ਮਿਲਟਨ, 26 ਨਵੰਬਰ (ਪੋਸਟ ਬਿਊਰੋ) : ਵੀਰਵਾਰ ਸਵੇਰੇ ਮਿਲਟਨ ਵਿੱਚ ਕਈ ਗੱਡੀਆਂ ਦੇ ਆਪਸ ਵਿੱਚ ਟਕਰਾ ਜਾਣ ਕਾਰਨ ਤਿੰਨ ਵਿਅਕਤੀ ਜ਼ਖ਼ਮੀ ਹੋ ਗਏ|
ਰਾਤੀਂ 3:30 ਵਜੇ ਜੇਮਜ਼ ਸਨੋਅ ਪਾਰਕਵੇਅ ਤੇ ਐਸਕੁਐਸਿੰਗ ਲਾਈਨ ਇਲਾਕੇ ਵਿੱਚ ਪੁਲਿਸ ਨੂੰ ਸੱਦਿਆ ਗਿਆ| ਪੁਲਿਸ ਨੇ ਦੱਸਿਆ ਕਿ ਇੱਕ ਟਰੈਕਟਰ ਟਰੇਲਰ ਇਸ ਲਾਂਘੇ ਉੱਤੇ ਰੁਕ ਗਿਆ ਤੇ ਪਿੱਛੋਂ ਆ ਕੇ ਉਸ ਨਾਲ ਇੱਕ ਪਿੱਕਅੱਪ ਟਰੱਕ ਤੇ ਐਸ ਯੂ ਵੀ ਟਕਰਾ ਗਏ| ਧੁੰਦ ਕਾਰਨ ਖਰਾਬ ਵਿਜ਼ਿਬਿਲਿਟੀ ਕਾਰਨ ਇਹ ਹਾਦਸਾ ਵਾਪਰਿਆ| ਤਿੰਨ ਵਿਅਕਤੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿਨ੍ਹਾਂ ਵਿੱਚੋਂ ਦੋ ਨੂੰ ਗੰਭੀਰ ਸੱਟਾਂ ਲੱਗੀਆਂ ਸਨ ਜਦਕਿ ਇੱਕ ਹੋਰ ਦੀ ਹਾਲਤ ਕਿਹੋ ਜਿਹੀ ਸੀ ਇਸ ਬਾਰੇ ਪਤਾ ਨਹੀਂ ਲੱਗ ਸਕਿਆ|
ਪੁਲਿਸ ਨੇ ਦੱਸਿਆ ਕਿ ਦੋ ਵਿਅਕਤੀ ਤਾਂ ਗੱਡੀਆਂ ਦੇ ਮਲਬੇ ਵਿੱਚ ਹੀ ਫਸ ਗਏ ਤੇ ਉਨ੍ਹਾਂ ਨੂੰ ਮਸ੍ਹਾਂ ਉੱਥੋਂ ਕੱਢਿਆ ਗਿਆ| ਇਸ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ|