ਟੋਰਾਂਟੋ, 25 ਫਰਵਰੀ (ਪੋਸਟ ਬਿਊਰੋ) : ਟੋਰਾਂਟੋ ਪਬਲਿਕ ਹੈਲਥ (ਟੀਪੀਐਚ) ਵੱਲੋਂ ਇਸ ਗੱਲ ਦੀ ਪੁਸ਼ਟੀ ਕੀਤੀ ਗਈ ਹੈ ਕਿ ਟੋਰਾਂਟੋ ਦੇ ਅਜਿਹੇ ਅੱਠ ਸਕੂਲ ਹਨ ਜਿੱਥੇ ਕੋਵਿਡ-19 ਦੇ ਵੇਰੀਐਂਟ ਆਫ ਕਨਸਰਨ (ਵੀਓਸੀ) ਨਾਲ ਘੱਟੋ ਘੱਟ ਇੱਕ ਵਿਅਕਤੀ ਜ਼ਰੂਰ ਪਾਜ਼ੀਟਿਵ ਪਾਇਆ ਗਿਆ ਹੈ।
ਜਿਹੜੇ ਸਕੂਲ ਪ੍ਰਭਾਵਿਤ ਹੋਏ ਹਨ ਉਨ੍ਹਾਂ ਦੇ ਨਾਂ ਹੇਠ ਦਿੱਤੇ ਜਾ ਰਹੇ ਹਨ :
· ਬੈਵਰਲੀ ਸਕੂਲ
· ਡੈਨਫੋਰਥ ਕਾਲਜੀਏਟ ਐਂਡ ਟੈਕਨੀਕਲ ਇੰਸਟੀਚਿਊਟ
· ਦਾਂਤੇ ਅਲੀਗੇਰੀ ਅਕੈਡਮੀ
· ਗਲਫਸਟਰੀਮ ਪਬਲਿਕ ਸਕੂਲ
· ਹੈਲਨ ਕੈਥੋਲਿਕ ਸਕੂਲ
· ਆਰ ਲੇਡੀ ਆਫ ਲੌਰਡਜ਼ ਕੈਥੋਲਿਕ ਸਕੂਲ
· ਦ ਟੋਰਾਂਟੋ ਚੀਡਰ
· ਯੇਸਿਵਾ ਯੇਸੋਦੇਇ ਹਾਤੋਰਾਹ
ਟੀਪੀਐਚ ਨੇ ਦੱਸਿਆ ਕਿ ਸਾਰੇ ਪਾਜ਼ੀਟਿਵ ਪਾਏ ਗਏ ਵਿਅਕਤੀਆਂ ਨੂੰ ਘਰ ਭੇਜ ਦਿੱਤਾ ਗਿਆ ਤੇ ਉਨ੍ਹਾਂ ਦੇ ਸੰਪਰਕ ਵਿੱਚ ਆਉਣ ਵਾਲੇ ਲੋਕਾਂ ਨੂੰ ਵੀ ਟੈਸਟ ਕਰਵਾਉਣ ਦੀ ਸਿਫਾਰਿਸ਼ ਕੀਤੀ ਗਈ ਹੈ। ਟੀਪੀਐਚ ਦਾ ਕਹਿਣਾ ਹੈ ਕਿ ਸਕੂਲਾਂ ਨੂੰ ਸੇਫ ਰੱਖਣ ਤੇ ਵਾਇਰਸ ਨੂੰ ਅੱਗੇ ਫੈਲਣ ਤੋਂ ਰੋਕਣ ਲਈ ਉੱਥੇ ਇੱਕ ਖਾਸ ਪ੍ਰੋਟੋਕਾਲ ਦੀ ਪਾਲਣਾ ਕੀਤੀ ਜਾਂਦੀ ਹੈ। ਪ੍ਰੋਟੋਕਾਲਜ਼ ਤਹਿਤ ਕੋਵਿਡ-19 ਟੈਸਟਿੰਗ, ਰੋਜ਼ਾਨਾ ਸਕਰੀਨਿੰਗ, ਫਿਜ਼ੀਕਲ ਡਿਸਟੈਂਸਿੰਗ, ਮਾਸਕਸ ਤੇ ਟਾਰਗੈੱਟ ਤੈਅ ਕਰਕੇ ਟੈਸਟਿੰਗ ਕਰਵਾਈ ਜਾਣਾ ਸ਼ਾਮਲ ਹੈ।
ਸਿਹਤ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਵੇਰੀਐਂਟਸ ਵਧੇਰੇ ਇਨਫੈਕਸ਼ੀਅਸ ਹਨ ਤੇ ਇਹ ਤੇਜ਼ੀ ਨਾਲ ਫੈਲਦੇ ਹਨ। ਬੁੱਧਵਾਰ ਨੂੰ ਟੋਰਾਂਟੋ ਦੀ ਉੱਘੀ ਡਾਕਟਰ ਐਲੀਨ ਡੀ ਵਿੱਲਾ ਤੇ ਟੀਪੀਐਚ ਨੇ ਸਿਟੀ ਵਿੱਚ 710 ਮਾਮਲੇ ਰਿਪੋਰਟ ਕੀਤੇ ਤੇ ਹੁਣ ਇਨ੍ਹਾਂ ਦੀ ਵੀਓਸੀ ਲਈ ਸਕਰੀਨਿੰਗ ਕੀਤੀ ਜਾ ਰਹੀ ਹੈ।