ਮੁਕਤਸਰ ਸਾਹਿਬ, 11 ਜਨਵਰੀ (ਪੋਸਟ ਬਿਊਰੋ)- ਵੱਖ-ਵੱਖ ਸੋਸ਼ਲ ਮੀਡੀਆ ਗਰੁੱਪਾਂ ਵਿੱਚ ਕਿਸਾਨ ਅੰਦੋਲਨ ਬਾਰੇ ਖਿੱਚ ਦਾ ਕੇਂਦਰ ਬਣਿਆ ਇੱਕ ਸੱਦਾ ਪੱਤਰ ਕਾਰਡ ਚਰਚਾ ਦਾ ਵਿਸ਼ਾ ਹੈ।
ਇਸ ਕਾਰਡ ਵਿੱਚ ਕਿਸਾਨ ਆਗੂਆਂ ਵੱਲੋਂ 26 ਜਨਵਰੀ ਨੂੰ ਦਿੱਲੀ ਵਿਖੇ ਹੋਣ ਜਾ ਰਹੇ ਸੰਘਰਸ਼ ਵਿੱਚ ਵੱਧ-ਚੜ ਕੇ ਸ਼ਮੂਲੀਅਤ ਕਰਨ ਦਾ ਅਨੋਖੇ ਢੰਗ ਨਾਲ ਸੱਦਾ ਦਿੱਤਾ ਜਾ ਰਿਹਾ ਹੈ। ਕਾਰਡ ਉੱਤੇ ‘ਕਾਕਾ ਪੰਜਾਬ ਸਿੰਘ ਦਾ ਸ਼ੁੱਭ ਵਿਆਹ ਬੀਬੀ ਦਿੱਲੀ ਮਰਜਾਣੀ’ ਨਾਲ 26 ਜਨਵਰੀ ਦਿਨ ਮੰਗਲਵਾਰ ਨੂੰ ਹੋਣਾ ਤੈਅ ਲਿਖਿਆ ਹੈ। ਬਰਾਤ ਦਾ ਟਾਈਮ ਸਵੇਰੇ ਨੌਂ ਵਜੇ, ਮਿਲਣੀ ਸਵੇਰੇ ਦਸ ਵਜੇ ਸਿੰਘੂ ਬਾਰਡਰ ਉੱਤੇ ਤਰਪਾਲਾਂ ਨਾਲ ਹੋਣ ਦੀ ਗੱਲ ਕਹੀ ਜਾ ਰਹੀ ਹੈ।ਕਾਰਡ ਦੇ ਸਭ ਤੋਂ ਥੱਲੇ ਮੋਦੀ, ਤੋਮਰ ਅਤੇ ਸ਼ਾਹ ਵੱਲੋਂ ‘ਹਮਾਲੀ ਦੀਦੀ ਕੀ ਸ਼ਾਦੀ ਮੇਂ ਜਲੂਲ ਆਨਾ’ ਸਲੋਗਨ ਲਿਖਿਆ ਵਿਸ਼ੇਸ਼ ਖਿੱਚ ਦਾ ਕੇਂਦਰ ਹੈ। ਕਿਸਾਨਾਂ ਵੱਲੋਂ ਇਸ ਅਨੋਖੇ ਕਾਰਡ ਦੇ ਨਾਲ 26 ਜਨਵਰੀ ਦੇ ਅੰਦੋਲਨ ਵਿੱਚ ਲੋਕਾਂ ਨੂੰ ਵੱਧ-ਚੜ ਕੇ ਸ਼ਾਮਲ ਹੋਣ ਦੀ ਅਪੀਲ ਕੀਤੀ ਜਾ ਰਹੀ ਹੈ।