ਰਾਜਨੀਤੀ 'ਤੇ ਬਣਨ ਵਾਲੀਆਂ ਫਿਲਮਾਂ ਵਿੱਚ ਡਿਜੀਟਲ ਪਲੇਟਫਾਰਮ ਵੀ ਇਸ ਵਿਸ਼ੇ ਵੱਲ ਆਕਰਸ਼ਿਤ ਹੋ ਗਏ ਹਨ। ਅਮੇਜਨ ਪ੍ਰਾਈਮ ਵੀਡੀਓ ਦਾ ਵੈੱਬ ਸ਼ੋਅ ‘ਤਾਂਡਵ’ ਰਾਜਨੀਤੀ ਦੇ ਅਹਿਮ ਪਹਿਲੂਆਂ 'ਤੇ ਗੱਲ ਕਰੇਗਾ। ਇਸ ਸ਼ੋਅ ਨੂੰ ਬੀਤੇ ਦਿਨੀਂ ਆਯੋਜਤ ਵਰਚੁਅਲ ਪ੍ਰੈੱਸ ਕਾਨਫਰੰਸ ਵਿੱਚ ਡਾਇਰੈਕਟਰ ਅਲੀ ਅੱਬਾਸ ਜ਼ਫਰ ਅਤੇ ਨਿਰਮਾਤਾ ਹਿਮਾਂਸ਼ੂ ਕਿਸ਼ਨ ਮਹਿਰਾ ਦੇ ਨਾਲ ਸ਼ੋਅ ਦੇ ਲੇਖਕ, ਸੈਫ ਅਲੀ ਖਾਨ, ਡਿੰਪਲ ਕਪਾੜੀਆ, ਮੁਹੰਮਦ ਜੀਸ਼ਾਨ ਆਯੂਬ, ਅਨੂਪ ਸੋਨੀ, ਸੰਧਿਆ ਮ੍ਰਿਦੁਲ, ਤਿਗਮਾਂਸ਼ੂ ਧੂਲੀਆ, ਸੁਨੀਲ ਗਰੋਵਰ, ਗੌਹਰ ਖਾਨ ਸਮੇਤ ਸ਼ੋਅ ਦੀ ਪੂਰੀ ਸਟਾਰਕਾਸਟ ਮੌਜੂਦ ਸੀ।
ਸ਼ੋਅ ਦੇ ਡਾਇਰੈਕਟਰ ਅਲੀ ਅੱਬਾਸ ਜ਼ਫਰ ਦਾ ਮੰਨਣਾ ਹੈ ਕਿ ਡਿਜੀਟਲ 'ਤੇ ਨਿਡਰ ਹੋ ਕੇ ਕੰਮ ਕੀਤਾ ਜਾ ਸਕਦਾ ਹੈ। ਉਥੇ ਹੀ ਸੈਫ ਅਲੀ ਖਾਨ ਨੇ ਕਿਹਾ, ‘‘ਸ਼ੋਅ ਵਿੱਚ ਲੰਬੇ-ਲੰਮੇ ਡਾਇਲਾਗਸ ਸਨ। ਪਹਿਲਾਂ ਲੱਗਾ ਕਿ ਇੰਨੇ ਪੰਨੇ ਕਿਵੇਂ ਪੜ੍ਹਾਂਗਾ। ਹਿੰਦੀ ਸੁਣਨ ਅਤੇ ਬੋਲਣ ਵਿੱਚ ਸ਼ੁੱਧ ਸੀ। ਸਕ੍ਰਿਪਟ ਦੀ ਵਜ੍ਹਾ ਨਾਲ ਮੇਰੀ ਹਿੰਦੀ ਚੰਗੀ ਹੋ ਗਈ ਹੈ।” ਗ੍ਰੇਅ ਸ਼ੇਡ ਵਿੱਚ ਨਜ਼ਰ ਆ ਰਹੀ ਡਿੰਪਲ ਕਪਾੜੀਆ ਕਹਿੰਦੀ ਹੈ, ‘‘ਮੈਂ ਪਹਿਲੀ ਵਾਰ ਟੇਬਲ ਰੀਡਿੰਗ ਕੀਤੀ, ਜਿੱਥੇ ਸਾਰੇ ਕਲਾਕਾਰ ਬੈਠੇ ਹੁੰਦੇ ਹਨ। ਡਿਜੀਟਲ 'ਤੇ ਕੰਮ ਕਰਨ ਦਾ ਫਾਇਦਾ ਇਹ ਹੈ ਕਿ ਇਥੇ ਕਿਰਦਾਰ ਨੂੰ ਤਿਆਰ ਕਰਨ ਅਤੇ ਸਕਰੀਨ 'ਤੇ ਰਹਿਮ ਦਾ ਸਮਾਂ ਜ਼ਿਆਦਾ ਮਿਲਦਾ ਹੈ।” 15 ਜਨਵਰੀ ਨੂੰ ਨੌਂ ਐਪੀਸੋਡ ਵਾਲੀ ਇਹ ਸੀਰੀਜ਼ ਅਮੇਜਨ ਪ੍ਰਾਈਮ ਵੀਡੀਓ 'ਤੇ ਸਟਰੀਮਿੰਗ ਦੇ ਲਈ ਉਪਲਬਧ ਹੋਵੇਗੀ।