ਵਾਸ਼ਿੰਗਟਨ, 24 ਮਾਰਚ, (ਪੋਸਟ ਬਿਊਰੋ)- ਅਮਰੀਕਾ ਦੇ ਸਿਹਤ ਵਿਭਾਗ ਨੇ ਮੰਗਲਵਾਰ ਨੂੰ ਕਿਹਾ ਕਿ ਐਸਟ੍ਰਾਜ਼ੈਨਕਾ ਵੈਕਸੀਨ ਦੇ ਅਮਰੀਕੀ ਟਰਾਇਲ ਦੇ ਨਤੀਜੇ ਵਿੱਚ ‘ਪੁਰਾਣੀ ਜਾਣਕਾਰੀ’ ਸ਼ਾਮਲ ਕੀਤੀ ਹੋ ਸਕਦੀ ਹੈ ਤੇ ਇਸ ਦਾ ਅਰਥ ਇਹ ਹੈ ਕਿ ਕੰਪਨੀ ਨੇ ਵੈਕਸੀਨ ਦੇ ਪ੍ਰਭਾਵ ਬਾਰੇ ਅਧੂਰਾ ਡਾਟਾ ਪੇਸ਼ ਕੀਤਾ ਹੈ।
ਇਸ ਦੇ ਜਵਾਬ ਵਿੱਚ ਐਸਟ੍ਰਾਜ਼ੈਨਕਾ ਨੇ ਇਕ ਬਿਆਨ ਵਿੱਚ ਕਿਹਾ ਕਿ ਉਸ ਨੇ ਬੀਤੇ ਸੋਮਵਾਰ ਜੋ ਅੰਕੜੇ ਜਾਰੀ ਕੀਤੇ ਸਨ, ਉਸ ਵਿੱਚਸਟੱਡੀ ਦੇ ਨਿਯਮਾਂ ਮੁਤਾਬਕ 17 ਫਰਵਰੀ ਤਕ ਦੇ ਕੇਸ ਸ਼ਾਮਲ ਹਨ। ਉਸ ਤੋਂ ਬਾਅਦ ਕੇਸਾਂ ਦਾ ਵਿਸ਼ਲੇਸ਼ਣ ਜਾਰੀ ਰੱਖਿਆ ਹੈ ਤੇ ਇਸ ਦੇ ਵੀ ਮੁੱਢਲੇ ਅੰਕੜੇ ਦਿੱਤੇ ਜਾ ਚੁੱਕੇ ਹਨ ਤੇ 48 ਘੰਟਿਆਂ ਦੇ ਅੰਦਰ ਇਸ ਡਾਟਾ ਨੂੰ ਅਪਡੇਟ ਕਰ ਦਿੱਤਾ ਜਾਵੇਗਾ। ਇਸ ਤੋਂ ਪਹਿਲਾਂਸੋਮਵਾਰ ਨੂੰ ਕੰਪਨੀ ਨੇ ਕਿਹਾ ਸੀ ਕਿ ਇਹ ਵੈਕਸੀਨ ਸਾਰੇ ਅਡਲਟ ਲੋਕਾਂ ਵਿੱਚ ਰੋਗ ਰੋਕਣ ਦੀ ਮਜ਼ਬੂਤ ਸ਼ਕਤੀ ਪੈਦਾ ਕਰਦੀ ਹੈ। ਕੰਪਨੀ ਦੇ ਇਸ ਦਾਅਵੇ ਤੋਂ ਬਾਅਦ ਅਮਰੀਕਾ ਦੇ ਨੈਸ਼ਨਲ ਐਲਰਜੀ ਐਂਡ ਇਨਫੈਕਸ਼ਨ ਡਿਜ਼ੀਜ਼ ਵਿਭਾਗ ਨੇ ਇਕ ਬਿਆਨ ਜਾਰੀ ਕੀਤਾ ਹੈ। ਏਜੰਸੀ ਨੇ ਕਿਹਾ ਕਿ ਡਾਟਾ ਤੇ ਸੇਫਟੀ ਮਾਨੀਟਰਿੰਗ ਬੋਰਡ ਨੂੰ ਇਸ ਗੱਲਦੀ ਚਿੰਤਾ ਹੈ ਕਿ ਐਸਟ੍ਰਾਜ਼ੈਨਕਾ ਨੇ ਇਸ ਟਰਾਇਲਨਾਲ ਪੁਰਾਣਾ ਡਾਟਾ ਸ਼ਾਮਲ ਕੀਤਾ ਹੋਵੇਗਾ, ਜਿਸ ਨਾਲ ਟੀਕੇ ਦੇ ਪ੍ਰਭਾਵ ਬਾਰੇ ਪੂਰੀ ਜਾਣਕਾਰੀ ਨਹੀਂ ਮਿਲ ਸਕਦੀ।