾਰਿਆ ਜਾਣਾ ਸੀ। ਤਰਕ ਹੋਣਾ ਸੀ ਕਿ ਕੱਲ ਦੇ ਫਿ਼ਕਰ ਵਿੱਚ ਰੁੱਝੀ ਸਰਕਾਰ ਨੂੰ ਉਂਟੇਰੀਓ ਵਾਸੀਆਂ ਦੇ ਅੱਜ ਦਾ ਉੱਕਾ ਹੀ ਖਿਆਲ ਨਹੀਂ ਹੈ। ਭੁੱਲਣਾ ਨਹੀਂ ਚਾਹੀਦਾ ਕਿ ਕੋਵਿਡ ਕਾਰਣ ਪੈਦਾ ਹੋਏ 33.1 ਬਿਲੀਅਨ ਡਾਲਰ ਦੇ ਬੱਜਟ ਵਿੱਚ ਘਾਟੇ ਨੂੰ 2029-20 ਤੋਂ ਪਹਿਲਾਂ ਪੂਰਿਆ ਨਹੀਂ ਜਾ ਸਕੇਗਾ। ਇਹ ਅੰਦਾਜਾ ਤਾਂ ਕੰਜ਼ਰਵੇਟਿਵ ਸਰਕਾਰ ਦਾ ਹੈ ਪਰ ਜੇ ਦਰਮਿਆਨ ਲਿਬਰਲ ਜਾਂ ਐਨ ਡੀ ਪੀ ਸਰਕਾਰ ਆ ਗਈ ਤਾਂ ਫੇਰ ਬੱਜਟ ਵਿੱਚ ਘਾਟੇ ਦਾ ਰੱਬ ਹੀ ਰਾਖਾ ਹੋਵੇਗਾ।

ਜੇ ਬੱਜਟ ਦੇ ਪਰੀਪੇਖ ਵਿੱਚ ਬਰੈਂਪਟਨ ਦੀ ਗੱਲ ਕੀਤੀ ਜਾਵੇ ਤਾਂ ਇਹ ਗੱਲ ਕਿਸੇ ਚਮਤਕਾਰ ਤੋਂ ਘੱਟ ਨਹੀਂ ਹੈ ਕਿ ਸਰਕਾਰ ਵਰਤਮਾਨ ਦੇ ਔਖੇ ਵਿੱਤੀ ਦਿਨਾਂ ਵਿੱਚ ਵੀ ਬਰੈਂਪਟਨ ਨੂੰ ਹਸਪਤਾਲ, ਮੈਡੀਕਲ ਸਕੂਲ (ਯੂਨੀਵਰਸਿਟੀ) ਅਤੇ ਦੋ ਲੌਂਗ ਟਰਮ ਕੇਅਰ ਹੋਮ ਵਰਗੇ ਅਹਿਮ ਪ੍ਰੋਜੈਕਟ ਦੇਣ ਜਾ ਰਹੀ ਹੈ। ਇਹ ਸਹੀ ਸਮਾਂ ਨਹੀਂ ਹੈ ਕਿ ਪੀਲ ਮੈਮੋਰੀਅਲ ਹਸਪਤਾਲ (ਪੁਰਾਣੇ ਪੀਲ) ਦੇ ਚੀਰਹਰਣ ਦੇ ਇਤਿਹਾਸ ਨੂੰ ਵਾਰ ਵਾਰ ਦੁਹਰਾਇਆ ਜਾਵੇ ਜਿਸ ਵਿੱਚੋਂ ਕਿੰਨੇ ਹੀ ਚੰਗੇ ਮੰਦੇ ਭੇਦ ਨਸ਼ਰ ਹੋਣਗੇ। ਪੀਲ ਮੈਮੋਰੀਅਲ ਦੀ ਚੰਗੀ ਖਾਸੀ ਪੁਰਾਣੀ ਇਮਾਰਤ ਨੂੰ ਢਾਹੁਣ ਦੀ ਮੁਜਰਮਾਨਾ ਕਿਸਮ ਦੀ ਪ੍ਰਕਿਰਿਆ ਤੋਂ ਵਾਕ-ਇਨ ਸਟਾਈਲ ਅਤਿ ਮੰਹਿਗਾ ਢਾਂਚਾ ਖੜਾ ਕਰਨਾ ਅਤੇ ਬਰੈਂਪਟਨ ਸਿਵਕ ਨੂੰ ਬੇਮਨੇ ਢੰਗ ਨਾਲ ਹੋਂਦ ਵਿੱਚ ਲਿਆਉਣ ਦੀਆਂ ਚਾਲਾਂ ਦਾ ਚਿੱਠਾ ਬਹੁਤ ਲੰਬਾ ਚੌੜਾ ਹੈ।

ਬਰੈਂਪਟਨ ਵਿੱਚ ਰਾਇਰਸਨ ਯੂਨੀਵਰਸਿਟੀ ਦੀ ਅਗਵਾਈ ਵਿੱਚ ਇੱਕ ਮੈਡੀਕਲ ਯੂਨੀਵਰਸਿਟੀ ਸਥਾਪਤ ਕਰਨ ਦਾ ਐਲਾਨ ਵੀ ਬੇਹੱਦ ਅਹਿਮੀਅਤ ਵਾਲਾ ਹੈ। ਉਂਟੇਰੀਓ ਵਿੱਚ ਮੈਡੀਕਲ ਯੂਨੀਵਰਸਿਟੀ ਦਾ ਹੋਂਦ ਵਿੱਚ ਆਉਣਾ ਇੱਕ ਦੁਰਲੱਭ ਵਰਤਾਰਾ ਹੁੰਦਾ ਹੈ ਅਤੇ ਇਸ ਸਾਲ ਇੱਕ ਮੈਡੀਕਲ ਸਕੂਲ ਦੇ ਅਹਿਮ ਪ੍ਰੋਜੈਕਟ ਲਈ ਬਰੈਂਪਟਨ ਨੂੰ ਚੁਣਨਾ ਸੁਭਾਗ ਵਾਲੀ ਗੱਲ ਹੈ। ਮਿਸਾਲ ਵਜੋਂ ਥੰਡਰਵੇਅ ਵਿੱਚ ਮੈਡੀਕਲ ਸਕੂਲ 15 ਸਾਲ ਪਹਿਲਾਂ ਬਣਿਆ ਸੀ ਅਤੇ ਹੈਮਿਲਟਨ ਵਿੱਚ ਮੈਕਮਾਸਟਰ 40 ਸਾਲ ਪਹਿਲਾਂ। ਕਿਸੇ ਵੀ ਮੈਡੀਕਲ ਯੂਨੀਵਰਸਿਟੀ ਦੀ ਸਥਾਪਨਾ ਹੋਣ ਤੋਂ ਬਾਅਦ ਉਸਦੇ ਇਰਦ ਰਲਵੇਂ ਮਿਲਵੇਂ ਬਿਜਨਸਾਂ ਦੇ ਅਨੇਕਾਂ ਅਵਸਰ ਪੈਦਾ ਹੋ ਜਾਂਦੇ ਹਨ। ਅੱਜ ਪ੍ਰੀਮੀਅਰ ਡੱਗ ਫੋਰਡ ਦਾ ਬਰੈਂਪਟਨ ਆਉਣ ਦਾ ਪ੍ਰੋਗਰਾਮ ਹੈ ਜਿਸ ਦੌਰਾਨ ਇਹਨਾਂ ਪ੍ਰੋਜੈਕਟਾਂ ਬਾਰੇ ਵਿਸਥਾਰ ਵਿੱਚ ਜਾਣਕਾਰੀ ਸਾਂਝੀ ਕੀਤੇ ਜਾਣ ਦੀ ਸੰਭਾਵਨਾ ਹੈ।

ਲਿਬਰਲ ਪਾਰਟੀ ਦੇ ਲੀਡਰ ਸਟੀਵਨ ਡੈਲਡੂਕਾ ਨਾਲ ਸਹਿਮਤ ਹੋਣਾ ਬਣਦਾ ਹੈ ਜਿਸਨੇ ਐਨ ਡੀ ਪੀ ਦੇ ਉਦਾਸੀਨ ਪ੍ਰਤੀਕਰਮ ਤੋਂ ਉਲਟ ਆਸਵੰਦ ਹੁੰਦੇ ਕਿਹਾ ਹੈ ਕਿ ਸਾਨੂੰ ਬਰੈਂਪਟਨ ਲਈ ਐਲਾਨੀਆਂ ਸਹੂਲਤਾਂ ਵਾਸਤੇ ਖੁਸ਼ ਹੋਣ ਦੀ ਲੋੜ ਹੈ। ਕਮਿਉਨਿਟੀ ਨੂੰ ਦਰਪੇਸ਼ ਸਮੱਸਿਆਵਾਂ ਬਾਰੇ ਕਿਸੇ ਵੀ ਸਰਕਾਰ ਦੀ ਪਹੁੰਚ 100% ਦਰੁਸਤ ਨਹੀਂ ਹੋਇਆ ਕਰਦੀ ਪਰ ਐਨ ਡੀ ਪੀ ਵਾਗੂੰ ਹਰ ਗੱਲ ਉੱਤੇ ਕਮਿਉਨਿਟੀ ਵਿੱਚ ਨਾਂਹਪੱਖੀ ਬਿਰਤਾਂਤ ਖੜਾ ਕਰਨਾ ਅਕਸਰ ਮਦਦਗਾਰ ਹੋਣ ਦੀ ਥਾਂ ਨੁਕਸਾਨਦਾਇਕ ਹੋਇਆ ਕਰਦਾ ਹੈ। ਨਿਰਪੱਖਤਾ ਸੋਚ ਇਹ ਦੱਸਦੀ ਹੈ ਕਿ ਆਪਣੇ ਸ਼ਹਿਰ ਦੀ ਖੁਸ਼ੀ ਵਿੱਚ ਖੁਸ਼ ਹੋਣਾ ਖੁਸ਼ ਲੋਕਾਂ ਦਾ ਆਧਾਰ ਹੁੰਦਾ ਹੈ ਅਤੇ ਨਿਰਸੰਕੋਚ ਇਸ ਬਜੱਟ ਵਿੱਚ ਬਰੈਂਪਟਨ ਲਈ ਖੁਸ਼ੀ ਭਰੀਆਂ ਕਈ ਗੱਲਾਂ ਹਨ।

 
Have something to say? Post your comment
ਹੋਰ ਸੰਪਾਦਕੀ ਖ਼ਬਰਾਂ
ਮੁੱਖ ਮੰਤਰੀਆਂ ਦੀ ਮੀਟਿੰਗ ਵਿੱਚ ਪਾਣੀਆਂ ਬਾਰੇ ਪੰਜਾਬ ਦਾ ਪੱਖ ਹੋਰ ਵੀ ਮਜ਼ਬੂਤ ਹੋ ਗਿਐ ਭਾਰਤ ਵਿੱਚ ਅਧੋਗਤੀ ਵਰਤਾਰੇ ਲਈ ਧਰਮ ਨਿਰਪੱਖ ਧਿਰਾਂ ਵੀ ਘੱਟ ਜਿ਼ਮੇਵਾਰ ਨਹੀਂ ਭਾਰਤ ਲਈ ਹਨੇਰਾ ਸਮਾਂ ਹੈ, ਜਿੱਥੇ ਰਾਹ ਦਿਖਾਉਣ ਵਾਲਾ ਜੁਗਨੂੰ ਵੀ ਕੋਈ ਨਹੀਂ ਲੱਭਦਾ ਲੀਡਰਾਂ ਨੇ ਪੈਦਾ ਕੀਤੀ ਹੈ ‘ਕੋਈ ਲੀਡਰ ਭਰੋਸੇ ਦੇ ਯੋਗ ਨਹੀਂ’ ਵਾਲੀਆਮ ਲੋਕਾਂ ਦੀ ਮਾਨਸਿਕਤਾ ਆਉ ਇਸ ਦੀਵਾਲੀ ਤੇ ਇੰਨਸਾਨੀਅਤ ਦੇ ਨਾਤੇ ਪੂਰੇ ਸੰਸਾਰ ਲਈ ਅਮਨ – ਅਮਾਨ , ਸ਼ਾਤੀ ਲਈ ਅਰਦਾਸ ਕਰੀਏ ਵੱਖੋ-ਵੱਖੋ ਰਾਜਾਂ ਵਿੱਚ ਗਵਰਨਰਾਂ ਦੀ ਮੌਕੇ ਮੁਤਾਬਕ ਮਰਜ਼ੀ ਸੰਵਿਧਾਨ ਦੇ ਮੁਤਾਬਕ ਨਹੀਂ ਮੰਨੀ ਜਾ ਸਕਦੀ ਇਜ਼ਰਾਈਲ ਅਤੇ ਹਮਾਸ ਵਿਚਕਾਰ ਸੰਘਰਸ਼ ਨੂੰ ਸ਼ਾਂਤੀਪੂਰਵਕ ਹੱਲ ਕੀਤਾ ਜਾਣਾ ਚਾਹੀਦਾ ਹੈ ਬੇਅਸੂਲੇ ਸਮਝੌਤਿਆਂ ਅਤੇ ਪੈਂਤੜਿਆਂ ਪਿੱਛੋਂ ਦਰਿਆਵਾਂ ਦੇ ਪਾਣੀ ਵਿੱਚ ਮਧਾਣੀ ਘੁੰਮਾਉਣ ਦੀ ਰਾਜਨੀਤੀ ਟਰੂਡੋ ਵਲੋਂ ਭਾਰਤ ਤੇ ਲਾਏ ਹਰਦੀਪ ਸਿੰਘ ਨਿੱਜਰ ਕਤਲ ਦੇ ਦੋਸ਼ ਕਿੰਨੇ ਕੁ ਸਹੀ ? ਟਰੂਡੋ ਤੇ ਟਰੰਪ ਸੁਰਖ਼ੀਆਂ ‘ਚ ਰਹਿਣ ਵਾਲੇ ਲੀਡਰ