ਅਦਾਕਾਰ ਸੁਮਿਤ ਵਿਆਸ ਨੇ ਦੱਸਿਆ ਕਿ ਉਸ ਨੂੰ ਕਰੀਨਾ ਕਪੂਰ ਦਾ ਪ੍ਰਸਿੱਧੀ ਕਾਇਮ ਰੱਖਣ ਦਾ ਰਾਜ਼ ਪਤਾ ਹੈ। ਸਾਲ 2018 ਵਿੱਚ ਰਿਲੀਜ਼ ਹੋਈ ਫਿਲਮ ‘ਵੀਰੇ ਦੀ ਵੈਡਿੰਗ’ ਵਿੱਚ ਕੰਮ ਕਰਨ ਵੇਲੇ ਉਸ ਨੂੰ ਪਤਾ ਲੱਗਾ ਕਿ ਬਾਲੀਵੁੱਡ ਦੀ ਇਹ ਅਦਾਕਾਰਾ ਇੰਨੇ ਸਾਲਾਂ ਤੋਂ ਆਪਣੀ ਪ੍ਰਸਿੱਧੀ ਕਿਵੇਂ ਕਾਇਮ ਰੱਖ ਸਕੀ ਹੈ।
ਉਸ ਨੇ ਕਿਹਾ ਪ੍ਰਸਿੱਧ ਹੋਇਆ ਜਾ ਸਕਦਾ ਹੈ, ਪਰ ਇਸ ਪ੍ਰਸਿੱਧੀ ਨੂੰ ਲੰਮੇ ਸਮੇਂ ਤੱਕ ਕਾਇਮ ਰੱਖਣਾ ਔਖਾ ਹੈ। ਜਦੋਂ ਤੱਕ ਕੋਈ ਆਪਣੇ ਕੰਮ ਪ੍ਰਤੀ ਵਫਾਦਾਰ ਨਹੀਂ ਹੁੰਦਾ ਅਤੇ ਉਸ ਲਈ ਮਿਹਨਤ ਨਹੀਂ ਕਰਦਾ, ਉਦੋਂ ਤੱਕ ਇਸ ਨੂੰ ਪ੍ਰਾਪਤ ਨਹੀਂ ਕੀਤਾ ਜਾ ਸਕਦਾ। ਉਸ ਨੇ ਦੱਸਿਆ ਕਿ ਕਰੀਨਾ ਨਾਲ ਕੰਮ ਕਰ ਕੇ ਉਸ ਨੂੰ ਇਸ ਰਾਜ਼ ਦਾ ਪਤਾ ਲੱਗਾ ਹੈ। ਤਾਲਾਬੰਦੀ ਦੌਰਾਨ ਸ਼ੂਟ ਹੋਈ ਵੈਬ ਸੀਰੀਜ਼ ‘ਵਕਾਲਤ ਫਰਾਮ ਹੋਮ’ ਦਾ ਤਜਰਬਾ ਸਾਂਝਾ ਕਰਦਿਆਂ ਉਸ ਨੇ ਦੱਸਿਆ ਕਿ ਫੋਨ 'ਤੇ ਫੁਟੇਜ ਰਿਕਾਰਡ ਕੀਤੀ ਗਈ ਅਤੇ ਲੈਪਟਾਪ ਰਾਹੀਂ ਸਾਰੀ ਟੀਮ ਨੇ ਸੰਪਰਕ ਬਣਾਇਆ ਹੋਇਆ ਸੀ। ਉਸ ਨੇ ਦੱਸਿਆ ਕਿ ਸੀਰੀਜ਼ ਦੇ ਸਾਰੇ ਸੀਨ ਥੀਏਟਰ ਵਾਂਗ ਇੱਕ ਹੀ ਵਾਰੀ ਵਿੱਚ ਰਿਕਰਾਡ ਕੀਤੇ ਗਏ ਹਨ।