ਮਿਸੀਸਾਗਾ, 29 ਨਵੰਬਰ (ਪੋਸਟ ਬਿਊਰੋ) : ਮੋਟਰਸਾਈਕਲ ਤੇ ਟਰਾਂਜ਼ਿਟ ਬੱਸ ਦਰਮਿਆਨ ਹੋਈ ਟੱਕਰ ਵਿੱਚ ਇੱਕ 28 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ|
ਪੀਲ ਪੁਲਿਸ ਵੱਲੋਂ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਇਹ ਹਾਦਸਾ ਮੈਵਿਸ ਰੋਡ ਤੇ ਨੋਵੋ ਸਟਾਰ ਡਰਾਈਵ ਇਲਾਕੇ ਵਿੱਚ ਦੁਪਹਿਰੇ 1:30 ਵਜੇ ਵਾਪਰਿਆ| ਪੁਲਿਸ ਨੇ ਦੱਸਿਆ ਕਿ ਇੰਜ ਲੱਗਦਾ ਹੈ ਕਿ ਮਿਸੀਸਾਗਾ ਟਰਾਂਜ਼ਿਟ ਬੱਸ ਕਰਾਅਫੋਰਡ ਮਿੱਲ ਐਵਨਿਊ ਵੱਲ ਜਦੋਂ ਖੱਬੇ ਪਾਸੇ ਮੁੜੀ ਤਾਂ ਇਹ ਮੋਟਰਸਾਈਕਲ ਸਵਾਰ ਬੱਸ ਨਾਲ ਟਕਰਾ ਗਿਆ|
ਪੈਰਾਮੈਡਿਕਸ ਨੇ ਦੱਸਿਆ ਕਿ ਉਨ੍ਹਾਂ ਗੰਭੀਰ ਜ਼ਖ਼ਮੀ ਹਾਲਤ ਵਿੱਚ ਇਸ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਇਆ, ਜਿੱਥੇ ਇਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ| ਇੱਕ ਪਰਿਵਾਰਕ ਮੈਂਬਰ ਵੱਲੋਂ ਕੀਤੀ ਗਈ ਪੁਸ਼ਟੀ ਅਨੁਸਾਰ ਇਸ ਵਿਅਕਤੀ ਦਾ ਨਾਂ ਗਿਲਬਰਤੋ ਗਾਰਸ਼ੀਆ ਸੀ ਤੇ ਉਹ ਮਿਸੀਸਾਗਾ ਦਾ ਰਹਿਣ ਵਾਲਾ ਸੀ|