ਟੋਰਾਂਟੋ, 23 ਫਰਵਰੀ (ਪੋਸਟ ਬਿਊਰੋ) : ਓਨਟਾਰੀਓ ਵਾਸੀਆਂ ਲਈ ਘੱਟ ਮਹਿੰਗੀਆਂ ਤੇ ਫਿਕਸਡ ਹਾਈਡਰੋ ਦਰਾਂ ਮੁਹੱਈਆ ਕਰਵਾਉਣ ਵਾਲੇ ਐਮਰਜੰਸੀ ਆਰਡਰ ਅੱਜ ਰਾਤ ਤੋਂ ਖਤਮ ਹੋਣ ਜਾ ਰਹੇ ਹਨ।
ਇਹ ਹੁਕਮ ਪਹਿਲੀ ਜਨਵਰੀ ਤੋਂ ਲਾਗੂ ਹੋਏ ਸਨ ਜਦੋਂ ਪ੍ਰੋਵਿੰਸ ਪੱਧਰ ਉੱਤੇ ਲਾਕਡਾਊਨ ਆਰਡਰ ਜਾਰੀ ਕੀਤੇ ਗਏ ਸਨ। ਇਨ੍ਹਾਂ ਦਰਾਂ ਨੂੰ ਇੱਕ ਵਾਰੀ ਹੋਰ ਨਰਮ ਉਸ ਸਮੇਂ ਕੀਤਾ ਗਿਆ ਸੀ ਜਦੋਂ ਓਨਟਾਰੀਓ ਭਰ ਵਿੱਚ ਸਟੇਅ ਐਟ ਹੋਮ ਆਰਡਰ ਦਿੱਤੇ ਗਏ। ਜਿਸ ਕਾਰਨ ਹਰ ਕਿਸੇ ਨੂੰ ਆਪਣੇ ਘਰ ਤੋਂ ਕੰਮ ਕਰਨ ਲਈ ਹੱਲਾਸ਼ੇਰੀ ਮਿਲੀ। ਇਸ ਯੋਜਨਾ ਤਹਿਤ ਓਨਟਾਰੀਓ ਵਾਸੀਆਂ ਤੋਂ ਨਿਯਮਿਤ ਸਮੇਂ ਦੇ ਹਿਸਾਬ ਨਾਲ ਵਰਤੋਂ ਵਾਲੀਆਂ ਦਰਾਂ ਜਾਂ ਸਮੇਂ ਦੇ ਹਿਸਾਬ ਨਾਲ ਫਿਕਸਡ ਦਰਾਂ ਦੀ ਥਾਂ ਪ੍ਰਤੀ ਕਿਲੋਵਾਟ-ਪ੍ਰਤੀ ਘੰਟੇ ਦੇ ਹਿਸਾਬ ਨਾਲ 8·5 ਸੈਂਟ ਚਾਰਜ ਕੀਤੇ ਗਏ।
ਮਨਿਸਟਰੀ ਆਫ ਐਨਰਜੀ, ਨੌਰਦਰਨ ਡਿਵੈਲਪਮੈਂਟ ਐਂਡ ਮਾਈਨਜ਼ ਦੇ ਬੁਲਾਰੇ ਨੇ ਸੋਮਵਾਰ ਨੂੰ ਆਖਿਆ ਕਿ ਗਾਹਕਾਂ ਨੂੰ 24 ਘੰਟੇ ਸਸਤੀਆਂ ਬਿਜਲੀ ਦਰਾਂ ਵਿੱਚ ਵਾਧਾ ਨਹੀਂ ਕੀਤਾ ਜਾਵੇਗਾ। ਉਨ੍ਹਾਂ ਆਖਿਆ ਕਿ ਬਹੁਤੀਆਂ ਹੈਲਥ ਯੂਨਿਟਸ ਵਿੱਚ ਸਟੇਅ ਐਟ ਹੋਮ ਆਰਡਰਜ਼ ਹਟਾ ਦਿੱਤੇ ਗਏ ਹਨ, ਅਸੀਂ ਵੀ ਗਾਹਕਾਂ ਨੂੰ ਪਹਿਲਾਂ ਵਾਲੇ ਸਟੈਂਡਰਡ ਟੀਅਰਡ ਜਿਸ ਸਮੇਂ ਬਿਜਲੀ ਦੀ ਵਰਤੋਂ ਕੀਤੀ ਜਾਂਦੀ ਹੈ ਉਸ ਸਮੇਂ ਦੇ ਹਿਸਾਬ ਨਾਲ ਪੈਸੇ ਲੈਣ ਦੀ ਕਵਾਇਅਦ 23 ਫਰਵਰੀ ਤੋਂ ਰਾਤੀਂ 12:00 ਵਜੇ ਤੋਂ ਸ਼ੁਰੂ ਹੋਣ ਜਾ ਰਹੀ ਹੈ।