Welcome to Canadian Punjabi Post
Follow us on

22

April 2021
ਕੈਨੇਡਾ

ਏਅਰ ਕੈਨੇਡਾ ਮੁਲਤਵੀ ਕਰੇਗੀ ਹੋਰ ਰੂਟ, 1500 ਮੁਲਾਜ਼ਮਾਂ ਦੀ ਕੀਤੀ ਜਾਵੇਗੀ ਛਾਂਗੀ

February 10, 2021 05:34 AM

ਓਟਵਾ, 9 ਫਰਵਰੀ (ਪੋਸਟ ਬਿਊਰੋ) : ਮਹਾਂਮਾਰੀ ਅਜੇ ਖ਼ਤਮ ਹੋਣ ਦਾ ਨਾਂ ਹੀ ਨਹੀਂ ਲੈ ਰਹੀ ਤੇ ਅਜਿਹੇ ਵਿੱਚ ਏਅਰ ਕੈਨੇਡਾ ਵੱਲੋਂ ਆਪਣੇ ਕੁੱਝ ਮੁਲਾਜ਼ਮਾਂ ਦੀ ਛਾਂਗੀ ਕੀਤੀ ਜਾ ਰਹੀ ਹੈ ਤੇ ਵਾਧੂ ਫਲਾਈਟਾਂ ਮੁਲਤਵੀ ਕੀਤੀਆਂ ਜਾ ਰਹੀਆਂ ਹਨ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਏਅਰਲਾਈਨ ਜਿੱਥੇ ਆਪਣੇ 1500 ਮੁਲਾਜ਼ਮਾਂ ਦੀ ਛਾਂਗੀ ਕਰਨ ਜਾ ਰਹੀ ਹੈ ਉੱਥੇ ਹੀ ਘੱਟੋ ਘੱਟ 17 ਵਾਧੂ ਕੌਮਾਂਤਰੀ ਰੂਟਾਂ ਉੱਤੇ ਉਡਾਨਾਂ ਮੁਲਤਵੀ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ। ਇਨ੍ਹਾਂ ਵਿੱਚੋਂ 12 ਉਡਾਨਾਂ ਟੋਰਾਂਟੋ ਪੀਅਰਸਨ ਏਅਰਪੋਰਟ ਤੋਂ ਹੀ ਰਵਾਨਾ ਹੁੰਦੀਆਂ ਹਨ। ਏਅਰਲਾਈਨ ਵੱਲੋਂ ਜਾਰੀ ਕੀਤੇ ਗਏ ਬਿਆਨ ਵਿੱਚ ਆਖਿਆ ਗਿਆ ਹੈ ਕਿ ਕੋਵਿਡ-19 ਕਾਰਨ ਸਾਨੂੰ ਆਪਣੇ ਸਰਹੱਦੋਂ ਪਾਰਲੇ ਤੇ ਕੌਮਾਂਤਰੀ ਕਮਰਸ਼ੀਅਲ ਸ਼ਡਿਊਲ ਨੂੰ ਘਟਾਉਣਾ ਪੈ ਰਿਹਾ ਹੈ। ਇਸ ਦੇ ਨਾਲ ਹੀ ਸਾਨੂੰ ਇਸ ਗੱਲ ਦਾ ਵੀ ਦੁੱਖ ਹੈ ਕਿ ਸ਼ਡਿਊਲ ਵਿੱਚ ਤਬਦੀਲੀ ਕਾਰਨ ਸਾਨੂੰ ਆਰਜ਼ੀ ਤੌਰ ਉੱਤੇ ਆਪਣੀ ਵਰਕਫੋਰਸ ਘਟਾਉਣੀ ਪੈ ਰਹੀ ਹੈ।  
ਏਅਰਲਾਈਨ ਵੱਲੋਂ ਹੇਠ ਲਿਖੇ ਰੂਟ 30 ਅਪਰੈਲ ਤੱਕ ਮੁਲਤਵੀ ਕੀਤੇ ਜਾ ਰਹੇ ਹਨ :
ਅਮਰੀਕੀ ਰੂਟ
·    ਟੋਰਾਂਟੋ ਤੋਂ ਫੋਰਟ ਮਾਇਰਜ਼-14 ਫਰਵਰੀ ਤੋਂ
·    ਟੋਰਾਂਟੋ ਤੋਂ ਬੋਸਟਨ-16 ਫਰਵਰੀ ਤੋਂ
·    ਟੋਰਾਂਟੋ ਤੋਂ ਵਾਸਿ਼ੰਗਟਨ-ਰੀਗਨ- 17 ਫਰਵਰੀ ਤੋਂ
·    ਟੋਰਾਂਟੋ ਤੋਂ ਲਾਗਾਰਡੀਆ-17 ਫਰਵਰੀ ਤੋਂ
·    ਮਾਂਟਰੀਅਲ ਤੋਂ ਬੋਸਟਨ-17 ਫਰਵਰੀ ਤੋਂ
·    ਮਾਂਟਰੀਅਲ ਤੋਂ ਲਾਗਾਰਡੀਆ-17 ਫਰਵਰੀ ਤੋਂ
·    ਵੈਨਕੂਵਰ ਤੋਂ ਸੀਆਟਲ-16 ਫਰਵਰੀ ਤੋਂ
ਹੋਰ ਕੌਮਾਂਤਰੀ ਰੂਟ
·    ਟੋਰਾਂਟੋ ਤੋਂ ਬਗੋਟਾ-16 ਫਰਵਰੀ ਤੋਂ
·    ਟੋਰਾਂਟੋ ਤੋਂ ਡਬਲਿਨ-12 ਫਰਵਰੀ ਤੋਂ
·    ਟੋਰਾਂਟੋ ਤੋਂ ਦੁਬਈ-ਸੁ਼ਰੂਆਤ ਹੀ ਮੁਲਤਵੀ ਕਰ ਦਿੱਤੀ ਗਈ
·    ਟੋਰਾਂਟੋ ਤੋਂ ਸਾਓ ਪਾਓਲੋ-16 ਫਰਵਰੀ ਤੋਂ
·    ਟੋਰਾਂਟੋ ਤੋਂ ਹਾਂਗਕਾਂਗ-ਸ਼ੁਰੂਆਤ ਹੀ ਮੁਲਤਵੀ ਕਰ ਦਿੱਤੀ ਗਈ
·    ਟੋਰਾਂਟੋ ਤੋਂ ਤਲਅਵੀਵ-ਮੁਲਤਵੀ ਰਹੇਗੀ
·    ਮਾਂਟਰੀਅਲ ਤੋਂ ਬਗੋਟਾ-13 ਫਰਵਰੀ ਤੋਂ
·    ਵੈਨਕੂਵਰ ਤੋਂ ਲੰਡਨ-14 ਫਰਵਰੀ ਤੋਂ
·    ਵੈਨਕੂਵਰ ਤੋਂ ਨਾਰੀਤਾ-14 ਫਰਵਰੀ ਤੋਂ
ਕੰਪਨੀ ਦਾ ਕਹਿਣਾ ਹੈ ਕਿ ਪ੍ਰਭਾਵਿਤ ਗਾਹਕ, ਜਿਨ੍ਹਾਂ ਕੋਲ ਬੁਕਿੰਗਜ਼ ਹਨ, ਹੋਰ ਬਦਲ ਅਪਣਾ ਸਕਦੇ ਹਨ, ਬਦਲਵੇਂ ਰੂਟ ਵੀ ਅਪਣਾ ਸਕਦੀਆਂ ਹਨ। ਕੈਨੇਡਾ ਵੱਲੋਂ ਕੌਮਾਂਤਰੀ ਇੰਟਰਨੈਸ਼ਨਲ ਟਰੈਵਲ ਨੂੰ ਘਟਾਉਣ ਲਈ ਕੀਤੀ ਜਾ ਰਹੀ ਸਖ਼ਤੀ ਕਾਰਨ ਵੀ ਇਹ ਕਟੌਤੀਆਂ ਕੀਤੀਆਂ ਜਾ ਰਹੀਆਂ ਹਨ।
 

   


 

Have something to say? Post your comment
ਹੋਰ ਕੈਨੇਡਾ ਖ਼ਬਰਾਂ
ਅਰਥਚਾਰੇ ਦੀ ਸਥਿਤੀ ਬਾਰੇ ਅੱਜ ਜਾਣਕਾਰੀ ਦੇਵੇਗਾ ਬੈਂਕ ਆਫ ਕੈਨੇਡਾ
ਟਰੂਡੋ ਤੇ ਹੋਰ ਆਗੂ ਐਸਟ੍ਰਾਜ਼ੈਨੇਕਾ ਕੋਵਿਡ-19 ਵੈਕਸੀਨੇਸ਼ਨ ਲਈ ਆਪਣਾ ਨਾਂ ਕਰਵਾ ਰਹੇ ਹਨ ਰਜਿਸਟਰ
ਇੰਟਰਪ੍ਰੋਵਿੰਸ਼ੀਅਲ ਬਾਰਡਰ ਕਰੌਸਿੰਗ ਉੱਤੇ 24/7 ਨਿਗਰਾਨੀ ਬੰਦ ਕਰੇਗੀ ਓਟਵਾ ਪੁਲਿਸ
ਟਾਰਚਾਂ ਵੇਚਣ ਵਾਲੇ
ਕਿਊਬਿਕ ਦੀ ਸੁਪੀਰੀਅਰ ਕੋਰਟ ਨੇ ਧਰਮਨਿਰਪੱਖਤਾ ਕਾਨੂੰਨ ਨੂੰ ਰੱਖਿਆ ਬਰਕਰਾਰ
ਸਰਕਾਰ ਨੇ ਪੇਸ਼ ਕੀਤਾ 101·4 ਬਿਲੀਅਨ ਡਾਲਰ ਦੇ ਖਰਚੇ ਵਾਲਾ ਬਜਟ
ਚੋਣਾਂ ਨੂੰ ਧਿਆਨ ਵਿੱਚ ਰੱਖਕੇ ਬਣਾਇਆ ਗਿਆ ਹੈ ਬਜਟ : ਓਟੂਲ
ਰੌਜਰਜ਼ ਦੇ ਕਈ ਗਾਹਕਾਂ ਵੱਲੋਂ ਸੇਵਾਵਾਂ ਵਿੱਚ ਵਿਘਨ ਪੈਣ ਦੀ ਕੀਤੀ ਗਈ ਸਿ਼ਕਾਇਤ
ਅਰਥਚਾਰੇ ਨੂੰ ਮੁੜ ਲੀਹ ਉੱਤੇ ਲਿਆਉਣ ਲਈ ਲਿਬਰਲ ਸਰਕਾਰ ਹੋਰ ਖਰਚਾ ਕਰਨ ਉੱਤੇ ਦੇਵੇਗੀ ਜ਼ੋਰ
ਇਸ ਹਫਤੇ ਫੈਡਰਲ ਸਰਕਾਰ ਨੂੰ ਫਾਈਜ਼ਰ-ਬਾਇਓਐਨਟੈਕ ਤੋਂ ਇੱਕ ਮਿਲੀਅਨ ਡੋਜ਼ਾਂ ਹਾਸਲ ਹੋਣ ਦੀ ਉਮੀਦ