ਵਾਸ਼ਿੰਗਟਨ, 9 ਨਵੰਬਰ (ਪੋਸਟ ਬਿਊਰੋ)- ਅਮਰੀਕਾ ਦੀ ਚੋਣ ਵਿੱਚ ਰਿਕਾਰਡ ਤੋੜ ਵੋਟਾਂ ਹਾਸਲ ਕਰ ਕੇ ਇਸ ਦੇਸ਼ ਦੇ 46ਵੇਂ ਰਾਸ਼ਟਰਪਤੀ ਬਨਣ ਜਾ ਰਹੇ ਜੋਅ ਬਾਈਡੇਨ ਦੀ ਪਤਨੀ ਜਿਲ ਬਾਈਡੇਨ (69) ਵੀ ਫਸਟ ਲੇਡੀ ਦੇ ਰੂੁਪ ਵਿੱਚ ਇੱਕ ਨਵਾਂ ਅਤੇ ਅਲੋਕਾਰ ਰਿਕਾਰਡ ਬਣਾਉਣ ਜਾ ਰਹੀ ਹੈ।
ਜਿਲ ਨੇ ਸਾਰੀ ਉਮਰ ਇੱਕ ਟੀਚਰ ਬਣੇ ਰਹਿਣ ਦਾ ਫੈਸਲਾ ਕੀਤਾ ਹੋਇਆ ਹੈ ਅਤੇ ਇਹ ਪ੍ਰ੍ਰਣ ਪੂਰਾ ਕਰਨ ਲਈ ਪਹਿਲੀ ਵਾਰ ਅਮਰੀਕਾ ਦਾ 231 ਸਾਲ ਦਾ ਇਤਿਹਾਸ ਬਦਲਣ ਲੱਗਾ ਹੈ। ਡਾ. ਜਿਲ ਬਾਈਡੇਨ ਨਾਰਦਨ ਵਰਜੀਨੀਆ ਕਮਿਊਨਿਟੀ ਕਾਲਜ `ਚ ਇੰਗਲਿਸ਼ ਦੀ ਫੁਲ ਟਾਈਮ ਪ੍ਰੋਫੈਸਰ ਹਨ। ਉਨ੍ਹਾਂ ਕੋਲ ਚਾਰ ਡਿਗਰੀਆਂ ਹਨ ਤੇ ਉਹ ਟੀਚਰ ਦਾ ਪੇਸ਼ਾ ਜਾਰੀ ਰੱਖੇਗੀ। ਜਿਲ ਬਾਈਡੇਨ ਪਹਿਲੀ ਅਜਿਹੀ ਫਸਟ ਲੇਡੀ ਹੋਵੇਗੀ, ਜੋ ਵਾੲ੍ਹੀਟ ਹਾਊਸ ਦੇ ਬਾਹਰ ਕੰਮ ਕਰਕੇ ਤਨਖ਼ਾਹ ਹਾਸਲ ਕਰੇਗੀ।ਇਸ ਤੋਂ ਪਹਿਲਾਂ ਅਗਸਤ `ਚ ਅਮਰੀਕੀ ਟੀ ਵੀ ਚੈਨਲ ਸੀ ਬੀ ਐਸ ਨਾਲ ਗੱਲਬਾਤ `ਚ ਜਿਲ ਨੇ ਕਿਹਾ ਸੀ ਕਿ ਜੇ ਉਹ ‘ਫਸਟ ਲੇਡੀ` ਬਣਦੀ ਹੈ ਤਾਂ ਵੀ ਆਪਣਾ ਕੰਮ ਜਾਰੀ ਰੱਖੇਗੀ।
ਬਰਾਕ ਓਬਾਮਾ ਦੇ ਰਾਜ ਦੌਰਾਨ ਜਦੋਂ ਜੋਅ ਬਾਇਡਨ ਉੱਪ ਰਾਸ਼ਟਰਪਤੀ ਸਨ, ਓਦੋਂ ਜਿੱਲ ਬਾਇਡਨ ਨੇ ਮਿਸ਼ੇਲ ਓਬਾਮਾ ਨਾਲ ਮਿਲ ਕੇ ਕੰਮ ਕੀਤਾ ਸੀ। ਮਿਸ਼ੇਲ ਓਬਾਮਾ ਆਪਣੇ ਪਤੀ ਦੇ ਰਾਜ ਦੌਰਾਨ ਕਾਫ਼ੀ ਲੋਕਪ੍ਰਿਆ ਸਨ। ਬਰਾਕ ਓਬਾਮਾ ਨੇ ਜਿਲ ਬਾਈਡੇਨ ਦੀ ਤਾਰੀਫ ਕਰਦਿਆਂ ਕਿਹਾ ਕਿ ਉਹ ਸ਼ਾਨਦਾਰ ਫਸਟ ਲੇਡੀ ਹੋਵੇਗੀ ਅਤੇ ਉਹ ਵੀ ਖੁਦ ਨੂੰ ‘ਪ੍ਰੋਫੈਸਰ ਫਲੋਟਸ` ਕਹਾਉਣਾ ਪਸੰਦ ਕਰਦੇ ਹਨ। ਇਤਿਹਾਸਕਾਰ ਕੈਥਰੀਨ ਨੇ ਕਿਹਾ ਕਿ ਜਿਲ ਬਾਈਡੇਨ 21ਵੀਂ ਸਦੀ ਦੀ ਫਸਟ ਲੇਡੀ ਬਣਨ ਜਾ ਰਹੀ ਹੈ। ਉਹ ਮਾਡਰਨ ਅਮਰੀਕੀ ਔਰਤਾਂ ਵਾਂਗ ਕੰਮ ਅਤੇ ਪਰਵਾਰ ਦੋਵਾਂ ਨੂੰ ਦੇਖੇਗੀ।