ਓਟਵਾ, 11 ਮਾਰਚ (ਪੋਸਟ ਬਿਊਰੋ) : ਵੱਡੀ ਮਾਤਰਾ ਵਿੱਚ ਵੈਕਸੀਨ ਮਾਰਚ ਦੇ ਅੰਤ ਤੱਕ ਕੈਨੇਡਾ ਪਹੁੰਚ ਜਾਵੇਗੀ। ਫਾਈਜ਼ਰ ਬਾਇਓਐਨਟੈਕ ਵੈਕਸੀਨ ਦੀਆਂ 8 ਮਿਲੀਅਨ ਵਾਧੂ ਡੋਜ਼ਾਂ ਮਾਰਚ ਦੇ ਅੰਤ ਤੱਕ ਕੈਨੇਡਾ ਪਹੁੰਚਣ ਦੀ ਸੰਭਾਵਨਾ ਹੈ।
ਕੈਨੇਡਾ ਵਿੱਚ ਵੈਕਸੀਨ ਦੀ ਕੌਮੀ ਪੱਧਰ ਉੱਤੇ ਵੰਡ ਦੇ ਕੰਮ ਨੂੰ ਦੇਖਣ ਵਾਲੇ ਮੇਜਰ ਜਨਰਲ ਡੈਨੀ ਫੋਰਟਿਨ ਦਾ ਕਹਿਣਾ ਹੈ ਕਿ ਫਾਈਜ਼ਰ ਦੀ ਡਲਿਵਰੀ ਵਿੱਚ ਆਈ ਤੇਜ਼ੀ ਸਦਕਾ ਹੀ ਮਾਰਚ ਦੇ ਅੰਤ ਤੱਕ ਕੈਨੇਡਾ ਨੂੰ ਅੱਠ ਮਿਲੀਅਨ ਡੋਜ਼ਾਂ ਹਾਸਲ ਹੋਣਗੀਆਂ। ਮੌਡਰਨਾ ਦੀ ਹਫਤੇ ਵਿੱਚ ਦੋ ਵਾਰੀ ਹਾਸਲ ਹੋਣ ਵਾਲੀ ਡਲਿਵਰੀ ਅਗਲੇ ਮਹੀਨੇ ਦੇ ਮੱਧ ਤੱਕ ਇੱਕ ਮਿਲੀਅਨ ਦਾ ਅੰਕੜਾ ਟੱਪ ਜਾਵੇਗੀ।
ਐਸਟ੍ਰਾਜ਼ੈਨੇਕਾ ਦੀਆਂ ਹੋਰ 1·5 ਮਿਲੀਅਨ ਡੋਜ਼ਾਂ ਮਈ ਦੇ ਮੱਧ ਤੱਕ ਹਾਸਲ ਹੋਣ ਦੀ ਉਮੀਦ ਹੈ। ਪਰ ਜੌਹਨਸਨ ਐਂਡ ਜੌਹਨਸਨ ਦੀ ਡਲਿਵਰੀ ਲਈ ਅਜੇ ਕੋਈ ਸਮਾਂ ਸੀਮਾਂ ਹਾਸਲ ਨਹੀਂ ਹੋਈ।