ਵਾਸਿੰ਼ਗਟਨ, 14 ਜਨਵਰੀ (ਪੋਸਟ ਬਿਊਰੋ) : ਬੀਤੇ ਦਿਨੀਂ ਯੂਐਸ ਕੈਪੀਟਲ ਉੱਤੇ ਟਰੰਪ ਸਮਰਥਕਾਂ ਵੱਲੋਂ ਬੋਲੇ ਗਏ ਧਾਵੇ ਬਾਰੇ ਕਈ ਹੋਰ ਖੁਲਾਸੇ ਹੋ ਰਹੇ ਹਨ। ਕ੍ਰਿਪਟੋਕਰੰਸੀ ਕੰਪਲਾਇੰਸ ਸਟਾਰਟਅੱਪ ਚੇਨੈਲੇਸਿਜ਼ ਨੇ ਖੁਲਾਸਾ ਕੀਤਾ ਕਿ 500,000 ਡਾਲਰ ਤੋਂ ਵੀ ਵੱਧ ਦੀ ਅਦਾਇਗੀ ਬਿਟਕੌਇਨ ਦੇ ਰੂਪ ਵਿੱਚ 22 ਵੱਖ ਵੱਖ ਵਰਚੂਅਲ ਵਾਲੈਟਸ ਨੂੰ ਕੀਤੀ ਗਈ। ਇਨ੍ਹਾਂ ਵਿੱਚੋਂ ਬਹੁਤੇ ਵਾਲੈਟਸ ਸੱਜੇ ਪੱਖੀ ਕਾਰਕੁੰਨਾਂ ਤੇ ਇੰਟਰਨੈਟ ਸ਼ਖਸੀਅਤਾਂ ਨਾਲ ਸਬੰਧਤ ਹਨ।
ਇਹ ਅਦਾਇਗੀ, ਜੋ ਕਿ 28·15 ਬਿਟਕੌਇਨਜ਼ ਸੀ, 8 ਦਸੰਬਰ ਨੂੰ ਕਿਸੇ ਫਰੈਂਚ ਡੋਨਰ ਵੱਲੋਂ ਕੀਤੀ ਗਈ। ਇਸ ਦਾ ਖੁਲਾਸਾ ਨਿਊ ਯੌਰਕ ਸਥਿਤ ਸਟਾਰਟਅੱਪ, ਜੋ ਕਿ ਮਨੀ ਲਾਂਡਰਿੰਗ ਤੇ ਡਿਜੀਟਲ ਕਰੰਸੀ ਦੇ ਸਬੰਧ ਵਿੱਚ ਹੋਣ ਵਾਲੇ ਫਰਾਡ ਨੂੰ ਫੜ੍ਹਨ ਵਿੱਚ ਮਹਾਰਤ ਰੱਖਦਾ ਹੈ, ਨੇ ਆਪਣੇ ਬਲੌਗ ਪੋਸਟ ਵਿੱਚ ਕੀਤਾ।
ਚੇਨੈਲੇਸਿਜ਼ ਨੇ ਆਖਿਆ ਕਿ ਉਨ੍ਹਾਂ ਕੋਲ ਇਸ ਗੱਲ ਦੇ ਸਬੂਤ ਹਨ ਕਿ ਕਈ ਸੱਜੇ ਪੱਖੀ ਗਰੁੱਪਜ਼ ਤੇ ਸ਼ਖਸੀਅਤਾਂ ਨੂ੍ਵੰ ਵੱਡੀ ਪੱਧਰ ਉੱਤੇ ਬਿਟਕੌਇਨ ਡੋਨੇਸ਼ਨਜ਼ ਇੱਕੋ ਟਰਾਂਜ਼ੈਕਸ਼ਨ ਰਾਹੀਂ ਹਾਸਲ ਹੋਈਆਂ। ਨਿੱਕ ਫਿਊਨਟੇਸ, ਜਿਸ ਨੂੰ ਪਿਛਲੇ ਸਾਲ ਹੇਟ ਸਪੀਚ ਲਈ ਸਥਾਈ ਤੌਰ ਉੱਤੇ ਯੂ ਟਿਊਬ ਤੋਂ ਸਸਪੈਂਡ ਕਰ ਦਿੱਤਾ ਗਿਆ ਸੀ, ਨੂੰ 13·5 ਬਿਟਕੌਇਨਜ਼ ਹਾਸਲ ਹੋਏ, ਜਿਨ੍ਹਾਂ ਦੀ ਟਰਾਂਸਫਰ ਸਮੇਂ ਕੀਮਤ 250,000 ਡਾਲਰ ਸੀ। ਉਸ ਨੂੰ ਇਸ ਡੋਨੇਸ਼ਨ ਦਾ ਸੱਭ ਤੋਂ ਵੱਡਾ ਬੈਨੇਫਿਸ਼ਰੀ ਮੰਨਿਆਂ ਜਾ ਰਿਹਾ ਹੈ।