ਓ ਟੀ ਟੀ ਪਲੇਟਫਾਰਮ ਅਭਿਸ਼ੇਕ ਬੱਚਨ ਦਾ ਪਸੰਦੀਦਾ ਬਣਦਾ ਜਾ ਰਿਹਾ ਹੈ। ‘ਬ੍ਰੀਦ : ਇਨਟੂ ਦ ਸ਼ੈਡੋਜ’ ਵੈੱਬ ਸੀਰੀਜ਼ ਦੇ ਬਾਅਦ ਅਭਿਸ਼ੇਕ ਹੁਣ ਆਪਣੀ ਕਬੱਡੀ ਟੀਮ ਜੈਪੁਰ ਪਿੰਕ ਪੈਂਥਰਸ ਦੀ ਸਪੋਰਟਸ ਡਾਕਿਊ ਸੀਰੀਜ਼ ਲੈ ਕੇ ਆਏ ਹਨ, ਜਿਸ ਦਾ ਨਾਂਅ ਹੈ ‘ਸਨਸ ਆਫ ਦ ਸਾਇਲ'।
ਕੱਲ੍ਹ ਇਸ ਸੀਰੀਜ਼ ਦੇ ਟ੍ਰੇਲਰ ਲਾਂਚ 'ਤੇ ਅਭਿਸ਼ੇਕ ਬੱਚਨ ਨੇ ਕਿਹਾ, ‘‘ਖੇਡ ਦਾ ਸੁਪਰਸਟਾਰ ਮੈਂ ਨਹੀਂ ਬਲਕਿ ਮੇਰੀ ਟੀਮ ਦੇ ਖਿਡਾਰੀ ਹਨ। ਇਹ ਆਪਣੇ ਆਪ ਵਿੱਚ ਪਹਿਲਾ ਅਜਿਹਾ ਭਾਰਤੀ ਸ਼ੋਅ ਹੋਵੇਗਾ, ਜਿਸ ਵਿੱਚ ਖੇਡ ਸ਼ੁਰੂੁ ਹੋਣ ਤੋਂ ਪਹਿਲਾਂ ਖਿਡਾਰੀ ਕਿਸ ਤਰ੍ਹਾਂ ਨਾਲ ਤਿਆਰੀ ਕਰਦੇ ਹਨ, ਜਿੱਤਣ ਦੀ ਖੁਸ਼ੀ, ਹਾਰਨ ਦਾ ਗ਼ਮ, ਖੇਡ ਦੇ ਪਿੱਛੇ ਦੀ ਸਖਤ ਮਿਹਨਤ ਸਭ ਕੁਝ ਦਰਸਾਇਆ ਜਾਏਗਾ। ਮੈਂ ਆਪਣੇ ਸੈਲੀਬ੍ਰਿਟੀ ਹੋਣ ਦਾ ਇਸਤੇਮਾਲ ਇਸ ਖੇਡ ਨੂੰ ਹੱਲਾਸ਼ੇਰੀ ਦੇਣ ਦੇ ਲਈ ਕਰਨਾ ਚਾਹੁੰਦਾ ਹਾਂ। ਹੁਣ ਮੈਂ ਓ ਟੀ ਟੀ ਪਲੇਟਫਾਰਮ 'ਤੇ ਸਹਿਜ ਹੋ ਗਿਆ ਹਾਂ।”