Welcome to Canadian Punjabi Post
Follow us on

01

March 2021
ਭਾਰਤ

ਭਾਰਤ ਵਿੱਚ ਖਿਸਕਦਾ ਬਾਜ਼ਾਰ ਵੇਖ ਕੇ ਵਾਟਸਐਪ ਨੇ ਨੀਤੀ ਬਦਲੀ

January 18, 2021 01:45 AM

ਨਵੀਂ ਦਿੱਲੀ, 17 ਜਨਵਰੀ (ਪੋਸਟ ਬਿਊਰੋ)- ਭਾਰਤ ਵਿੱਚ ਆਪਣਾ ਬਾਜ਼ਾਰ ਖਿਸਕਦਾ ਦੇਖ ਵਾਟਸਐਪ ਨੇ ਇਥੋਂ ਲਈ ਆਪਣੀ ਪ੍ਰਾਇਵੇਸੀ ਪਾਲਿਸੀ ਅਜੇ ਲਾਗੂ ਕਰਨ ਤੋਂ ਟਾਲਾ ਵੱਟ ਲਿਆ ਹੈ। ਉਹ ਭਾਰਤ ਲਈ ਪ੍ਰਾਇਵੇਸੀ ਦੀ ਸਮੀਖਿਆ ਕਰ ਰਿਹਾ ਹੈ। ਭਾਰਤ ਵਿੱਚ ਵਾਟਸਐਪ ਦੀ ਪ੍ਰਾਇਵੇਸੀ ਪਾਲਿਸੀ ਅੱਠ ਫਰਵਰੀ ਤੋਂ ਲਾਗੂ ਹੋਣੀ ਸੀ, ਜਿਸ ਨੂੰ 15 ਮਈ ਨੂੰ ਲਾਗੂ ਕੀਤਾ ਜਾਏਗਾ। ਵਾਟਸਐਪ ਨੇ ਇਹ ਵੀ ਸਾਫ ਕੀਤਾ ਕਿ ਪ੍ਰਾਇਵੇਸੀ ਪਾਲਿਸੀ ਨੂੰ ਨਾ ਮੰਨਣ ਵਾਲੇ ਗ੍ਰਾਹਕਾਂ ਦੇ ਖਾਤੇ ਨੂੰ ਬੰਦ ਜਾਂ ਸਸਪੈਂਡ ਨਹੀਂ ਕੀਤਾ ਜਾਏਗਾ। ਵਾਟਸਐਪ ਆਪਣੀ ਪ੍ਰਾਇਵੇਸੀ ਦੀ ਸਮੀਖਿਆ ਦੌਰਾਨਗ੍ਰਾਹਕਾਂ ਨਾਲ ਗੱਲਬਾਤ ਕਰੇਗਾ ਅਤੇ ਫਿਰ ਉਸ ਨੂੰ ਲਾਗੂ ਕਰੇਗਾ। ਭਾਰਤ ਵਿੱਚ ਇਸ ਦੇ ਕਰੀਬ ਚਾਲੀ ਕਰੋੜ ਯੂਜ਼ਰ ਹਨ।
ਵਰਨਣ ਯੋਗ ਹੈ ਕਿ ਵਾਟਸਐਪ ਉੱਤੇ ਫੇਸਬੁੱਕ ਨਾਲ ਆਪਣੇ ਯੂਜ਼ਰ ਦੇ ਡਾਟਾ ਸ਼ੇਅਰ ਕਰਨ ਦਾ ਦੋਸ਼ ਹੈ, ਜਿਸ ਕਾਰਨ ਗ੍ਰਾਹਕ ਇਸ ਨੂੰ ਛੱਡ ਰਹੇ ਹਨ। ਕੰਪਨੀ ਸੂਤਰਾਂ ਮੁਤਾਬਕ ਵਾਟਸਐਪ ਫੇਸਬੁਕ ਨਾਲ ਆਪਣੇ ਗ੍ਰਾਹਕਾਂ ਦਾ ਸਿਰਫ ਬੇਸਿਕ ਡਾਟਾ ਸ਼ੇਅਰ ਕਰਦਾ ਹੈ ਅਤੇ ਸਾਲ 2016 ਤੋਂ ਅਜਿਹਾ ਏਦਾਂ ਹੋ ਰਿਹਾ ਹੈ। ਇਸ ਡਾਟਾ ਵਿੱਚ ਓਨੀ ਹੀ ਜਾਣਕਾਰੀ ਹੁੰਦੀ ਹੈ, ਜਿੰਨੀ ਜਾਣਕਾਰੀ ਕੋਈ ਯੂਜ਼ਰ ਓਲਾ ਜਾਂ ਓਬਰ ਐਪ ਨੂੰ ਦਿੰਦਾ ਹੈ। ਕੰਪਨੀ ਦੇ ਸੂਤਰਾਂ ਮੁਤਾਬਕ ਜਦ ਕੋਈ ਵਿਅਕਤੀ ਮੇਕ ਮਾਈ ਟਿ੍ਰਪ ਤੋਂ ਟਿਕਟ ਬੁੱਕ ਕਰਾਉਂਦਾ ਹੈ ਤਾਂ ਉਸ ਨੂੰ ਵਾਟਸਐਪ ਰਾਹੀਂਟਿਕਟ ਭੇਜੀ ਜਾਂਦੀ ਹੈ। ਇਥੇ ਮੇਕ ਮਾਈ ਟਿ੍ਰਪ ਬਿਜ਼ਨਸ ਸਰਵਿਸ ਪ੍ਰੋਵਾਈਡਰ ਦਾ ਕੰਮ ਕਰਦਾ ਹੈ। ਅਗੇ ਸਮੇਂ ਵਿੱਚ ਫੇਸਬੁੱਕ ਵੀ ਬਿਜ਼ਨਸ ਸਰਵਿਸ ਪ੍ਰੋਵਾਈਡਰ ਵਜੋਂ ਕੰਮ ਕਰਨਾ ਚਾਹੁੰਦਾ ਹੈ। ਇਸ ਲਈ ਫੇਸਬੁਕ ਨਾਲ ਵੀ ਯੂਜ਼ਰ ਦੇ ਓਨੇ ਡਾਟਾ ਸ਼ੇਅਰ ਹੋਣਗੇ, ਜਿੰਨੇ ਮੇਕ ਮਾਈ ਟਿ੍ਰਪ ਨਾਲ ਅਜੇ ਵੀ ਹੋ ਰਹੇ ਹਨ। ਇਹੀ ਨਵੀਂ ਚੀਜ਼ ਵਾਟਸਐਪ ਦੀ ਪ੍ਰਾਇਵੇਸੀ ਪਾਲਿਸੀ ਵਿੱਚ ਹੈ।

Have something to say? Post your comment
ਹੋਰ ਭਾਰਤ ਖ਼ਬਰਾਂ
ਮੁਰਗੇ ਵੱਲੋਂ ਮਾਲਕ ਦੀ ਹੱਤਿਆ ਦਾ ਕੇਸ ਕੋਰਟ ਵਿੱਚ ਜਾਏਗਾ
ਕੋਰੋਨਾ ਦੇ ਕਹਿਰ ਬਾਰੇ ਨਿਰਦੇਸ਼ਾਂ ਦੀ ਉਲੰਘਣਾ ਕਰਨ ਵਾਲਿਆਂ ਉੱਤੇ ਸਖਤੀ ਕਰਨ ਦੇ ਹੁਕਮ
ਜਸਟਿਸ ਰੰਜਨ ਗੋਗੋਈ ਖਿਲਾਫ ਮਾਣਹਾਨੀ ਕੇਸ ਦੀ ਆਗਿਆ ਦੇਣ ਤੋਂ ਏ ਜੀ ਦਾ ਇਨਕਾਰ
ਓਪੀਨੀਅਨ ਪੋਲ ਦਾ ਦਾਅਵਾ : ਬੰਗਾਲ ਵਿੱਚ ਮਮਤਾ ਬੈਨਰਜੀ ਤੀਸਰੀ ਵਾਰ ਸਰਕਾਰ ਬਣਾਏਗੀ
ਸ਼ਿਵ ਸੈਨਾ ਨੇ ਭਾਜਪਾ ਨੂੰ ਕਿਹਾ ਬਹੁਮੱਤ ਦਾ ਮਤਲਬ ਗ਼ੈਰ-ਜ਼ਿੰਮੇਵਾਰ ਕਾਰਵਾਈਆਂ ਵਾਸਤੇ ਲਾਇਸੈਂਸ ਮਿਲਣਾ ਨਹੀਂ ਹੁੰਦਾ
ਗਣਤੰਤਰ ਦਿਵਸ ਹਿੰਸਾ: ਸਿੱਖਾਂ ਖ਼ਿਲਾਫ਼ ਕੂੜ ਪ੍ਰਚਾਰ ਦੇ ਦੋਸ਼ਾਂ ਤੋਂ ਮੀਡੀਆ ਘਰਾਣੇ ਦਾ ਇਨਕਾਰ
ਹਿਮਾਚਲ ਪ੍ਰਦੇਸ਼ ਵਿੱਚ ਗਵਰਨਰ ਨਾਲ ਧੱਕਾ-ਮੁੱਕੀ ਪਿੱਛੋਂ ਕਾਂਗਰਸ ਦੇ ਪੰਜ ਵਿਧਾਇਕ ਸਸਪੈਂਡ
ਟੂਲਕਿੱਟ ਮਾਮਲਾ : ਅਦਾਲਤ ਤੋਂ ਸ਼ਾਂਤਨੂੰ ਮੁਲੁਕ ਨੂੰ 9 ਮਾਰਚ ਤੱਕ ਗ੍ਰਿਫ਼ਤਾਰੀ ਤੋਂ ਰਾਹਤ ਮਿਲੀ
ਬਾਰਡਰ ਉੱਤੇ ਫਾਇਰਿੰਗ ਰੋਕਣ ਲਈ ਭਾਰਤ-ਪਾਕਿ ਦੋਵੇਂ ਦੇਸ਼ ਰਾਜ਼ੀ
ਛੋਟੇ ਟਿਕੈਤ ਨੇ ਕਿਹਾ: ਕਿਸਾਨੀ ਮਸਲਾ ਰਾਜਨਾਥ ਹੱਲ ਕਰ ਸਕਦੈ