ਪ੍ਰੇਰਨਾ ਦਾਇਕ ਕਹਾਣੀਆਂ ਦਰਸ਼ਕਾਂ ਵਿੱਚ ਵੀ ਜੋਸ਼ ਪੈਦਾ ਕਰਦੀਆਂ ਹਨ। ਅਗਲੇ ਦਿਨਾਂ ਵਿੱਚ ਅਜਿਹੀਆਂ ਕਈ ਬਾਇਓਪਿਕ ਆਉਣਗੀਆਂ, ਜੋ ਖੇਡ ਜਗਤ ਤੋਂ ਮਹਾਨ ਯੋਧਿਆਂ ਤੱਕ 'ਤੇ ਆਧਾਰਤ ਹੋਣਗੀਆਂ। ਅੱਗੋਂ ਇਸ ਲਿਸਟ ਵਿੱਚ ਕਰਨਲ ਨਰਿੰਦਰ ਬੁਲ ਕੁਮਾਰ ਦੀ ਬਾਇਓਪਿਕ ਵੀ ਸ਼ਾਮਲ ਹੈ, ਜਿਨ੍ਹਾਂ ਦਾ ਪਿਛਲੇ ਸਾਲ ਦਿਹਾਂਤ ਹੋ ਗਿਆ ਸੀ। ਨਰਿੰਦਰ ਕੁਮਾਰ ਨੂੰ ਬੁਲ ਕੁਮਾਰ ਦੇ ਨਾਂਅ ਨਾਲ ਵੀ ਜਾਣਿਆ ਜਾਂਦਾ ਹੈ। ਜਾਂਬਾਜ ਕਰਨਲ ਨਰਿੰਦਰ ਕੁਮਾਰ ਪ੍ਰਸਿੱਧ ਪਰਬਤਾਰੋਹੀ ਸਨ। ਦੁਨੀਆ ਦੀਆਂ ਸਭ ਤੋਂ ਉਚੀਆਂ ਪਹਾੜੀਆਂ ਵਿੱਚੋਂ ਇੱਕ ਸਿਆਚਿਨ ਗਲੇਸ਼ੀਅਰ ਉੱਤੇ ਭਾਰਤ ਦੀ ਪਕੜ ਕਾਇਮ ਰੱਖਣ ਵਿੱਚ ਉਨ੍ਹਾਂ ਦੀ ਭੂਮਿਕਾ ਅਹਿਮ ਸੀ। ਨੰਦਾ ਦੇਵੀ ਚੋਟੀ 'ਤੇ ਚੜ੍ਹਨ ਵਾਲੇ ਉਹ ਪਹਿਲੇ ਭਾਰਤੀ ਸਨ। ਨਿਰਮਾਤਾ ਰਮਨ ਚਿੱਬ ਅਤੇ ਅੰਕੂ ਪਾਂਡੇ ਨੇ ਉਨ੍ਹਾਂ ਦੀ ਜੀਵਨੀ ਨੂੰ ਪਰਦੇ ਤੇ ਉਤਾਰਨ ਦੇ ਅਧਿਕਾਰ ਲਏ ਹਨ। ਫਿਲਮ ਵਿੱਚ ਉਨ੍ਹਾਂ ਦੀ ਸੱਚੀ ਅਗਵਾਈ, ਹਿੰਮਤ ਅਤੇ ਗੌਰਵ ਦੀ ਅਣਕਹੀ ਕਹਾਣੀ ਹੋਵੇਗੀ।
ਦਿ੍ਰੜ ਇੱਛਾ ਸ਼ਕਤੀ ਰੱਖਣ ਵਾਲੇ ਫੌਜੀ ਅਧਿਕਾਰੀ ਕਰਨਲ ਨਰਿੰਦਰ ਨੇ ਹਾਰ ਮੰਨਣ ਤੋਂ ਹਮੇਸ਼ਾ ਇਨਕਾਰ ਕੀਤਾ ਸੀ। ਉਨ੍ਹਾਂ ਦੇ ਆਦਰਸ਼ ਸ਼ਬਦ ਹਮੇਸ਼ਾ ਤੋਂ ਇਹੀ ਰਹੇ ਹਨ ਕਿ ਜੋ ਕਰਨਾ ਹੈ, ਸੋ ਕਰਨਾ ਹੈ। ਸਾਲ 1981 ਵਿੱਚ ਉਨ੍ਹਾਂ ਨੇ ਆਪਣੀ ਟੀਮ ਨਾਲ ਮਿਲ ਕੇ 24 ਹਜ਼ਾਰ ਫੁੱਟ ਉੱਚੀ ਚੋਟੀ 'ਤੇ ਤਿਰੰਗਾ ਲਹਿਰਾਇਆ ਅਤੇ ਕਾਰਨਾਮਾ ਉਨ੍ਹਾਂ ਨੇ ਬਿਨਾਂ ਕਿਸੇ ਮੈਪ ਜਾਂ ਤਕਨੀਕੀ ਜੰਤਰਾਂ ਦੇ ਕੀਤਾ ਸੀ। ਇਸ ਕਾਰਨਾਮੇ ਲਈ ਉਨ੍ਹਾਂ ਕੋਲ ਵਾਟਰ ਪਰੂਫ ਬੂਟ ਤੇ ਕੜਾਕੇ ਦੀ ਠੰਢ ਤੋਂ ਬਚਾਉਣ ਵਾਲੀ ਜੈਕੇਟ ਵੀ ਨਹੀਂ ਸੀ। ਸਰੀਰ ਸੁੰਨ ਕਰ ਦੇਣ ਵਾਲੇ ਤਾਪਮਾਨ ਮਾਈਨਸ 50 ਡਿਗਰੀ ਵਿੱਚ ਬਰਫ ਖਿਸਕਣ ਤੋਂ ਬਚਦੇ ਹੋਏ ਹੋਏ ਆਪਣੀ ਟੀਮ ਨਾਲ ਅੱਗੇ ਵਧਦੇ ਰਹੇ। ਇਹ ਅਧਿਕਾਰਕ ਆਰਮੀ ਮਿਸ਼ਨ ਨਹੀਂ ਸੀ, ਯਾਨੀ ਜੇ ਉਹ ਦੁਸ਼ਮਣਾਂ ਦੇ ਹੱਥ ਲੱਗ ਜਾਂਦੇ ਤਾਂ ਉਨ੍ਹਾਂ ਉਥੋਂ ਕੱਢਿਆ ਨਹੀਂ ਜਾ ਸਕਦਾ ਸੀ। ਫਿਲਮ ਦੀ ਕਹਾਣੀ ਬਲਵਿੰਦਰ ਸਿੰਘ ਜੰਜੂਆ ਨੇ ਲਿਖੀ ਹੈ। ਫਿਲਮ ਨਿਰਮਾਤਾ ਰਮਨ ਛਿਬਰ ਖੁਦ ਸਾਬਕਾ ਫੌਜੀ ਅਧਿਕਾਰੀ ਹਨ। ਰਮਨ ਨੇ ਰਿਤਿਕ ਰੋਸ਼ਨ ਅਤੇ ਦੀਪਿਕਾ ਪਾਦੁਕੋਣ ਦੀ ਫਿਲਮ ‘ਫਾਈਟਰ’ ਦੀ ਕਹਾਣੀ ਅਤੇ ਸਕ੍ਰਿਪਟ ਵੀ ਲਿਖੀ ਹੈ। ਸਿਧਾਰਥ ਆਨੰਦ ਦੇ ਨਾਲ ਰਮਨ ‘ਫਾਈਟਰ' ਦੇ ਨਿਰਮਾਤਾ ਵੀ ਹਨ।