ਓਟਵਾ, 25 ਫਰਵਰੀ (ਪੋਸਟ ਬਿਊਰੋ) : ਇੱਕ ਨਵੇਂ ਅੰਦਾਜ਼ੇ ਮੁਤਾਬਕ ਨਵੇਂ ਹਾਈਬ੍ਰਿਡ ਪਾਰਲੀਆਮੈਂਟ ਨਾਲ ਸਾਲ ਦੇ 6·2 ਮਿਲੀਅਨ ਡਾਲਰ ਦੀ ਬਚਤ ਕੀਤੀ ਜਾ ਸਕਦੀ ਹੈ।
ਕੋਵਿਡ-19 ਮਹਾਂਮਾਰੀ ਕਾਰਨ ਪਿਛਲੇ ਸਾਲ ਦੀ ਅਪਰੈਲ ਤੋਂ ਹੀ ਇਹ ਸਿਸਟਮ ਲਾਗੂ ਹੈ, ਇਸ ਵਿੱਚ ਕੁੱਝ ਐਮਪੀਜ਼ ਤੇ ਸੈਨੇਟਰਜ਼ ਨਿਜੀ ਤੌਰ ਉੱਤੇ ਪਾਰਲੀਆਮੈਂਟ ਦੀ ਕਿਸੇ ਵੀ ਕਾਰਵਾਈ ਵਿੱਚ ਹਿੱਸਾ ਲੈਂਦੇ ਹਨ ਤੇ ਕੁੱਝ ਦੂਰੋਂ ਹੀ ਅਜਿਹੀਆਂ ਗਤੀਵਿਧੀਆਂ ਦਾ ਹਿੱਸਾ ਬਣਦੇ ਹਨ। ਮਹਾਂਮਾਰੀ ਕਾਰਨ ਪਾਰਲੀਆਮੈਂਟ ਦੀ ਕਾਰਵਾਈ ਵਿੱਚ ਐਮਪੀਜ਼ ਤੇ ਸੈਨੇਟਰਜ਼ ਕਿਸ ਤਰ੍ਹਾਂ ਹਿੱਸਾ ਲੈਂਦੇ ਹਨ ਇਹ ਕਾਫੀ ਬਦਲ ਚੁੱਕਿਆ ਹੈ।ਪਾਰਲੀਆਮੈਂਟਰੀ ਬਜਟ ਆਫੀਸਰ ਦੀ ਰਿਪੋਰਟ ਵਿੱਚ ਇਹ ਆਖਿਆ ਗਿਆ ਹੈ ਕਿ ਬਚਤ ਦਾ ਮੁੱਖ ਕਾਰਨ ਟਰੈਵਲ ਵਿੱਚ ਆਈ ਕਮੀ ਹੈ।
ਇਸ ਰਿਪੋਰਟ ਵਿੱਚ ਇਹ ਵੀ ਆਖਿਆ ਗਿਆ ਹੈ ਕਿ ਟਰੈਵਲ ਵਿੱਚ ਇਸ ਤਰ੍ਹਾਂ ਦੀ ਕਟੌਤੀ, ਗ੍ਰੀਨ ਹਾਊਸ ਗੈਸਾਂ ਦਾ ਰਿਸਾਅ ਕਾਰਬਨਡਾਈਆਕਸਾਈਡ ਦੇ 2,972 ਮੀਟਰਿਕ ਟੰਨ ਤੱਕ ਘਟਾਉਣ ਦੇ ਬਰਾਬਰ ਹੈ।ਬਜਟ ਵਾਚਡੌਗ ਦਾ ਇਹ ਵੀ ਆਖਣਾ ਹੈ ਕਿ ਇਸ ਮਾਡਲ ਨਾਲ ਲੋੜੀਂਦੀ ਤਕਨਾਲੋਜੀ ਤੇ ਇੰਟਰਪਰੈਟਰ ਸੇਵਾਵਾਂ ਵਿੱਚ ਵਾਧਾ ਹੋਇਆ ਹੈ।