ਹਰ ਲੜਕੀ ਚਾਹੁੰਦੀ ਹੈ ਕਿ ਉਸ ਦੀ ਸਕਿਨ ਨੈਚੁਰਲੀ ਗਲੋ ਕਰੋ। ਇਸ ਦੇ ਲਈ ਤੁਹਾਡੀ ਸਕਿਨ ਵੱਲ ਜ਼ਿਆਦਾ ਧਿਆਨ ਦੇਣ ਦੀ ਜ਼ਰੂਰਤ ਹੁੰਦੀ ਹੈ। ਸਕਿਨ ਦੀ ਗੰਦਗੀ ਅਤੇ ਡੈੱਡ ਸਕਿਨ ਸੈੱਲਸ ਨੂੰ ਬਾਹਰ ਕੱਢਣ ਦੇ ਨਾਲ ਜੇ ਤੁਸੀਂ ਆਪਣੇ ਫੇਸ ਦੀ ਡੀਪ ਕਲੀਂਜਿੰਗ ਕਰਨਾ ਚਾਹੁੰਦੇ ਹੋ ਤਾਂ ਉਸ ਦੇ ਲਈ ਫੇਸ਼ੀਅਲ ਕਰਨਾ ਇੱਕ ਵਧੀਆ ਆਈਡੀਆ ਹੈ। ਉਂਝ ਤਾਂ ਜ਼ਿਆਦਾਤਰ ਔਰਤਾਂ ਪਾਰਲਰ ਜਾ ਕੇ ਫੇਸ਼ੀਅਲ ਕਰਵਾਉਂਦੀਆਂ ਹਨ, ਪਰ ਇਹ ਕਾਫੀ ਮਹਿੰਗਾ ਪੈਂਦਾ ਹੈ। ਘਰ ਵਿੱਚ ਫੇਸ਼ੀਅਲ ਕਰਨਾ ਜ਼ਿਆਦਾ ਚੰਗਾ ਹੈ। ਜੇ ਤੁਸੀਂ ਚਾਹੋ ਤਾਂ ਘਰ ਵਿੱਚ ਕੌਫੀ ਦੀ ਮਦਦ ਨਾਲ ਫੇਸ਼ੀਅਲ ਕਰ ਸਕਦੇ ਹੋ। ਚਲੋ ਜਾਣਦੇ ਹਾਂ ਘਰ ਉੱਤੇ ਕੌਫੀ ਨਾਲ ਫੇਸ਼ੀਅਲ ਕਰਨ ਦੇ ਲਈ ਕੀ ਕਰੀਓ :
ਕਲੀਂਜਿੰਗ: ਫੇਸ਼ੀਅਲ ਦਾ ਸਭ ਤੋਂ ਪਹਿਲਾ ਸਟੈਪ ਹੈ ਕਲੀਂਜਿੰਗ। ਇਹ ਚਿਹਰੇ ਦੀ ਗੰਦਗੀ, ਵਾਧੂ ਤੇਲ ਨੂੰ ਦੂਰ ਕਰ ਕੇ ਸਕਿਨ ਕਲੀਨ ਕਰਦਾ ਹੈ। ਫੇਸ ਦੀ ਕਲੀਂਜਿੰਗ ਲਈ ਇੱਕ ਕਟੋਰੀ ਵਿੱਚ ਵੱਡਾ ਚਮਚ ਪਿਸਿਆ ਹੋਇਆ ਕੌਫੀ ਪਾਊਡਰ ਲਓ। ਇਸ ਵਿੱਚ ਦੋ ਵੱਡੇ ਚਮਚ ਐਲੋਵੇਰਾ ਜੈੱਲ ਮਿਲਾਓ ਅਤੇ ਦੋਵਾਂ ਚੀਜ਼ਾਂ ਨੂੰ ਚੰਗੀ ਤਰ੍ਹਾਂ ਮਿਕਸ ਕਰ ਲਓ। ਇਸ ਮਿਸ਼ਰਣ ਨੂੰ ਆਪਣੇ ਚਿਹਰੇ ਉੱਤੇ ਲਗਾਓ ਅਤੇ ਸਰਕੁਲਰ ਮੋਸ਼ਨ ਵਿੱਚ ਮਸਾਜ ਕਰੋ। ਦੋ ਮਿੰਟ ਦੇ ਬਾਅਦ ਚਿਹਰੇ ਨੂੰ ਸਾਦੇ ਪਾਣੀ ਨਾਲ ਧੋ ਲਓ।
ਸਕਰਬਿੰਗ: ਕਲੀਂਜਿੰਗ ਦੇ ਬਾਅਦ ਵਾਰੀ ਆਉਂਦੀ ਹੈ ਸਕਰਬਿੰਗ ਦੀ। ਸਕਰਬਿੰਗ ਬੇਜਾਨ ਸਕਿਨ ਕੋਸ਼ਿਕਾਵਾਂ ਨੂੰ ਹਟਾਉਣ ਅਤੇ ਸਕਿਨ ਨੂੰ ਐਕਸਫੋਲੀਏਟ ਕਰਦੀ ਹੈ। ਚਿਹਰੇ ਨੂੰ ਸਕਰਬ ਕਰਨ ਦੇ ਲਈ ਇੱਕ ਕਟੋਰੀ ਵਿੱਚ ਇੱਕ ਵੱਡਾ ਚਮਚ ਖੰਡ ਤੇ ਇੱਕ ਵੱਡਾ ਚਮਚ ਕੌਫੀ ਲਓ। ਇਸ ਵਿੱਚ ਦੋ ਵੱਡੇ ਚਮਚ ਨਾਰੀਅਲ ਤੇਲ ਮਿਲਾਓ। ਲਗਭਗ ਪੰਜ-ਛੇ ਮਿੰਟ ਲਈ ਇਸ ਮਿਸ਼ਰਣ ਨੂੰ ਚਿਹਰੇ ਉੱਤੇ ਲਾ ਕੇ ਹਲਕੇ ਹੱਥਾਂ ਨਾਲ ਸਰਕੁਲਰ ਮੋਸ਼ਨ ਵਿੱਚ ਸਕਰਬ ਕਰੋ। ਇਹ ਪ੍ਰਕਿਰਿਆ ਤੁਹਾਡੀ ਡੈੱਡ ਸਕਿਨ ਨੂੰ ਹਟਾਉਣ ਵਿੱਚ ਮਦਦ ਕਰਦੀ ਹੈ, ਜਿਸ ਨਾਲ ਤੁਹਾਡੀ ਸਕਿਨ ਨਰਮ ਤੇ ਚਮਕਦਾਰ ਹੋ ਜਾਂਦੀ ਹੈ। ਪੰਜ ਮਿੰਟ ਦੇ ਬਾਅਦ ਇਸ ਨੂੰ ਸਾਦੇ ਪਾਣੀ ਨਾਲ ਧੋ ਲਓ।
ਫੇਸ ਮਾਸਕ: ਸਕਿਨ ਨੂੰ ਬ੍ਰਾਈਟਰ ਅਤੇ ਗਲੋਇੰਗ ਬਣਾਉਣ ਲਈ ਫੇਸ ਮਾਸਕ ਅਪਲਾਈ ਕਰਨਾ ਬੇਹੱਦ ਜ਼ਰੂਰੀ ਹੈ। ਫੇਸ ਮਾਸਕ ਸਕਿਨ ਨੂੰ ਹਾਈਡ੍ਰੇਟ ਕਰਨ ਵਿੱਚ ਮਦਦ ਕਰਦਾ ਹੈ ਅਤੇ ਸਕਿਨ ਦੇ ਸਾਂਝੇ ਰੂਪ ਵਿੱਚ ਬਿਹਤਰ ਬਣਾਉਂਦੇ ਹਨ। ਤੁਸੀਂ ਕੌਫੀ ਦੀ ਮਦਦ ਨਾਲ ਬਿਹਤਰੀਨ ਫੇਸ ਮਾਸਕ ਤਿਆਰ ਕਰ ਸਕਦੇ ਹੋ। ਇਸ ਦੇ ਲਈ ਤੁਸੀਂ ਇੱਕ ਕਟੋਰੀ ਵਿੱਚ ਇੱਕ ਵੱਡਾ ਚਮਚ ਕੌਫੀ ਪਾਊਡਰ ਪਾਓ ਅਤੇ ਇਸ ਵਿੱਚ ਸ਼ਹਿਦ ਦਾ ਇੱਕ ਵੱਡਾ ਚਮਚ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰੋ। ਇਸ ਮਾਸਕ ਨੂੰ ਆਪਣੇ ਚਿਹਰੇ ਉੱਤੇ ਲਾਓ ਅਤੇ ਗੋਲਾਕਾਰ ਗਤੀ ਵਿੱਚ ਹੌਲੀ-ਹੌਲੀ ਮਾਲਿਸ਼ ਕਰੋ। ਇਸ ਨੂੰ 15 ਮਿੰਟ ਲਈ ਸੁੱਕਣ ਦਿਓ। ਅਖੀਰ ਵਿੱਚ ਪਾਣੀ ਦੀ ਮਦਦ ਨਾਲ ਸਕਿਨ ਕਲੀਨ ਕਰੋ। ਸ਼ਹਿਦ ਵਿੱਚ ਮਾਇਸ਼ਚਰਾਈਜਿੰਗ ਏਜੰਟ ਹੁੰਦੇ ਹਨ ਤੇ ਜੇ ਇਨ੍ਹਾਂ ਨੂੰ ਕੌਫੀ ਦੇ ਨਾਲ ਮਿਕਸ ਕਰ ਕੇ ਚਿਹਰੇ ਉੱਤੇ ਲਗਾਇਆ ਜਾਂਦਾ ਹੈ, ਤਾਂ ਇਹ ਸਕਿਨ ਨੂੰ ਮਾਇਸ਼ਚਰਾਈਜ਼ ਕਰਨ ਦੇ ਨਾਲ-ਨਾਲ ਉਸ ਦੀ ਚਮਕ ਵੀ ਬਣਾਈ ਰੱਖਦੇ ਹਨ।