ਕੋਲੰਬਸ (ਅਮਰੀਕਾ), 25 ਮਾਰਚ (ਪੋਸਟ ਬਿਊਰੋ)- ਅਮਰੀਕੀ ਰਾਸ਼ਟਰਪਤੀ ਜੋਅ ਬਾਇਡੇਨ ਨੇ ਕਿਹਾ ਹੈ ਕਿ ਉਨ੍ਹਾਂ ਦਾ 1.9 ਅਰਬ ਡਾਲਰ ਦਾ ਰਾਹਤ ਪੈਕੇਜ ਬਰਾਕ ਓਬਾਮਾ ਪ੍ਰਸ਼ਾਸਨ ਦੇ ਐਫੋਰਡਏਬਲ ਕੇਅਰ ਐਕਟ ਦੇ ਵਾਅਦੇ ਉੱਤੇ ਆਧਾਰਤ ਹੋਵੇਗਾ, ਜਿਹੜਾ 11 ਸਾਲ ਪਹਿਲਾਂ ਕਾਨੂੰਨ ਬਣਾਇਆ ਗਿਆ ਸੀ।
ਬਾਇਡੇਨ ਦਾ ਕੋਵਿਡ 19 ਰਾਹਤ ਕਾਨੂੰਨ ਓਬਾਮਾਕੇਅਰ ਹੇਠ ਮਿਲਦੀਆਂ ਰਾਹਤਾਂ ਨੂੰ ਹੁਲਾਰਾ ਦੇਵੇਗਾ, ਜਿਸ ਦੇ ਨਾਲ ਕੋਰੋਨਾ ਮਹਾਮਾਰੀ ਕਾਰਨ ਲੰਬੇ ਸਮੇਂ ਦੀਆਂ ਵਿੱਤੀ ਅਤੇ ਹੋਰ ਮੁਸ਼ਕਲਾਂ ਝੱਲਣ ਵਾਲੇ ਲੱਖਾਂ ਲੋਕਾਂ ਨੂੰ ਰਾਹਤ ਮਿਲੇਗੀ। ਇਸ ਹੇਠ ਹੈਲਥ ਕੇਅਰ ਜੀਓਵੀ ਰਾਹੀਂ ਪਾਲਿਸੀਆਂ ਖਰੀਦਣ ਵਾਲੇ ਲੋਕਾਂ ਨੂੰ ਪਾਲਿਸੀ ਲਈ 100 ਡਾਲਰ ਘੱਟ ਅਦਾ ਕਰਨਾ ਪੈਣਗੇ।ਬਾਇਡੇਨ ਨੇ ਕੱਲ੍ਹ ਓਹਾਈਓ ਦੇ ਕੋਲੰਬਸ ਵਿੱਚ ਜੇਮਸ ਕੈਂਸਰ ਹਸਪਤਾਲ ਵਿੱਚ ਕਿਹਾ, ‘‘ਸਾਡਾ ਫਰਜ਼ ਸਿਰਫ ਇਸ ਨੂੰ ਬਚਾਉਣਾ ਹੀ ਨਹੀਂ, ਇਸ ਨੂੰ ਬਿਹਤਰ ਬਣਾਉਣਾ ਅਤੇ ਦੇਸ਼ ਨੂੰ ਅਜਿਹਾ ਬਣਾਉਣਾ ਹੈ ਜਿੱਥੇ ਸਾਰਿਆਂ ਨੂੰ ਸਿਹਤ ਸੇਵਾਵਾਂ ਦਾ ਹੱਕ ਹੋਵੇ।'' ਉਨ੍ਹਾਂ ਕਿਹਾ, ‘‘ਇਸ ਨਾਲ ਲੱਖਾਂ ਪਰਵਾਰ ਨਿਸ਼ਚਿੰਤ ਹੋ ਕੇ ਸੌਂ ਸਕਣਗੇ ਕਿਉਂਕਿ ਬਿਮਾਰ ਹੋਣ ਦੀ ਸੂਰਤ ਵਿੱਚ ਵੀ ਉਨ੍ਹਾਂ ਨੂੰ ਖਰਚੇ ਦਾ ਭੈਅ ਨਹੀਂ ਸਤਾਏਗਾ।'' ਪ੍ਰਸ਼ਾਸਨ ਵੱਲੋਂ ਕੱਲ੍ਹ ਐਲਾਨ ਕੀਤਾ ਗਿਆ ਕਿ ਲੋਕ ਸਬਸਿਡਰੀ ਹੈਲਥ ਕੇਅਰ ਵਾਲੇ ਜੀਓਵੀ ਬੀਮੇ ਲਈ 15 ਅਗਸਤ ਤੱਕ ਰਜਿਸਟਰੇਸ਼ਨ ਕਰਵਾ ਸਕਦੇ ਹਨ।