Welcome to Canadian Punjabi Post
Follow us on

01

March 2021
ਮਨੋਰੰਜਨ

ਅਦਾਕਾਰੀ ਕਰਨ ਲਈ ਵੱਖ-ਵੱਖ ਥਾਵਾਂ ਘੁੰਮਣ ਦਾ ਮੌਕਾ ਮਿਲਦੈ: ਆਯੁਸ਼ਮਾਨ

February 23, 2021 12:34 AM

ਬਾਲੀਵੁੱਡ ਅਭਿਨੇਤਾ ਆਯੁਸ਼ਮਾਨ ਖੁਰਾਣਾ ਆਸਾਮ ਦੇ ਕਾਜ਼ੀਰੰਗਾ ਮਗਰੋਂ ਫਿਲਮ ‘ਅਨੇਕ’ ਦੀ ਸ਼ੂਟਿੰਗ ਦੇ ਸੰਬੰਧ ਵਿੱਚ ਮੇਘਾਲਿਆ ਦੇ ਸ਼ਿਲੌਂਗ ਵਿੱਚ ਹੈ। ਇਸ ਦੌਰਾਨ ਉਸ ਨੇ ਕਿਹਾ ਕਿ ਉਹ ਖੁਸ਼ਕਿਸਮਤ ਹੈ ਕਿ ਇੱਕ ਅਭਿਨੇਤਾ ਹੋਣ ਦੇ ਨਾਤੇ ਉਸ ਨੇ ਕਈ ਥਾਵਾਂ ਘੁੰਮੀਆਂ ਤੇ ਨਵੀਆਂ ਯਾਦਾਂ ਇਕੱਠੀਆਂ ਕੀਤੀਆਂ।
ਆਯੁਸ਼ਮਾਨ ਨੇ ਕਿਹਾ, ‘‘ਮੈਨੂੰ ਫਿਲਮ ‘ਅਨੇਕ’ ਨੇ ਭਾਰਤ ਨੂੰ ਤੁਰ-ਫਿਰ ਕੇ ਦੇਖਣ ਦਾ ਮੌਕਾ ਦਿੱਤਾ। ਆਸਾਮ ਤੋਂ ਬਾਅਦ ਮੈਂ ਸ਼ਿਲੌਂਗ ਵਿੱਚ ਹਾਂ। ਮੈਂ ਇਤਫਾਕ ਨਾਲ ਇੱਥੇ ਮੈਂ ਪਹਿਲਾਂ ਕਦੇ ਨਹੀਂ ਆਇਆ। ਇਹ ਉਸ ਤਰ੍ਹਾਂ ਹੋਇਆ, ਜਿਸ ਤਰ੍ਹਾਂ ਮੈਂ ਚਾਹੁੰਦਾ ਸੀ। ਮੈਂ ਆਪਣੀ ਜ਼ਿੰਦਗੀ ਵਿੱਚ ਪਹਿਲੀ ਵਾਰ ਇੱਕ ਫਿਲਮ ਦੀ ਸ਼ੂਟਿੰਗ ਇੱਕ ਸ਼ਾਨਦਾਰ ਥਾਂ 'ਤੇ ਕਰ ਰਿਹਾ ਹਾਂ।” ਉਸ ਨੇ ਕਿਹਾ ਕਿ ਸ਼ਿਲੌਂਗ ਦੀ ਸੁੰਦਰਤਾ ਦਾ ਕਿਸੇ ਨਾਲ ਮੇਲ ਨਹੀਂ ਤੇ ਅਸਲ ਵਿੱਚ ਇਹ ਸਾਡੇ ਮੁਲਕ ਦਾ ਛੁਪਿਆ ਹੋਇਆ ਰਤਨ ਹੈ। ਸਭ ਨੂੰ ਇੱਥੇ ਆ ਕੇ ਇਸ ਦਾ ਖੂਬਸੂਰਤ ਨਜ਼ਾਰਾ ਦੇਖਣਾ ਚਾਹੀਦਾ ਹੈ। ਉਸ ਨੇ ਕਿਹਾ ਕਿ ਉਹ ਕਿਸਮਤ ਵਾਲਾ ਹੈ ਕਿ ਫਿਲਮ ‘ਅਨੇਕ' ਉਸ ਨੂੰ ਇਸ ਜਗ੍ਹਾ 'ਤੇ ਲੈ ਕੇ ਆਈ, ਜਿਸ ਨੂੰ ਉਹ ਕਦੇ ਨਹੀਂ ਭੁੱਲੇਗਾ।

Have something to say? Post your comment