ਪ੍ਰਿੰਸ ਤੇ ਓਂਕਾਰ ਬੇੜੀ ਵਿੱਚ ਨਦੀ ਦੀ ਸੈਰ ਕਰ ਰਹੇ ਸਨ। ਅਚਾਨਕ ਤੇਜ਼ ਤੂਫਾਨ ਆਇਆ। ਪ੍ਰਿੰਸ ਘਬਰਾ ਕੇ ਬੋਲਿਆ, ‘‘ਓਏ, ਬੇੜੀ ਡੁੱਬਣ ਵਾਲੀ ਹੈ।”
ਓਂਕਾਰ ਬੇਫਿਕਰੀ ਨਾਲ ਬੋਲਿਆ, ‘‘ਯਾਰਾ, ਇਸ ਵਿੱਚ ਚੀਕਣ ਦੀ ਕੀ ਲੋੜ ਹੈ। ਬੇੜੀ ਕਿਹੜੀ ਆਪਣੀ ਹੈ, ਇਹ ਤਾਂ ਕਿਰਾਏ ਦੀ ਹੈ।”
*********
ਅਨਵਰ ਤੇ ਪ੍ਰਤੀਕ ਇੱਕ ਪ੍ਰੋਗਰਾਮ ਵਿੱਚ ਬਿਨਾਂ ਬੁਲਾਏ ਖਾਣਾ ਖਾਣ ਪਹੁੰਚ ਗਏ। ਓਥੇ ਗੱਲਬਾਤ ਦੌਰਾਨ ਇੱਕ ਵਿਅਕਤੀ ਨੇ ਉਨ੍ਹਾਂ ਨੂੰ ਪੁੱਛਿਆ, ‘‘ਤੁਸੀਂ ਕਿਸ ਵੱਲੋਂ ਆਏ ਹੋ?”
ਅਨਵਰ ਬੋਲਿਆ, ‘‘ਮੈਂ ਮੁੰਡੇ ਵਾਲਿਆਂ ਵੱਲੋਂ ਆਇਆ ਹਾਂ।”
ਪ੍ਰਤੀਕ ਬੋਲਿਆ, ‘‘ਮੈਂ ਕੁੜੀ ਵਾਲਿਆਂ ਵੱਲੋਂ ਆਇਆ ਹਾਂ।”
ਇਹ ਸੁਣ ਕੇ ਉਹ ਵਿਅਕਤੀ ਕਹਿਣ ਲੱਗਾ, ‘‘...ਪਰ ਇਥੇ ਤਾਂ ਕਿਰਿਆ ਦਾ ਭੋਜ ਚੱਲ ਰਿਹਾ ਹੈ।”
*********
ਡਾਕਟਰ, ‘‘ਜੇ ਤੁਸੀਂ ਭੀੜ-ਭੜੱਕੇ ਤੋਂ ਬਚ ਕੇ ਰਹੋਗੇ ਤਾਂ ਸਿਹਤਮੰਦ ਰਹੋਗੇ।”
ਮਰੀਜ਼, ‘‘...ਪਰ ਮੈਂ ਆਪਣੇ ਪੇਸ਼ੇ ਤੋਂ ਮਜਬੂਰ ਹਾਂ।”
ਡਾਕਟਰ, ‘‘ਕੀ ਮਤਲਬ?”
ਮਰੀਜ਼, ‘‘ਜੀ ਮੈਂ ਜੇਬਕਤਰਾ ਹਾਂ।”