Welcome to Canadian Punjabi Post
Follow us on

28

November 2020
ਮਨੋਰੰਜਨ

ਮੁਸਕਰਾਉਂਦੇ ਚਿਹਰੇ ਨਾਲ ਗੰਭੀਰ ਗੱਲਾਂ ਕਹਿ ਦਿੰਦੇ ਨੇ ਬਸੁ : ਅਭਿਸ਼ੇਕ

November 12, 2020 08:37 AM

ਜੂਨੀਅਰ ਬੱਚਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਆਉਣ ਵਾਲੀ ਫਿਲਮ ‘ਲੂਡੋ’ ਵਿੱਚ ਆਪਣੇ ਕਿਰਦਾਰ ਬਾਰੇ ਪਹਿਲਾਂ ਕੁਝ ਪਤਾ ਨਹੀਂ ਸੀ, ਪਟਕਥਾ ਬਾਰੇ ਵੀ ਖਾਸ ਜਾਣਕਾਰੀ ਨਹੀਂ ਸੀ, ਪਰ ਅਨੁਰਾਗ ਬਸੁ ਦੇ ਵਿਲੱਖਣ ਤੇ ਮਾਸੂਮੀਅਤ ਭਰੇ ਸੰਸਾਰ ਵੱਲ ਉਹ ਖਿੱਚੇ ਚਲੇ ਗਏ। ਇਹ ਫਿਲਮ ਕਰਾਈਮ ਕਾਮੇਡੀ ਦਾ ਸੁਮੇਲ ਹੈ। ਅਨੁਰਾਗ ਬਸੁ ਇਸ ਨਾਲ ਮਿਲਦੀ-ਜੁਲਦੀ ਫਿਲਮ ‘ਬਰਫੀ’ ਅਤੇ ‘ਜੱਗਾ ਜਾਸੂਸ’ ਪਹਿਲਾਂ ਬਣਾ ਚੁੱਕੇ ਹਨ। ਅਨੁਰਾਗ ਬਸੁ ਆਪਣੀਆਂ ਫਿਲਮਾਂ ਵਿੱਚ ਖਿੱਚਪਾਊ ਕਹਾਣੀਆਂ ਨੂੰ ਬਿਹਤਰੀਨ ਸੰਗੀਤ ਦੇ ਮਾਧਿਅਮ ਨਾਲ ਪੇਸ਼ ਕਰਨ ਦੀ ਕੋਸ਼ਿਸ਼ ਵਿੱਚ ਰਹਿੰਦੇ ਹਨ।
ਅਭਿਸ਼ੇਕ ਨੇ ਕਿਹਾ ਕਿ ਅਨੁਰਾਗ ਬਸੁ ਸਾਧਾਰਨ ਢੰਗ ਨਾਲ ਡੂੰਘਾ ਸੁਨੇਹਾ ਦੇ ਜਾਂਦੇ ਹਨ। ਉਨ੍ਹਾਂ ਦੀਆਂ ਫਿਲਮਾਂ ਵਿੱਚ ਜ਼ਿੰਦਗੀ ਨੂੰ ਵਿਲੱਖਣ ਨਜ਼ਰੀਏ ਨਾਲ ਦੇਖਿਆ ਜਾਂਦਾ ਹੈ। ਇਹ ਬੜਾ ਖੁਸ਼ਨੁਮਾ ਤਜਰਬਾ ਹੈ। ਜੂਨੀਅਰ ਬਚਨ ਨੇ ਕਿਹਾ ਕਿ ਅਨੁਰਾਗ ਤੁਹਾਨੂੰ ਵਿਸ਼ੇ ਦੀ ਗੰਭੀਰਤਾ ਦਾ ਅਹਿਸਾਸ ਨਹੀਂ ਹੋਣ ਦਿੰਦੇ ਕਿਉਂਕਿ ਡੂੰਘੀਆਂ ਗੱਲਾਂ ਵੀ ਉਹ ਚਿਹਰੇ 'ਤੇ ਮੁਸਕਾਨ ਰੱਖ ਕੇ ਕਹਿ ਦਿੰਦੇ ਹਨ, ਜੋ ਸ਼ਾਇਦ ਆਪਣੀ ਗੱਲ ਰੱਖਣ ਦਾ ਸਭ ਤੋਂ ਵਧੀਆ ਅਤੇ ਪ੍ਰਭਾਵੀ ਤਰੀਕਾ ਹੈ। ‘ਲੂਡੋ’ ਵਿੱਚ ਕਈ ਕਹਾਣੀਆਂ ਨਾਲੋ-ਨਾਲ ਚੱਲਦੀਆਂ ਹਨ। ਫਿਲਮ ਵਿੱਚ ਆਦਿਤਿਆ ਰਾਏ ਕਪੂਰ, ਰਾਜ ਕੁਮਾਰ ਰਾਓ, ਪੰਕਜ ਤਿ੍ਰਪਾਠੀ, ਰੋਹਿਤ ਸ਼ਰਾਫ, ਫਾਤਿਮਾ ਸਨਾ ਸ਼ੇਖ਼, ਸਾਨਿਆ ਮਲਹੋਤਰਾ, ਆਸ਼ਾ ਨੇਗੀ ਤੇ ਹੋਰ ਅਹਿਮ ਭੂਮਿਕਾਵਾਂ ਨਿਭਾ ਰਹੇ ਹਨ।

Have something to say? Post your comment