ਅਭਿਨੇਤਾ ਸੁਸ਼ਾਂਤ ਸਿੰਘ ਰਾਜਪੂਤ ਦੀ ਆਖਰੀ ਫਿਲਮ ‘ਦਿਲ ਬੇਚਾਰਾ’ ਤੋਂ ਬਾਲੀਵੁੱਡ ਆਪਣਾ ਡੈਬਿਊ ਕਰਨ ਵਾਲੀ ਸੰਜਨਾ ਸਾਂਘੀ ਆਦਿੱਤਯ ਰਾਏ ਕਪੂਰ ਨਾਲ ਫਿਲਮ ‘ਓਮ : ਦ ਬੈਟਲ ਵਿਦਇਨ' ਵਿੱਚ ਨਜ਼ਰ ਆਏਗੀ। ਨਿਰਮਾਤਾ ਅਹਿਮਦ ਖਾਨ ਕਹਿੰਦੇ ਹਨ ਕਿ ਪਹਿਲੀ ਹੀ ਫਿਲਮ ਵਿੱਚ ਸੰਜਨਾ ਨੇੇ ਕਿਰਦਾਰ ਨੂੰ ਮੈਚਿਓਰਿਟੀ ਨਾਲ ਨਿਭਾਇਆ ਸੀ। ‘ਓਮ : ਦ ਬੈਟਲ ਵਿਦਇਨ’ ਲਈ ਉਹ ਸਹੀ ਪਸੰਦ ਸੀ। ਫਿਲਮ ਵਿੱਚ ਉਸ ਦਾ ਕਿਰਦਾਰ ਯੁਵਾ ਲੜਕੀ ਹੋਣ ਕਾਰਨ ਉਸ ਉੱਤੇ ਕਈ ਜ਼ਿੰਮੇਵਾਰੀਆਂ ਹਨ। ਨਿਰਮਾਤਾਵਾਂ ਦੀ ਕੋਸ਼ਿਸ਼ ਹੈ ਕਿ ਅਗਲੇ ਮਾਰਚ ਤੱਕ ਸ਼ੂਟਿੰਗ ਪੂਰੀ ਹੋ ਜਾਏ।
ਸੰਜਨਾ ਕਹਿੰਦੀ ਹੈ ਕਿ ਕਰੀਅਰ ਦੇ ਸ਼ੁਰੂਅ ਦੇ ਦੌਰ ਵਿੱਚ ਐਕਸ਼ਨ ਜਾਨਰ ਵਾਲੀ ਫਿਲਮ ਵਿੱਚ ਕਿਰਦਾਰ ਮਿਲਣਾ ਸਨਮਾਨ ਦੀ ਗੱਲ ਹੈ। ਇਸ ਦੇ ਲਈ ਉਨ੍ਹਾਂ ਨੇ ਨਿਰਮਾਤਾ-ਨਿਰਦੇਸ਼ਕ ਕਪਿਲ ਵਰਮਾ ਦਾ ਸ਼ੁਕਰੀਆ ਅਦਾ ਕੀਤਾ। ਸੰਜਨਾ ਕਹਿੰਦੀ ਹਨ ਕਿ ਫਿਲਮ ਵਿੱਚ ਕਾਵਿਆ ਦਾ ਕਿਰਦਾਰ ਦੇਸ਼ ਦੀਆਂ ਲੜਕੀਆਂ ਨੂੰ ਪ੍ਰੇਰਿਤ ਕਰੇਗਾ।