ਟੋਰਾਂਟੋ, 23 ਫਰਵਰੀ (ਪੋਸਟ ਬਿਊਰੋ) : ਸੋਮਵਾਰ ਰਾਤ ਨੂੰ ਫਾਇਨਾਂਸ਼ੀਅਲ ਡਿਸਟ੍ਰਿਕਟ ਕੌਂਡੋ ਬਿਲਡਿੰਗ ਤੋਂ ਖਾਣ ਪੀਣ ਵਾਲੀਆਂ ਚੀਜ਼ਾਂ ਤੇ ਪਾਣੀ ਦੀਆਂ ਬੋਤਲਾਂ ਸੁੱਟੀਆਂ ਗਈਆਂ। ਦੋ ਦਿਨ ਪਹਿਲਾਂ ਵੀ ਇੱਕ ਅਜਿਹਾ ਕੇਸ ਹੋ ਚੁੱਕਿਆ ਹੈ।
ਪੁਲਿਸ ਅਧਿਕਾਰੀਆਂ ਨੂੰ ਰਿਚਮੰਡ ਤੇ ਬੇਅ ਸਟਰੀਟਸ ਇਲਾਕੇ ਵਿੱਚ ਟੈਂਪਰੈਂਸ ਸਟਰੀਟ ਉੱਤੇ ਸਥਿਤ ਕੌਂਡੋ ਉੱਤੇ ਰਾਤੀਂ 8:40 ਉੱਤੇ ਸੱਦਿਆ ਗਿਆ। ਇਸ ਦੌਰਾਨ ਪੁਲਿਸ ਨੂੰ ਇਹ ਜਾਣਕਾਰੀ ਦਿੱਤੀ ਗਈ ਕਿ ਕਿਸੇ ਵੱਲੋਂ ਬਿਲਡਿੰਗ ਤੋਂ ਚੀਜ਼ਾਂ ਸੁੱਟੀਆਂ ਜਾ ਰਹੀਆਂ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਫੂਡ ਤੇ ਵਾਟਰ ਬੌਟਲਾਂ ਬਹੁਤ ਹੀ ਉੱਚੀ ਮੰਜਿ਼ਲ ਤੋਂ ਹੇਠਾਂ ਸੁੱਟੀਆਂ ਗਈਆਂ , ਇਨ੍ਹਾਂ ਕਾਰਨ ਕਾਰ ਦੀ ਮੂੰਹ ਸੰਭਾਲ ਰਿਹਾ ਹੈ।
ਇਸ ਤੋਂ ਇੱਕ ਦਿਨ ਪਹਿਲਾਂ ਯੌਰਕ ਸਟਰੀਟ ਤੇ ਲੇਕ ਸ਼ੋਰ ਬੋਲੀਵੀਆਰਡ ਸਥਿਤ ਇਮਾਰਤ ਦੀ 35ਵੀਂ ਮੰਜਿਂਲ ਤੋਂ ਵੀ ਬੋਤਲਾਂ ਹੇਠਾਂ ਸੁੱਟੀਆਂ ਗਈਆਂ ਸਨ। ਪੁਲਿਸ ਨੇ ਦੱਸਿਆ ਕਿ ਇਹ ਬੋਤਲਾਂ ਆਦਿ ਉਸ ਇਮਾਰਤ ਵਿੱਚੋਂ ਹੇਠਾਂ ਸੁੱਟੀਆਂ ਗਈਆਂ ਸਨ ਜਿੱਥੇ ਲੋਕ ਪਾਰਟੀ ਕਰ ਰਹੇ ਸਨ। ਚਾਰ ਵਿਅਕਤੀਆਂ ਨੂੰ ਇਸ ਸਬੰਧ ਵਿੱਚ ਗ੍ਰਿਫਤਾਰ ਕੀਤਾ ਗਿਆ ਹੈ। ਸੱਤ ਹੋਰ ਵਿਅਕਤੀਆਂ ਨੂੰ ਐਮਰਜੰਸੀ ਆਰਡਰਜ ਦੀ ਉਲੰਘਣਾ ਕਰਨ ਦੇ ਮਾਮਲੇ ਵਿੱਚ ਚਾਰਜ ਕੀਤਾ ਗਿਆ ਹੈ।