Welcome to Canadian Punjabi Post
Follow us on

28

November 2020
ਪੰਜਾਬ

ਫਿਰੋਜ਼ਪੁਰ ਪੁਲਸ ਦੀ ਤੁਰੰਤ ਕਾਰਵਾਈ ਨਾਲ ਸਾਢੇ 3 ਸਾਲਾ ਜਬਰ ਜਨਾਹ ਪੀੜਿਤਾ ਬੱਚੀ ਨੂੰ ਮਿਲੇਗਾ ਇਨਸਾਫ਼

November 12, 2020 09:28 PM

-ਚਾਰ ਦਿਨਾਂ ਵਿਚ ਹੀ ਤਿਆਰ ਕੀਤਾ ਚਲਾਨ
-ਐਡਵੋਕੇਟ ਸਿਮਰਨਜੀਤ ਕੌਰ ਗਿੱਲ ਨੇ ਵੀ ਪੁਲਸ ਦੇ ਇਸ ਕਦਮ ਦੀ ਕੀਤੀ ਪ੍ਰਸੰਸਾ


ਚੰਡੀਗੜ੍ਹ, 12 ਨਵੰਬਰ (ਪੋਸਟ ਬਿਊਰੋ): ਅਕਸਰ ਜ਼ਿਆਦਤੀਆਂ ਕਰਨ ਲਈ ਸੁਰਖੀਆਂ ਵਿਚ ਰਹਿਣ ਵਾਲੀ ਪੰਜਾਬ ਪੁਲਸ ਦੀ ਹੁਣ ਵਧੀਆ ਕੰਮ ਲਈ ਵਾਹਵਾਹੀ ਹੋ ਰਹੀ ਹੈ। ਆਈ.ਜੀ. ਹਰਦਿਆਲ ਸਿੰਘ ਮਾਨ ਦੀ ਰਹਿਨੁਮਾਈ ਹੇਠ ਫਿਰੋਜ਼ਪੁਰ ਪੁਲਸ ਵਲੋਂ ਕੀਤੀ ਤੁਰੰਤ ਤੇ ਸਖ਼ਤ ਕਾਰਵਾਈ ਨਾਲ ਸਾਢੇ ਤਿੰਨ ਸਾਲਾ ਜਬਰ ਜਨਾਹ ਪੀੜਿਤ ਬੱਚੀ ਨੂੰ ਇਨਸਾਫ਼ ਮਿਲੇਗਾ। ਫਿਰੋਜ਼ਪੁਰ ਪੁਲਸ ਵਲੋਂ ਆਪਣੀ ਹੀ ਸਾਢੇ ਤਿੰਨ ਸਾਲਾ ਬੇਟੀ ਨਾਲ ਜਬਰ ਜਨਾਹ ਕਰਨ ਵਾਲੇ ਵਹਿਸ਼ੀ ਪਿਤਾ ਨੂੰ ਮੌਤ ਦੀ ਸਜ਼ਾ ਦਿਵਾਉਣ ਤੇ ਇਕ 8 ਸਾਲਾ ਬੱਚੀ ਨੂੰ ਅਗਵਾ ਕਰਨ ਵਾਲੇ ਖਿਲਾਫ਼ ਚਾਰ ਦਿਨਾਂ ਵਿਚ ਸਖ਼ਤ ਚਲਾਨ ਤਿਆਰ ਕੀਤਾ ਗਿਆ ਹੈ ਤੇ ਬੱਚੀਆਂ ਲਈ ਮੁਆਵਜ਼ਾ ਦੇਣ ਦੀ ਅਪੀਲ ਵੀ ਸਰਕਾਰ ਨੂੰ ਕੀਤੀ ਗਈ ਹੈ। ਇਸ ਸਬੰਧੀ ‘ਬਚਪਨ ਬਚਾਓ ਮੁਹਿੰਮ’ ਦੀ ਸੰਚਾਲਕ ਵਕੀਲ ਸਿਮਰਜੀਤ ਕੌਰ ਗਿੱਲ ਨੇ ਕਿਹਾ ਕਿ ਅਸੀਂ ਕਦੇ ਵੀ ਪੁਲਸ ਦੀ ਪ੍ਰਸ਼ੰਸਾ ਨਹੀਂ ਕਰਦੇ ਜਦੋਂ ਪੁਲਸ ਵਧੀਆ ਕਰਦੀ ਹੈ, ਪਰ ਅਸੀਂ ਪੁਲਸ ਵਿਰੁਧ ਝੱਟ ਖੜ੍ਹ ਜਾਂਦੇ ਹਾਂ, ਜਿਨ੍ਹਾਂ ਵਿਚੋਂ ਮੈਂ ਖੁਦ ਇਕ ਹਾਂ। ਉਨ੍ਹਾਂ ਕਿਹਾ ਕਿ ਅੱਜ ਮੈਂ ਫਿਰੋਜ਼ਪੁਰ ਪੁਲਸ ਖਾਸ ਕਰ ਕੇ ਆਈ.ਜੀ. ਹਰਦਿਆਲ ਸਿੰਘ ਮਾਨ ਦਾ ਧੰਨਵਾਦ ਤੇ ਪ੍ਰਸੰਸਾ ਕਰਦੀ ਹਾਂ, ਜਿੰਨ੍ਹਾਂ ਦੀ ਰਹਿਨੁਮਾਈ ਹੇਠ ਫਿਰੋਜ਼ਪੁਰ ਪੁਲਸ ਨੇ ਸਾਢੇ ਤਿੰਨ ਬੱਚੀ, ਜਿਸ ਨਾਲ ਉਸ ਦੇ ਪਿਤਾ ਵਲੋਂ ਹੀ ਜਬਰ ਜਨਾਹ ਕੀਤਾ ਗਿਆ ਹੈ, ਨੂੰ ਇਨਸਾਫ਼ ਦਿਵਾਉਣ ਲਈ ਉਸ ਦੇ ਪਿਤਾ ਨੂੰ ਸਜਾਏ ਮੌਤ ਦੇਣ ਅਤੇ ਇਕ 8 ਸਾਲਾ ਬੱਚੀ ਨੂੰ ਅਗਵਾਹ ਕਰ ਕੇ ਜਬਰ ਜਨਾਹ ਦੀ ਕੋਸ਼ਿਸ਼ ਕਰਨ ਵਾਲੇ ਵਿਰੁਧ ਚਾਰ ਦਿਨਾਂ ਵਿਚ ਹੀ ਸਖ਼ਤ ਚਲਾਨ ਤਿਆਰ ਕੀਤਾ ਅਤੇ ਉਸ ਲਈ ਮੁਆਵਜ਼ਾ ਦੇਣ ਦੀ ਸਰਕਾਰ ਨੂੰ ਅਪੀਲ ਵੀ ਕੀਤੀ।
ਉਨ੍ਹਾਂ ਅੱਗੇ ਕਿਹਾ ਕਿ ਇਸ ਕੇਸ ਵਿਚ ਬਾਲ ਰੱਖਿਆ ਕਮਿਸ਼ਨ ਨੇ ਵੀ ਆਪਣਾ ਫਰਜ਼ ਬਾਖੂਬੀ ਨਿਭਾਇਆ। ਬੱਸ ਹੁਣ ਵਕੀਲ ਭਾਈਚਾਰੇ ਨੂੰ ਬੇਨਤੀ ਹੈ ਕਿ ਇਹੋ ਜਿਹੇ ਜੱਲਾਦ ਦਾ ਕੇਸ ਕੋਈ ਨਾ ਲੜੇ। ਅਸੀਂ ਬਚਪਨ ਬਚਾਓ ਮੁਹਿੰਮ ਵਲੋਂ ਹਰ ਹਾਲ ਵਿਚ ਬੱਚੀ ਦੇ ਨਾਲ ਹਾਂ ਤੇ ਦੋਸ਼ੀ ਨੂੰ ਸਜ਼ਾ ਦਿਵਾਉਣ ਤੇ ਬੱਚੀ ਦੇ ਪੁਨਰ ਵਸੇਬੇ ਲਈ ਵਚਨਬੱਧ ਹਾਂ। ਉਨ੍ਹਾਂ ਉਮੀਦ ਜਤਾਈ ਕਿ ਤੁਸੀਂ ਵੀ ਇਸ ਵਿਚ ਸਾਥ ਦੇਵੋਗੇ ਤਾਂ ਜੋ ਸਮਾਜ ਵਿਚ ਬੱਚਿਆ ਦੇ ਹੋ ਰਹੇ ਸ਼ੋਸ਼ਣ ਨੂੰ ਜੜ੍ਹੋਂ ਖਤਮ ਕੀਤਾ ਜਾ ਸਕੇ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਮਿਊਂਸੀਪਲ ਚੋਣਾਂ ਦਾ ਨੋਟੀਫਿਕੇਸ਼ਨ ਜਾਰੀ, ਫਰਵਰੀ ਵਿਚ ਹੋਣਗੀਆਂ ਚੋਣਾਂ
ਕਿਸਾਨਾਂ 'ਤੇ ਹੋਏ ਤਸ਼ਦੱਦ ਵਿਰੁਧ ਢੀਂਡਸਾ ਨੇ ਰਾਸ਼ਟਰੀ ਮਨੁੱਖੀ ਅਧਿਕਾਰ ਕਮਿਸ਼ਨ ਨੂੰ ਲਿਖਿਆ ਪੱਤਰ
ਕੈਪਟਨ ਨੇ ਕਿਸਾਨਾਂ ਨੂੰ ਦਿੱਲੀ ਵਿੱਚ ਪ੍ਰਵੇਸ਼ ਦੀ ਆਗਿਆ ਦੇਣ ਲਈ ਕੇਂਦਰ ਦੇ ਫੈਸਲੇ ਦਾ ਕੀਤਾ ਸਵਾਗਤ
ਬੀਬੀ ਜਗੀਰ ਕੌਰ ਐੱਸ ਜੀ ਪੀ ਸੀ ਦੀ ਨਵੀਂ ਪ੍ਰਧਾਨ ਬਣੀ
ਸਿੱਧੂ-ਕੈਪਟਨ ਬੈਠਕ ਕੈਪਟਨ ਨੇ ਕਿਹਾ: ਸਿੱਧੂ ਨੂੰ ਮਿਲ ਕੇ ਖੁਸ਼ੀ ਹੋਈ, ਹੋਰ ਬੈਠਕਾਂ ਦੀ ਵੀ ਆਸ ਹੈ
‘ਦਿੱਲੀ ਕੂਚ’ ਦੇ ਮੁੱਦੇ ਤੋਂ ਪੰਜਾਬ ਤੇ ਹਰਿਆਣਾ ਦੇ ਮੁੱਖ ਮੰਤਰੀਆਂ ਵਿਚਾਲੇ ਦੂਸ਼ਣਬਾਜ਼ੀ
ਕਿਸਾਨਾਂ ਦੇ ‘ਦਿੱਲੀ ਕੂਚ’ ਦੌਰਾਨ ਪੰਜਾਬ-ਹਰਿਆਣਾ ਦੇ ਬਾਰਡਰ ਉੱਤੇ ਜਬਰਦਸਤ ਹੰਗਾਮੇ
ਕਰਾਈਮ ਪੋਰਟਲ ਵੇਖ ਕੇ ਦੋਹਰਾ ਕਤਲ ਕੀਤਾ ਗਿਆ ਸੀ
ਪੰਜਾਬ ਵਿੱਚ ਹਜ਼ਾਰਾਂ ਕਰੋੜ ਰੁਪਏ ਦਾ ਵੈਟ ਘਪਲਾ ਬੇਨਕਾਬ
ਕੇਂਦਰ ਸਰਕਾਰ ਦਾ ਐਫੀਡੇਵਿਟ : ਫਸਲਾਂ ਦੀ ਘੱਟੋ-ਘੱਟ ਖਰੀਦ ਕੀਮਤ ਅਤੇ ਏ ਪੀ ਐਮ ਸੀਖਤਮ ਨਹੀਂ ਹੋਵੇਗੀ