* ਹਿੰਦੂ ਓਈਆ ਮੰਚ ਨੇ ਸਿ਼ਕਾਇਤ ਦਰਜ ਕਰਵਾਈ
ਦਿਸਪੁਰ, 25 ਮਾਰਚ, (ਪੋਸਟ ਬਿਊਰੋ)- ਅਸਾਮ ਵਿੱਚ ਵਿਧਾਨਸਭਾ ਚੋਣਾਂ ਦੇ ਪਹਿਲੇ ਪੜਾਅ ਦੀ ਵੋਟਿੰਗ 27 ਮਾਰਚ ਨੂੰ ਹੋਣ ਤੋਂ ਪਹਿਲਾਂ ਜਦੋਂ ਸਾਰੇ ਉਮੀਦਵਾਰ ਅਤੇ ਪਾਰਟੀਆਂ ਪ੍ਰਚਾਰ ਵਿੱਚ ਰੁੱਝੀਆਂ ਹੋਈਆਂ ਹਨ, ਓਦੋਂ ਭਾਰਤੀ ਜਨਤਾ ਪਾਰਟੀ (ਭਾਜਪਾ) ਦੇ ਇੱਕ ਉਮੀਦਵਾਰ ਦੇ ਖਿਲਾਫ ਉਸ ਦੇ ਇੱਕ ਬਿਆਨ ਕਾਰਨਕੇਸ ਦਰਜ ਹੋ ਗਿਆ ਹੈ।
ਭਾਰਤੀ ਜਨਤਾ ਪਾਰਟੀ ਨੇ ਬਨੇਂਦਰ ਕੁਮਾਰ ਮੁਸ਼ਹਰੀ ਨੂੰ ਆਸਾਮ ਦੇ ਗੌਰੀਪੁਰ ਹਲਕੇ ਤੋਂ ਉਮੀਦਵਾਰ ਬਣਾਇਆ ਹੋਇਆ ਹੈ। ਅੱਜ ਇੱਕ ਬਿਆਨ ਵਿੱਚਇਸ ਭਾਜਪਾਆਗੂ ਨੇ ਬੀਫ ਨੂੰ ਰਾਸ਼ਟਰੀ ਪਕਵਾਨ ਕਹਿ ਦਿੱਤਾ। ਪਤਾ ਲੱਗਾ ਹੈ ਕਿ ਇਹ ਬਿਆਨ ਦੇਣ ਵੇਲੇ ਇਹ ਭਾਜਪਾ ਉਮੀਦਵਾਰ ਮੁਸਲਮਾਨ ਬਹੁ-ਗਿਣਤੀ ਇਲਾਕੇ ਵਿੱਚ ਚੋਣ ਪ੍ਰਚਾਰ ਕਰ ਰਿਹਾ ਸੀ ਤਾਂ ਉਸ ਨੇ ਮੁਸਲਿਮ ਵੋਟਰਾਂ ਨੂੰ ਖੁਸ਼ ਕਰਨ ਲਈ ਕਿਹਾ ਕਿ ਬੀਫ ਭਾਰਤ ਦਾ ਰਾਸ਼ਟਰੀ ਪਕਵਾਨ ਹੈ। ਵਰਨਣ ਯੋਗ ਹੈ ਕਿ ਬਨੇਂਦਰ ਕੁਮਾਰਬੀਤੇ 29 ਦਸੰਬਰ ਨੂੰ ਭਾਜਪਾਵਿੱਚਸ਼ਾਮਲਹੋਇਆ ਸੀ। ਉਸ ਨੇ ਘੱਟ-ਗਿਣਤੀ ਭਾਈਚਾਰੇ ਦੇ ਵੋਟਰਾਂ ਨੂੰ ਖਿੱਚਣ ਦੀ ਕੋਸ਼ਿਸ਼ ਵਿੱਚ ਕਿਹਾ, ‘ਕੋਈ ਬੀਫ ਉੱਤੇ ਰੋਕ ਲਾਉਣ ਦੀ ਕੋਸ਼ਿਸ਼ ਕਿਵੇਂ ਕਰ ਸਕਦਾ ਹੈ? ਇਹ ਤਾਂ ਭਾਰਤ ਦਾ ਰਾਸ਼ਟਰੀ ਪਕਵਾਨ ਹੈ।’ ਉਸ ਨੇ ਕਿਹਾ, ‘ਅਸਾਮ ਦੇ ਪੇਂਡੂ ਖੇਤਰਾਂ ਦੇ ਸਿੱਖਿਅਤ ਮੁਸਲਮਾਨਾਂ ਨੂੰ ਸਮਝਣਾ ਚਾਹੀਦਾ ਹੈ ਅਸਾਮ ਜਾਂ ਭਾਰਤ ਵਿੱਚ ਕਿਸੇਵੀ ਜਗ੍ਹਾ ਬੀਫ ਦੀ ਵਿਕਰੀ ਉੱਤੇ ਕੋਈ ਰੋਕ ਨਹੀਂ ਲਾ ਸਕਦਾ।
ਇਸ ਦੌਰਾਨ ਪੂਰਵਾਂਚਲ ਹਿੰਦੂ ਓਈਆ ਮੰਚ ਨੇ ਦਿਸਪੁਰ ਪੁਲਸ ਥਾਣੇ ਵਿੱਚ ਸਿ਼ਕਾਇਤ ਦਰਜ ਕਰਾਈ ਤੇ ਮੰਗ ਕੀਤੀ ਹੈ ਕਿ ਚੋਣ ਜ਼ਾਬਤੇ ਦੀ ਉਲੰਘਣਾ ਕਰਨ ਵਾਲੇ ਬਨੇਂਦਰ ਕੁਮਾਰ ਦੇ ਖਿਲਾਫ ਕਾਰਵਾਈ ਸ਼ੁਰੂ ਕੀਤੀ ਜਾਵੇ। ਇਸ ਮੰਚ ਨੇ ਭਾਜਪਾ ਉਮੀਦਵਾਰ ਉੱਤੇ ਦੋ ਭਾਈਚਾਰਿਆਂ ਵਿਚਾਲੇ ਨਫਰਤ ਤੇ ਦੁਸ਼ਮਣੀ ਫੈਲਾਉਣ ਦੇ ਦੋਸ਼ਲਾਏ ਹਨ। ਓਧਰ ਧੁਬਰੀ ਜਿ਼ਲੇਵਿੱਚ ਸੀਨੀਅਰ ਭਾਜਪਾਵਰਕਰਾਂ ਨੇ ਮੁਸ਼ਹਰੀ ਦੇ ਬਿਆਨ ਉੱਤੇ ਗੰਭੀਰ ਸਵਾਲ ਚੁੱਕੇ ਤੇ ਨਾਲ ਮੰਗ ਕੀਤੀ ਹੈ ਕਿ ਇਸ ਉਮੀਦਵਾਰ ਨੂੰ ਤੁਰੰਤ ਮੁਆਫੀ ਮੰਗਣੀ ਚਾਹੀਦੀ ਹੈ।