ਟਰਾਂਟੋ (ਪੋਸਟ ਬਿਓਰੋ) ਬੀਤੇ ਦਿਨੀਂ ਰੌਸ਼ਨ ਕਲਾ ਕੇਂਦਰ ਗੱਜਰ (ਹੁਸਿ਼ਆਰ ਪੁਰ) ਵੱਲੋਂ ਆਪਣੇ ਸਲਾਨਾਂ ਅਦਬੀ ਮੇਲੇ ਚ ਵਤਨੋਂ ਪਾਰ ਪੰਜਾਬੀ ਅਦਾਰੇ ਦੇ ਸਹਿਯੋਗ ਨਾਲ ਕੈਨੇਡਾ ਵਿੱਚ ਪੰਜਾਬੀ ਮਾਂ ਬੋਲੀ ਦੀਆਂ ਸੇਵਾਵਾਂ ਪ੍ਰਤੀ ਬਰੈਂਮਪਟਨ ਵਸਨੀਕ ਪ੍ਰੋਫੈਸਰ ਹਰਜਸਪ੍ਰੀਤ ਗਿੱਲ ਨੂੰ “ਵਤਨੋ ਪਾਰ ਪੰਜਾਬੀ” ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਇਹ ਐਵਾਰਡ ਉਹਨਾਂ ਦੀ ਗੈਰ ਹਾਜਰੀ ਕਾਰਨ ਉੱਘੀ ਸ਼ਇਰਾ ਅਮਰਜੀਤ ਅਮਰ ਨੇ ਉਸ ਸਮੇਂ ਪ੍ਰਾਪਤ ਕੀਤਾ। ਇਸ ਐਵਾਰਡ ਵਿੱਚ ਯਾਦਗਾਰੀ ਮੋਮੈਂਟੋ,ਸ਼ਾਲ ਅਤੇ ਨਕਦ ਰਾਸ਼ੀ ਸ਼ਾਮਲ ਸੀ। ਅੱਜ ਅਦਾਰਾ ਵਤਨੋਂ ਪਾਰ ਪੰਜਾਬੀ ਦੇ ਦਫਤਰ ਚ ਹੋਏ ਇਕ ਸਾਦਾ ਸਮਾਗਮ ਚ ਇਹ ਐਵਾਰਡ ਪ੍ਰੋ: ਹਰਜਸਪ੍ਰੀਤ ਗਿੱਲ ਹੁਰਾਂ ਨੂੰ ਵਤਨੋਂ ਪਾਰ ਪੰਜਾਬੀ ਦੇ ਕਰਤਾ ਧਰਤਾ ਕੰਵਲਜੀਤ ਸਿੰਘ ਕੰਵਲ ਵੱਲੋਂ ਪਰਦਾਨ ਕੀਤਾ ਗਿਆ ਅਤੇ ਅਦਾਰਾ ਰੌਸ਼ਨ ਕਲਾ ਕੇਂਦਰ ਟਰਾਂਟੋ ਦੀ ਕਰਤਾ ਧਰਤਾ ਪੁਸ਼ਪਿੰਦਰ ਜੋਸਨ ਵੱਲੋਂ ਉਹਨਾਂ ਨੂੰ ਸ਼ਾਲ ਪਰਦਾਨ ਕੀਤਾ ਗਿਆ ਇਸ ਮੌਕੇ ਪ੍ਰੋ: ਹਰਜਸਪ੍ਰੀਤ ਗਿੱਲ ਨੇ ਕਿਹਾ ਕਿ ਰੌਸ਼ਨ ਕਲਾ ਕੇਂਦਰ ਅਤੇ ਅਦਾਰਾ ਵਤਨੋਂ ਪਾਰ ਪੰਜਾਬੀ ਦੀ ਉਹ ਦਿੱਲ ਦੀਆਂ ਡੂੰਘਾਈਆਂ ਤੋਂ ਧੰਨਵਾਦ ਕਰਦੀ ਹੈ ਜਿਹਨਾਂ ਨੇ ਮੇਰੀਆਂ ਪੰਜਾਬ ਪੰਜਾਬੀ ਅਤੇ ਪੰਜਾਬੀਅੱਤ ਲਈ ਕੀਤੀਆਂ ਸੇਵਾਂਵਾਂ ਨੂੰ ਮਾਣ ਦਿੱਤਾ ਹੈ ਉਹਨਾਂ ਨੇ ਇਸ ਐਵਾਰਡ ਵਿੱਚ ਮਿਲੀ ਰਾਸ਼ੀ ਨੂੰ ਧੰਨਵਾਦਸਹਿਤ ਰੌਸ਼ਨ ਕਲਾ ਕੇਂਦਰ ਕਾਰਜਾਂ ਲਈ ਦੇ ਦਿੱਤੀ। ਚੇਤੇ ਰਹੇ ਪ੍ਰੌ: ਹਰਜਸਪ੍ਰੀਤ ਗਿੱਲ ਜਿੱਥੇ ਪੰਜਾਬ ਵਿੱਚ ਬੀਤੇ ਸਮੇਂ ਅਧਿਆਪਨ ਦੀਆਂ ਸੇਵਾਵਾਂ ਨਿਭਾਉਂਦੇ ਰਹੇ ਹਨ ਉੱਥੇ ਉਹਨਾਂ ਨੇ ਪੰਜਾਬੀ ਮਾਂ ਬੋਲੀ ਦੀ ਪਰਫੁਲਤਾ ਲਈ ਵੱਧ ਚੜ੍ਹ ਕੇ ਹਿੱਸਾ ਪਾਇਆ ਅਤੇ ਕੈਨੇਡਾ ਪੁੱਜਣ ਤੋਂ ਬਾਅਦ ਉਹ ਬੀਤੇ ਲੰਬੇ ਸਮੇਂ ਤੋਂ ਵੱਖ ਵੱਖ ਸਾਹਿਤ ਸਭਾਵਾਂ,ਟੀ ਵੀ ਚੈਨਲਾਂ ਅਤੇ ਹੋਰ ਪੰਜਾਬ ਪੰਜਾਬੀ ਅਤੇ ਪੰਜਾਬੀਅਤ ਦੀ ਪਰਫੁਲੱਤਾ ਲਈ ਸਦਾ ਮੋਹਰਲੀਆਂ ਕਤਾਂਰਾਂ ਚ ਰਹੇ ਹਨ ਅਤੇ ਹੁਣ ਉਹ ਪ੍ਰੀਤ ਪੰਜਾਬੀ ਨਾਂ ਦੇ ਆਪਣੇ ਪੰਜਾਬੀ ਚੈਨਲ ਨੂੰ ਹੋਸਟ ਕਰਨ ਜਾ ਰਹੇ ਹਨ। ਇਸ ਸਮਾਗਮ ਚ ਸ਼ਾਮਲ ਬਲਰਾਜ ਚੀਮਾਂ ੇ ਅਜਾਇਬ ਸਿੰਘ ਸੰਘਾ ਅਤੇ ਪੁਸ਼ਪਿੰਦਰ ਜੋਸਨ ਹੁਰਾਂ ਨੇ ਪ੍ਰੌ: ਹਰਜਸਪਰੀਤ ਗਿੱਲ ਹੁਰਾਂ ਨੂੰ ਵਧਾਈ ਦਿੱਤੀ ਅਤੇ ਆਸ ਕੀਤੀ ਕਿ ਉਹ ਆਉਣ ਵਾਲੇ ਸਮੇਂ ਚ ਵੀ ਇਸੇ ਤਰਾਂ੍ਹ ਆਪਣੀਆਂ ਸੇਵਾਵਾਂ ਨਾਲ ਭਾਈਚਾਰੇ ਨੂੰ ਨਿਵਾਜਦੇ ਰਹਿਣਗੇ। ਪਰਮਜੀਤ ਸਿੰਘ ਗਿੱਲ ਵੱਲੋਂ ਆਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ।