Welcome to Canadian Punjabi Post
Follow us on

24

January 2021
ਪੰਜਾਬ

ਹੈਰੋਇਨ ਸਮੇਤ ਫੜੇ ਸਾਬਕਾ ਅਕਾਲੀ ਸਰਪੰਚ ਦੀਆਂ ਦੋ ਵੀਡੀਓ ਵਾਇਰਲ

November 11, 2020 01:45 AM

* ਪਾਇਲਟ ਜਿਪਸੀ ਨਾਲ ਚਲਦਾ ਸੀ ਤਸਕਰ

ਖੰਨਾ, 10 ਨਵੰਬਰ (ਪੋਸਟ ਬਿਊਰੋ)- ਸਪੈਸ਼ਲ ਟਾਸਕ ਫੋਰਸ (ਐਸ ਟੀ ਐਫ) ਦੀ ਟੀਮ ਵੱਲੋਂਬੀਤੇ ਸ਼ਨੀਵਾਰ ਨੂੰ ਭਾਰੀ ਮਾਤਰਾ ਵਿੱਚ ਹੈਰੋਇਨ ਸਮੇਤ ਫੜੇ ਗਏ ਪਾਇਲ ਇਲਾਕੇ ਦੇ ਪਿੰਡ ਰਾਣੋਂ ਦੇ ਸਾਬਕਾ ਅਕਾਲੀ ਸਰਪੰਚ ਗੁਰਦੀਪ ਸਿੰਘ ਰਾਣੋਂ ਦੇ ਲਾਈਫ ਸਟਾਈਲ ਬਾਰੇ ਰਾਜਸੀ ਗਲਿਆਰਿਆਂ ਅਤੇ ਹਲਕੇ ਵਿੱਚ ਵੀ ਚਰਚਾ ਫੈਲੀਆਂ ਹੋਈਆਂ ਹਨ।
ਨਿੱਜੀ ਬਾਊਂਸਰਾਂ ਅਤੇ ਸੁਰੱਖਿਆ ਗਾਰਡਾਂ ਨਾਲ ਲਗਜਰੀ ਗੱਡੀਆਂ ਵਿੱਚ ਘੁੰਮਣ ਵਾਲੇ ਰਾਣੋਂ ਦੀਆਂ ਦੋ ਵੀਡੀਓ ਇੰਟਰਨੈਟ ਮੀਡੀਆ `ਤੇ ਵਾਇਰਲ ਹੋਈਆਂ ਹਨ,ਜਿਨ੍ਹਾਂਵਿੱਚੋਂ ਇੱਕ ਵੀਡੀਓ ਵਿੱਚ ਪਾਇਲਟ ਜਿਪਸੀ ਵਿੱਚ ਪੁਲਸ ਮੁਲਾਜ਼ਮ ਅੱਗੇ ਚੱਲ ਰਹੇ ਹਨ ਅਤੇ ਰਾਣੋਂ ਪਿੱਛੇ ਲਗਜ਼ਰੀ ਗੱਡੀ ਵਿੱਚ ਅਗਲੀ ਸੀਟ ਨੂੰ ਪਿੱਛੇ ਕਰ ਕੇ ਆਰਾਮ ਕਰਦੇ ਹੋਏ ਨਜ਼ਰ ਆ ਰਿਹਾ ਹੈ ਅਤੇ ਡਰਾਈਵਰ ਕਮ ਬਾਊਂਸਰ ਮੋਬਾਈਲ ਨਾਲ ਵੀਡੀਓ ਬਣਾ ਰਿਹਾ ਹੈ। ਇਸ ਵਿੱਚ ਗੱਡੀ ਦੇ ਪਿੱਛੇ ਵੀ ਦੋ ਜਣੇ ਬੈਠੇ ਹਨ, ਜੋ ਦੇਖਣ ਵਿੱਚ ਬਾਊਂਸਰ ਲੱਗਦੇ ਹਨ। ਵੀਡੀਓ ਵਿੱਚ ਰਾਣੋਂ ਦਾ ਕਾਫਲਾ ਇੱਕ ਨਾਕੇ ਤੋਂ ਨਿਕਲਦਾ ਦਿੱਸ ਰਿਹਾ ਹੈ ਅਤੇ ਉਥੇ ਖੜ੍ਹੇ ਪੁਲਸ ਮੁਲਾਜ਼ਮ ਉਸ ਨੂੰ ਸਲਿਊਟ ਵੀ ਕਰਦੇ ਦਿੱਸ ਰਹੇ ਹਨ।
ਦੂਸਰੀ ਵੀਡੀਓ ਵਿੱਚ ਰਾਣੋਂ ਆਪਣੀ ਆਲੀਸ਼ਾਨ ਡੇਢ ਏਕੜ ਦੀ ਕੋਠੀ ਵਿੱਚ ਦਿੱਸਦਾ ਹੈ। ਉਹ ਘਰ ਤੋਂ ਬਾਹਰ ਲਾਅਨ ਵਿੱਚ ਆਉਂਦਾ ਹੈ ਤਾਂ ਹਥਿਆਰਬੰਦ ਨਿੱਜੀ ਸੁਰੱਖਿਆ ਗਾਰਡ ਉਸ ਦੇ ਨਾਲ ਹਨ। ਉਹ ਉਨ੍ਹਾਂ ਨਾਲ ਗੱਲਾਂ ਕਰਦੇ-ਕਰਦੇ ਗੱਡੀ ਵਿੱਚ ਬੈਠ ਜਾਂਦਾ ਹੈ। ਵੀਡੀਓ ਵਿੱਚ ਕਈ ਹੋਰ ਲਗਜ਼ਰੀ ਗੱਡੀਆਂ ਵੀ ਦਿੱਸਦੀਆਂ ਹਨ। ਇਨ੍ਹਾਂ ਵੀਡੀਓਜ਼ ਦੇ ਵਾਇਰਲ ਹੋਣ ਨਾਲ ਇਹ ਅੰਦਾਜ਼ਾ ਲਾਇਆ ਜਾ ਸਕਦਾ ਹੈ ਕਿ ਕਿਵੇਂ ਆਪਣੀ ਠਾਠ ਦੀ ਜ਼ਿੰਦਗੀ ਨੂੰ ਇੰਟਰਨੈਟ ਮੀਡੀਆ ਦੇ ਜ਼ਰੀਏ ਵਾਇਰਲ ਕਰ ਕੇ ਰਾਣੋਂ ਲੋਕਾਂ ਨੂੰ ਪ੍ਰਭਾਵਤ ਕਰਨ ਦੀ ਕੋਸ਼ਿਸ਼ ਕਰਦਾ ਸੀ।
ਅਜੇ ਇਹ ਪੁਸ਼ਟੀ ਨਹੀਂ ਹੋ ਸਕੀ ਕਿ ਗੁਰਦੀਪ ਸਿੰਘ ਰਾਣੋਂ ਦੀ ਗੱਡੀ ਦੇ ਅੱਗੇ ਚੱਲ ਰਹੀ ਪਾਇਲਟ ਗੱਡੀ ਨਿੱਜੀ ਸੀ ਜਾਂ ਸਰਕਾਰੀ। ਨਾਕੇ ਉੱਤੇ ਖੜ੍ਹੇ ਪੁਲਸ ਮੁਲਾਜ਼ਮਾਂ ਨੂੰ ਸਲਿਊਟ ਮਾਰਦੇ ਦੇਖ ਕੇ ਗੱਡੀ ਵਿੱਚ ਬੈਠਾ ਰਾਣੋਂ ਖੁਸ਼ ਹੁੰਦਾ ਜ਼ਰੂਰ ਦਿਖਾਈ ਦੇ ਰਿਹਾ ਹੈ। ਉਹ ਇਹ ਵੀ ਕਹਿ ਰਿਹਾ ਹੈ ਕਿ ਇਹ ਸਭ ਬਾਬੇ (ਭਗਵਾਨ) ਦੀ ਕ੍ਰਿਪਾ ਹੈ। ਅਜੇ ਇਹ ਪਤਾ ਨਹੀਂਲੱਗਾ ਹੈ ਕਿ ਇਹ ਦੋਵੇਂ ਵੀਡੀਓ ਕਦੋਂ ਦੀਆਂ ਹਨ।

Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਅਮਰਿੰਦਰ ਸਿੰਘ ਦਾ ਐਲਾਨ ਸੰਘਰਸ਼ ਵਿੱਚ ਮਾਰੇ ਗਏ ਹਰ ਕਿਸਾਨ ਦੇ ਵਾਰਸਾਂ ਨੂੰ ਪੰਜ ਲੱਖ ਰੁਪਏ ਤੇ ਨੌਕਰੀ ਮਿਲੇਗੀ
ਰਜ਼ੀਆ ਸੁਲਤਾਨਾ ਵੱਲੋਂ ਜਲ ਸਪਲਾਈ ਦੇ ਸਾਰੇ ਪ੍ਰੋਜੈਕਟ ਸਮਾਂਬੱਧ ਪੂਰੇ ਕਰਨ ਦੇ ਨਿਰਦੇਸ਼
ਮੁੱਖ ਮੰਤਰੀ ਵੱਲੋਂ ਪੀ.ਆਈ.ਡੀ.ਬੀ. ਨੂੰ ਸਾਰੇ ਵਿਕਾਸ ਕੰਮਾਂ ਵਿੱਚ ਤੇਜ਼ੀ ਲਿਆਉਣ ਦੇ ਆਦੇਸ਼; ਮੁੱਖ ਸਕੱਤਰ ਨੂੰ ਅੰਮ੍ਰਿਤਸਰ ਪ੍ਰੋਟੋਕੋਲ ਅਫਸਰ ਲਈ ਤਜਵੀਜ਼ ’ਤੇ ਕੰਮ ਕਰਨ ਲਈ ਆਖਿਆ
ਗਣਤੰਤਰ ਦਿਵਸ ਮੌਕੇ ਸ੍ਰੀ ਗੁਰੂ ਤੇਗ਼ ਬਹਾਦਰ ਜੀ ਦੀ ਲਾਸਾਨੀ ਸ਼ਹਾਦਤ ਨੂੰ ਰੂਪਮਾਨ ਕਰੇਗੀ ਪੰਜਾਬ ਦੀ ਝਾਕੀ
ਸੁਪਰੀਮ ਕੋਰਟ ਦੇ ਫੈਸਲੇ ਦੀ ਪਾਲਣਾ ਨਾ ਕਰਨ ਉੱਤੇ ਹਾਈ ਕੋਰਟ ਨੂੰ ਨਾਰਾਜ਼ਗੀ
ਡੇਰਾਬੱਸੀ ਵਿੱਚ ਮੁਰਗੀਆਂ ਵਿੱਚ ਬਰਡ ਫਲੂ ਫੈਲਣ ਦੀ ਪੁਸ਼ਟੀ
ਕਿਸਾਨੀ ਸੰਘਰਸ਼ ਦਾ ਮੁੱਦਾ ਗੁਜਰਾਤ ਦੇ ਉਪ ਮੁੱਖ ਮੰਤਰੀ ਸਮੇਤ 4 ਭਾਜਪਾ ਆਗੂਆਂ ਨੂੰ ਕਾਨੂੰਨੀ ਨੋਟਿਸ ਨਿਕਲਿਆ
'ਆਪ' ਨੇ ਜਸਟਿਸ ਜੋਰਾ ਸਿੰਘ (ਰਿਟਾ.) ਸੂਬਾ ਲੀਗਲ ਸੈੱਲ ਦੇ ਪ੍ਰਧਾਨ ਅਤੇ ਐਡਵੋਕੇਟ ਕਸ਼ਮੀਰ ਸਿੰਘ ਮੱਲ੍ਹੀ ਨੂੰ ਸੂਬਾ ਸਕੱਤਰ ਕੀਤਾ ਨਿਯੁਕਤ
ਸਥਾਨਕ ਸਰਕਾਰਾਂ ਦੀਆਂ ਚੋਣਾਂ ਲਈ ਆਮ ਆਦਮੀ ਪਾਰਟੀ ਵੱਲੋਂ 35 ਸਥਾਨਾਂ 'ਤੇ 320 ਉਮੀਦਵਾਰਾਂ ਦਾ ਐਲਾਨ
ਯੂਥ ਅਕਾਲੀ ਦਲ ਨੇ ਪੰਜਾਬ ਭਰ ’ਚ ਪ੍ਰਧਾਨ ਮੰਤਰੀ ਤੇ ਗ੍ਰਹਿ ਮੰਤਰੀ ਦੇ ਪੁਤਲੇ ਫੂਕੇ