Welcome to Canadian Punjabi Post
Follow us on

01

March 2021
ਲਾਈਫ ਸਟਾਈਲ

ਰਸੋਈ : ਅਦਰਕ ਦੀ ਕੜ੍ਹੀ

February 10, 2021 09:27 AM

ਸਮੱਗਰੀ-25 ਗਰਾਮ ਅਦਰਕ, ਲਸਣ ਦੇ ਛੇ ਟੁਕੜੇ, ਇੱਕ ਚਮਚ ਜ਼ੀਰਾ, ਚਾਰ ਛੋਟੇ ਟਮਾਟਰ, ਇੱਕ ਮੁੱਠੀ ਕੱਟਿਆ ਹੋਇਆ ਧਨੀਆ, ਕੁਝ ਪੁਦੀਨੇ ਦੇ ਪੱਤੇ, ਦੋ ਹਰੀਆਂ ਮਿਰਚਾਂ, ਅੱਧਾ ਚਮਚ ਹਲਦੀ, ਦੋ ਚਮਚ ਦੁੱਧ। ਨਮਕ ਤੇ ਮਿਰਚ ਪਾਊਡਰ ਸੁਆਦ ਅਨੁਸਾਰ।
ਵਿਧੀ-ਅਦਰਕ ਤੇ ਲਸਣ ਨੂੰ ਪੀਸ ਕੇ ਪੇਸਟ ਬਣਾ ਲਓ। ਪੁਦੀਨਾ ਅਤੇ ਮਿਰਚਾਂ ਨੂੰ ਵੱਖਰਾ ਪੀਸ ਲਓ। ਦੋ ਚਮਚ ਘਿਓ ਗਰਮ ਕਰ ਲਓ ਅਤੇ ਜ਼ੀਰੇ ਨੂੰ ਇਸ 'ਚ ਪਾ ਦਿਓ। ਜਦੋਂ ਇਨ੍ਹਾਂ ਵਿੱਚੋਂ ਤਿੜਕਣ ਦੀ ਆਵਾਜ਼ ਆਉਣੀ ਸ਼ੁਰੂ ਹੋਵੇ ਤਾਂ ਇਸ 'ਚ ਅਦਰਕ ਦਾ ਪੇਸਟ ਪਾ ਦਿਓ ਅਤੇ ਰੰਗ ਬਦਲਣ ਤੱਕ ਭੁੰਨੋ। ਇਸ ਵਿੱਚ ਮਸਾਲੇ ਪਾਓ ਅਤੇ ਕੁਝ ਦੇਰ ਤੱਕ ਪਕਾਓ। ਇਸ ਤੋਂ ਬਾਅਦ ਇਸ ਵਿੱਚ ਟਮਾਟਰ ਅਤੇ ਮਿਰਚ ਦਾ ਪੇਸਟ ਪਾਓ ਅਤੇ ਉਦੋਂ ਤੱਕ ਪਕਾਓ ਜਦੋਂ ਤੱਕ ਟਮਾਟਰ ਨਰਮ ਨਹੀਂ ਹੋ ਜਾਂਦੇ। ਇਨ੍ਹਾਂ ਨੂੰ ਲੱਕੜ ਦੇ ਚਮਚੇ ਨਾਲ ਪੀਸ ਕੇ ਪੇਸਟ ਬਣਾ ਲਵੋ, ਫਿਰ ਇਸ ਵਿੱਚ ਇੱਕ ਕੱਪ ਪਾਣੀ ਪਾ ਕੇ ਹੌਲੀ-ਹੌਲੀ ਹਿਲਾ ਕੇ ਉਬਾਲਾ ਦਿਵਾ ਲਵੋ। ਅੱਗ ਘੱਟ ਕਰ ਕੇ ਪੰਜ ਮਿੰਟਾਂ ਤੱਕ ਹੌਲੀ ਹੌਲੀ ਹਿਲਾਓ। ਇਸ ਵਿੱਚ ਗਰਮ ਦੁੱਧ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾ ਦਿਓ। ਫਿਰ ਇਸ ਨੂੰ ਅੱਗ ਤੋਂ ਉਤਾਰ ਕੇ ਧਨੀਏ ਦੇ ਪੱਤੇ ਛਿੜਕ ਕੇ ਪਰੋਸੋ।

Have something to say? Post your comment