ਕਾਬੁਲ, 30 ਨਵੰਬਰ (ਪੋਸਟ ਬਿਊਰੋ)- ਅਫਗਾਨਿਸਤਾਨ ਵਿੱਚ ਇੱਕ ਫੌਜੀ ਕੈਂਪ ਅਤੇ ਇੱਕ ਸੂਬਾ ਮੁਖੀ ਨੂੰ ਨਿਸ਼ਾਨਾ ਬਣਾ ਕੇ ਕੀਤੇ ਗਏ ਦੋ ਵੱਖ-ਵੱਖ ਆਤਮਘਾਤੀ ਬੰਬ ਧਮਾਕਿਆਂ ਵਿੱਚ ਘੱਟੋ-ਘੱਟ 34 ਜਣਿਆਂ ਦੀ ਮੌਤ ਹੋ ਗਈ। ਇਹ ਜਾਣਕਾਰੀ ਅਫਗਾਨ ਅਧਿਕਾਰੀਆਂ ਨੇ ਦਿੱਤੀ ਹੈ।
ਅਧਿਕਾਰੀਆਂ ਨੇ ਦੱਸਿਆ ਕਿ ਪੂਰਬੀ ਗਜ਼ਨੀ ਸੂਬੇ ਵਿੱਚ ਹਮਲਾਵਰ ਧਮਾਕਾਖੇਜ਼ ਸਮੱਗਰੀ ਨਾਲ ਭਰੀ ਫੌਜੀ ਕਾਰ ਨੂੰ ਫੌਜੀ ਕਮਾਂਡੋ ਕੈਂਪ `ਚ ਲੈ ਗਿਆ ਅਤੇ ਧਮਾਕਾ ਕਰ ਦਿੱਤਾ, ਜਿਸ ਕਾਰਨ 31 ਜਵਾਨ ਮਾਰੇ ਗਏ ਅਤੇ 24 ਹੋਰ ਜ਼ਖਮੀ ਹੋਏ ਹਨ।ਅਧਿਕਾਰੀਆਂ ਮੁਤਾਬਕ ਦੂਜੇ ਹਮਲੇ `ਚ ਦੱਖਣੀ ਅਫਗਾਨਿਸਤਾਨ ਦੇ ਜ਼ੁਬਲ `ਚ ਆਤਮਘਾਤੀ ਕਾਰ ਹਮਲਾਵਰ ਨੇ ਸੂਬਾਈ ਕੌਂਸਲ ਦੇ ਮੁਖੀ ਦੇ ਕਾਫਲੇ ਨੂੰ ਨਿਸ਼ਾਨਾ ਬਣਾਇਆ। ਇਸ ਹਮਲੇ ਵਿੱਚ ਘੱਟੋ-ਘੱਟ 12 ਲੋਕਾਂ ਦੀ ਮੌਤ ਹੋ ਗਈ, ਜਦ ਕਿ ਬੱਚਿਆਂ ਸਣੇ 12 ਹੋਰ ਜ਼ਖਮੀ ਹੋ ਗਏ। ਸੂਬਾਈ ਕੌਂਸਲ ਦੇ ਮੁਖੀ ਇਸ ਹਮਲੇ ਵਿੱਚ ਬਚ ਗਏ, ਉਨ੍ਹਾਂ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਹਾਲੇ ਕਿਸੇ ਵੀ ਗਰੁੱਪ ਵੱਲੋਂਇਨ੍ਹਾਂ ਹਮਲਿਆਂ ਦੀ ਜ਼ਿੰਮੇਵਾਰੀ ਨਹੀਂ ਲਈ ਗਈ।