Welcome to Canadian Punjabi Post
Follow us on

22

April 2021
ਖੇਡਾਂ

ਭਾਰਤ ਦੀ ਚੋਟੀ ਦੀ ਟੈਨਿਸ ਖਿਡਾਰਨ ਅੰਕਿਤ ਰੈਣਾ ਨੇ ਆਈਟੀ ਐੱਫ ਡਬਲਜ਼ ਜਿੱਤਿਆ

December 14, 2020 06:58 AM

ਦੁਬਈ, 13 ਦਸੰਬਰ, (ਪੋਸਟ ਬਿਊਰੋ)- ਭਾਰਤ ਦੀ ਚੋਟੀ ਦੀ ਟੈਨਿਸ ਖਿਡਾਰਨ ਅੰਕਿਤਾ ਰੈਣਾ ਨੇ ਏਥੇ ਏਕਾਤੇਰੀਨਾ ਗੋਰਗੋਡਜੇ ਨਾਲ ਮਿਲ ਕੇ ਅਲ ਹਬਟੂਰ ਡਬਲਜ਼ ਟਰਾਫੀ ਆਪਣੇ ਜਿੱਤ ਲਈ ਹੈ। ਕੋਵਿਡ-19 ਮਹਾਮਾਰੀ ਨਾਲ ਪ੍ਰਭਾਵਿਤ 2020 ਇਸ ਸੈਸ਼ਨ ਵਿਚ ਇਹ ਅੰਕਿਤਾ ਰੈਣਾ ਦਾ ਤੀਜਾ ਡਬਲਜ਼ ਖ਼ਿਤਾਬ ਹੈ।
ਭਾਰਤ ਅਤੇ ਜਾਰਜੀਆ ਦੀ ਕਿਸੇ ਦਰਜੇ ਤੋਂ ਸੱਖਣੀ ਜੋੜੀ ਨੇ ਕੱਲ੍ਹ ਸ਼ਨਿਚਰਵਾਰ ਇੱਕ ਲੱਖ ਡਾਲਰ ਦੀ ਇਨਾਮੀ ਰਕਮ ਵਾਲੇ ਹਾਰਡ ਕੋਰਟ ਟੂਰਨਾਮੈਂਟ ਦੇ ਫਾਈਨਲ ਵਿਚ ਸਪੇਨ ਦੀ ਅਲੀਓਨਾ ਬੋਲਸੋਵਾ ਜਾਦੋਇਨੋਵ ਅਤੇ ਸਲੋਵਾਕੀਆ ਦੀ ਕਾਜਾ ਜੁਵਾਨ ਦੀ ਜੋੜੀ ਉੱਤੇ 6-4, 3-6, 10-6 ਨਾਲ ਜਿੱਤ ਹਾਸਲ ਕੀਤੀ। ਇਸ ਤੋਂ ਬਾਅਦ ਅੰਕਿਤਾ ਨੇ ਕਿਹਾ ਕਿ ‘ਡਬਲਜ਼ ਨੇ ਹਮੇਸ਼ਾ ਮੈਨੂੰ ਸਿੰਗਲਜ਼ ਵਿਚ ਮਦਦ ਕੀਤੀ ਹੈ। ਡਬਲਜ਼ ਵਿਚ ਚੰਗਾ ਖੇਡਣਾ ਹਮੇਸ਼ਾ ਮੇਰੇ ਕਰੀਅਰ ਵਿਚ ਸਿੰਗਲਜ਼ ਵਿਚ ਖੇਡਣ ਲਈ ਚੰਗਾ ਰਿਹਾ ਹੈ। ਤੁਸੀਂ ਚੰਗੇ ਖਿਡਾਰੀਆਂ ਨਾਲ ਪ੍ਰੈਕਟਿਸ ਕਰ ਸਕਦੇ ਹੋ, ਖੇਡ ਸਕਦੇ ਹੋ ਅਤੇ ਮੈਚਾਂ ਵਿਚ ਕੁਝ ਚੀਜ਼ਾਂ ਹਾਸਲ ਕਰ ਸਕਦੇ ਹੋ।’ ਅੰਕਿਤਾ ਰੈਣਾ ਦਾ ਇਹ ਸੈਸ਼ਨ ਦਾ ਚੌਥਾ ਡਬਲਜ਼ ਫਾਈਨਲ ਸੀ, ਪਰ ਇਹ ਇਸ ਕੈਲੰਡਰ ਦੀ ਸਭ ਤੋਂ ਵੱਡੀ ਟਰਾਫੀ ਸੀ, ਕਿਉਂਕਿ ਇਸ ਤੋਂ ਪਹਿਲਾਂ ਉਸ ਨੇ ਜਿਹੜੇ ਦੋ ਖ਼ਿਤਾਬ ਜਿੱਤੇ ਸਨ, ਉਹ 25000 ਡਾਲਰ ਦੇ ਪੱਧਰ ਦੇ ਸਨ। ਇਸ ਸਾਲ ਫਰਵਰੀ ਵਿਚ ਅੰਕਿਤਾ ਨੇ ਤਿੰਨ ਫਾਈਨਲ ਵਿਚ ਪ੍ਰਵੇਸ਼ ਕੀਤਾ ਸੀ ਅਤੇ ਇਸਵਿਚ ਉਸ ਨੇ ਬੀਬੀਆਨੇ ਸ਼ੂਫਸ ਦੇ ਨਾਲ ਥਾਈਲੈਂਡ ਦੇ ਨੋਂਥਾਬੁਰੀ ਵਿਚ ਲਗਾਤਾਰ ਖ਼ਿਤਾਬ ਜਿੱਤੇ ਤੇ ਜੋਧਪੁਰ ਵਿਚ ਆਪਣੇ ਹੀ ਦੇਸ਼ ਦੀ ਸਨੇਹਲ ਮਾਨੇ ਨਾਲ ਉੱਪ ਜੇਤੂ ਰਹੀ ਸੀ।

Have something to say? Post your comment
ਹੋਰ ਖੇਡਾਂ ਖ਼ਬਰਾਂ