ਕੈਲਗਰੀ, 18 ਫਰਵਰੀ (ਪੋਸਟ ਬਿਊਰੋ) : ਕੋਵਿਡ-19 ਕਾਰਨ ਟਰੈਵਲ ਦੀ ਡਿਮਾਂਡ ਘਟਣ ਕਾਰਨ ਵੈਸਟ ਜੈੱਟ ਵੱਲੋਂ ਆਰਜ਼ੀ ਤੌਰ ਉੱਤੇ ਸੇਂਟ ਜੌਹਨਜ਼, ਐਨਐਲ, ਲੰਡਨ, ਓਨਟਾਰੀਓ ਤੇ ਲੌਇਡਮਿੰਸਟਰ ਅਤੇ ਮੈਡੀਸਿਨ ਹੈਟ, ਅਲਬਰਟਾ ਲਈ ਉਡਾਨਾਂ ਮੁਲਤਵੀ ਕੀਤੀਆਂ ਜਾ ਰਹੀਆਂ ਹਨ।
19 ਮਾਰਚ ਤੋਂ ਲੈ ਕੇ 24 ਜੂਨ ਤੱਕ ਇਹ ਉਡਾਨਾਂ ਸਸਪੈਂਡ ਕੀਤੀਆਂ ਜਾ ਰਹੀਆਂ ਹਨ। ਵੈਸਟਜੈੱਟ ਦੇ ਪ੍ਰੈਜ਼ੀਡੈਂਟ ਤੇ ਸੀਈਓ ਐਡ ਸਿੰਮਜ਼ ਨੇ ਇੱਕ ਬਿਆਨ ਜਾਰੀ ਕਰਕੇ ਆਖਿਆ ਕਿ ਅਸਥਿਰਤਾ ਦੇ ਮਾਹੌਲ ਵਿੱਚ ਵੀ ਅਸੀਂ ਘਰੇਲੂ ਤੇ ਕੌਮਾਂਤਰੀ ਉਡਾਨਾਂ ਜਾਰੀ ਰੱਖੀਆਂ ਪਰ ਪਾਬੰਦੀਆਂ ਤੇ ਕੁਆਰਨਟੀਨ ਦੀਆਂ ਸ਼ਰਤਾਂ ਕਾਰਨ ਟਰੈਵਲ ਦੀ ਡਿਮਾਂਡ ਘਟਣ ਕਾਰਨ ਸਾਨੂੰ ਇਹ ਫੈਸਲਾ ਲੈਣਾ ਪਿਆ ਹੈ।ਮੰਦਭਾਗੀ ਗੱਲ ਇਹ ਹੈ ਕਿ ਨਵੀਆਂ ਤੇ ਪਾਬੰਦੀ ਭਰੀਆਂ ਨੀਤੀਆਂ ਨਾਲ ਸਾਨੂੰ ਇੱਕ ਵਾਰੀ ਫਿਰ ਇਨ੍ਹਾਂ ਕਮਿਊਨਿਟੀਜ਼ ਲਈ ਉਡਾਨਾਂ ਸਸਪੈਂਡ ਕਰਨੀਆਂ ਪਈਆਂ।
ਨਤੀਜੇ ਵਜੋਂ ਹਫਤੇ ਵਿੱਚ ਤਿੰਨ ਵਾਰੀ ਸੇਂਟ ਜੌਹਨਜ਼ ਤੇ ਹੈਲੀਫੈਕਸ ਦਰਮਿਆਨ 21 ਮਾਰਚ ਤੋਂ ਸਸਪੈਂਡ ਹੋ ਜਾਣਗੀਆਂ ਜਦਕਿ ਲੰਡਨ, ਓਨਟਾਰੀਓ ਤੇ ਟੋਰਾਂਟੋ ਦਰਮਿਆਨ ਸੇਵਾਵਾਂ, ਜੋ ਕਿ ਹਫਤੇ ਵਿੱਚ ਚਾਰ ਦਿਨ ਆਪਰੇਟ ਕੀਤੀਆਂ ਜਾਂਦੀਆਂ ਹਨ 22 ਮਾਰਚ ਤੋਂ ਸਸਪੈਂਡ ਕੀਤੀਆਂ ਜਾਣਗੀਆਂ। ਕੈਲਗਰੀ ਤੋਂ ਲੌਇਡਮਿੰਸਟਰ ਤੱਕ ਦੀ ਉਡਾਨ ਹਫਤੇ ਵਿੱਚ ਦੋ ਦਿਨ  ਆਪਰੇਟ ਕੀਤੀਆਂ ਜਾਂਦੀਆਂ ਹਨ ਤੇ ਇਹ 19 ਮਾਰਚ ਨੂੰ ਸਸਪੈਂਡ ਹੋਣ ਜਾ ਰਹੀਆਂ ਹਨ। ਕੈਲਗਰੀ ਤੋਂ ਮੈਡੀਸਿਨ ਹੈਟ ਤੱਕ ਦੀ ਉਡਾਨ ਹਫਤੇ ਵਿੱਚ ਇੱਕ ਵਾਰੀ ਆਪਰੇਟ ਕੀਤੀ ਜਾਂਦੀ ਹੈ ਤੇ ਇਹ 21 ਮਾਰਚ ਤੋਂ ਸਸਪੈਂਡ ਹੋ ਰਹੀਆਂ ਹਨ।