ਪਟਿਆਲਾ, 10 ਜਨਵਰੀ (ਪੋਸਟ ਬਿਊਰੋ)- ਸ਼ਹਿਰ ਦੇ ਅਨਾਰਦਾਚਾ ਚੌਕ ਵਿੱਚ ਮਾਸਟਰ ਤਾਰਾ ਸਿੰਘ ਪਾਰਕ ਵਿਖੇਕੱਲ੍ਹ ਸ਼ਾਮ ਲਲਾਰੀ ਦਾ ਤੇਜ਼ਧਾਰ ਹਥਿਆਰਾਂ ਨਾਲ ਕਤਲ ਕਰ ਦਿੱਤਾ ਗਿਆ। ਮ੍ਰਿਤਕ ਦੀ ਪਛਾਣ ਮਜੀਤ ਮੁਹੰਮਦ ਉਰਫ ਪਿੰਟਾ ਉਮਰ 42 ਸਾਲ ਦੇ ਰੂਪ ਵਿੱਚ ਹੋਈ ਹੈ।
ਪਤਾ ਲੱਗਾ ਹੈ ਕਿ ਮਜੀਤ ਮੁਹੰਮਦ ਇਸ ਪਾਰਕ ਵਿੱਚ ਬੈਠਾ ਅੱਗ ਸੇਕ ਰਿਹਾ ਸੀ ਤਾਂ ਚਾਰ ਪੰਜ ਵਿਅਕਤੀ ਆਏ ਅਤੇ ਉਸ ਉੱਤੇ ਹਮਲਾ ਕਰ ਦਿੱਤਾ। ਪਿੰਟਾ ਦੇ ਪੇਟ ਵਿੱਚ ਤੇਜ਼ਧਾਰ ਹਥਿਆਰ ਮਾਰ ਕੇ ਹਮਲਾਵਰ ਫਰਾਰ ਹੋ ਗਏ। ਡਾਕਟਰਾਂ ਨੇ ਪਿੰਟਾ ਨੂੰ ਮ੍ਰਿਤਕ ਐਲਾਨ ਦਿੱਤਾ।ਦੱਸਿਆ ਗਿਆ ਹੈ ਕਿ ਮਜੀਤ ਮੁਹੰਮਦ ਦਾ ਕੰਧ ਬਾਰੇ ਗੁਆਂਢੀਆਂ ਨਾਲ ਝਗੜਾ ਚਲਦਾ ਸੀ। ਮਾਮਲਾ ਕਈ ਵਾਰ ਪੁਲਸ ਕੋਲ ਗਿਆ ਸੀ ਅਤੇ ਪਰਵਾਰ ਨੇ ਪੁਲਸ 'ਤੇ ਪਹਿਲਾਂ ਕਾਰਵਾਈ ਨਾ ਕਰਨ ਦਾ ਵੀ ਦੋਸ਼ ਲਾਇਆ ਹੈ। ਦੂਜੇ ਪਾਸੇ ਸੂਚਨਾ ਮਿਲਣ ਤੋਂ ਬਾਅਦ ਪੁਲਸ ਪਾਰਟੀ ਓਥੇ ਪਹੁੰਚ ਗਈ ਅਤੇ ਮੌਕੇ ਉੱਤੇ ਫੋਰੈਂਸਿਕ ਮਾਹਰਾਂ ਦੀ ਟੀਮ ਨੂੰ ਬੁਲਾਇਆ ਗਿਆ ਅਤੇ ਮਾਹਰਾਂ ਦੀ ਟੀਮ ਨੇ ਮੌਕੇ `ਤੇ ਖੂਨ ਦੇ ਸੈਂਪਲ ਲਏ।