Welcome to Canadian Punjabi Post
Follow us on

29

November 2020
ਮਨੋਰੰਜਨ

ਲਵਲੀ ਬਣ ਕੇ ਹਸਾਏਗੀ ਇਲਿਆਨਾ ਡਿਕਰੂਜ

October 29, 2020 09:12 AM

ਪਿਛਲੀ ਵਾਰ ਫਿਲਮ ‘ਪਾਗਲਪੰਤੀ’ ਵਿੱਚ ਨਜ਼ਰ ਆਈ ਇਲਿਆਨਾ ਡਿਕਰੂਜ ਦੀਆਂ ਅਗਲੀਆਂ ਫਿਲਮਾਂ ਵਿੱਚ ‘ਦ ਬਿਗ ਬੁਲ' ਅਤੇ ‘ਅਨਫੇਅਰ ਐਂਡ ਲਵਲੀ’ ਸ਼ਾਮਲ ਹਨ। ਇਨ੍ਹਾਂ ਵਿੱਚੋਂ ਫਿਲਮ ‘ਅਨਫੇਅਰ ਐਂਡ ਲਵਲੀ’ ਵਿੱਚ ਉਸ ਦਾ ਕਿਰਦਾਰ ਸਭ ਤੋਂ ਹਟ ਕੇ ਦੱਸਿਆ ਜਾ ਰਿਹਾ ਹੈ। ਇਹ ਮਜ਼ੇਦਾਰ ਕਾਮੇਡੀ ਫਿਲਮ ਹੋਵੇਗੀ ਜੋ ਦੇਸ਼ ਵਿੱਚ ਗੋਰੇ ਰੰਗ ਪ੍ਰਤੀ ਲੋਕਾਂ ਦੇ ਜਨੂਨ ਨੂੰ ਦਰਸਾਏਗੀ। ਹਰਿਆਣਵੀ ਪਿਛੋਕੜ 'ਤੇ ਆਧਾਰਤ ਇਹ ਫਿਲਮ ਅਜਿਹੀ ਸਾਂਵਲੀ ਲੜਕੀ ਦੀ ਕਹਾਣੀ ਹੈ ਜਿਸ ਨੂੰ ਭਾਰੀ ਸਮਾਜ ਵਿੱਚ ਕਾਲੇ ਰੰਗ ਕਰ ਕੇ ਪ੍ਰੇਸ਼ਾਨ ਕੀਤਾ ਜਾਂਦਾ ਹੈ। ਇਸ ਫਿਲਮ ਵਿੱਚ ਇਲਿਆਨਾ ਲਵਲੀ ਦੇ ਕਿਰਦਾਰ ਵਿੱਚ ਨਜ਼ਰ ਆਏਗੀ।
‘ਸਾਂਡ ਕੀ ਆਂਖ’ ਅਤੇ ‘ਮੁਬਾਰਕਾਂ' ਵਰਗੀਆਂ ਫਿਲਮਾਂ ਦੇ ਲੇਖਕ ਪਲਵਿੰਦਰ ਸਿੰਘ ਜੰਜੂਆ ਇਸ ਫਿਲਮ ਨਾਲ ਨਿਰਦੇਸ਼ਨ ਦੀ ਸ਼ੁਰੂਆਤ ਕਰ ਰਹੇ ਹਨ। ਇਸ ਦੀ ਕਹਾਣੀ ਨੂੰ ਬਲਵਿੰਦਰ, ਰੁਪਿੰਦਰ ਚਹਿਲ ਅਤੇ ਅਨਿਲ ਰੋਹਨ ਨੇ ਲਿਖਿਆ ਹੈ, ਸੰਗੀਤ ਅਮਿਤ ਤਿ੍ਰਵੇਦੀ ਦਾ ਹੈ ਅਤੇ ਗੀਤ ਇਰਸ਼ਾਦ ਸ਼ਾਮਲ ਵੱਲੋਂ ਲਿਖੇ ਜਾਣਗੇ। ਆਪਣੀ ਇਸ ਫਿਲਮ 'ਤੇ ਉਤਸ਼ਾਹਤ ਇਲਿਆਨਾ ਕਹਿੰਦੀ ਹੈ, ‘‘ਇਸ ਫਿਲਮ ਵਿੱਚ ਲਵਲੀ ਦਾ ਕਿਰਦਾਰ ਨਿਭਾਉਣਾ ਯਕੀਨਨ ਮੇਰੇ ਲਈ ਬਹੁਤ ਅਲੱਗ ਅਤੇ ਅਨੋਖਾ ਅਨੁਭਵ ਹੋਵੇਗਾ ਅਤੇ ਲੋਕ ਇਸ ਕਿਰਦਾਰ ਨਾਲ ਖੁਦ ਨੂੰ ਜੋੜ ਸਕਣਗੇ। ਇਸ ਫਿਲਮ ਬਾਰੇ ਮੈਨੂੰ ਸਭ ਤੋਂ ਜ਼ਿਆਦਾ ਪਸੰਦ ਹੈ ਇਸ ਨੂੰ ਪਰਦੇ 'ਤੇ ਦਿਖਾਉਣ ਦਾ ਢੰਗ, ਜੋ ਬਿਲਕੁਲ ਉਪਦੇਸ਼ਾਤਮਕ ਨਹੀਂ ਹੈ। ਇਹ ਮਜ਼ੇਦਾਰ ਕਹਾਣੀ ਹੈ, ਜੋ ਦਰਸ਼ਕਾਂ ਨੂੰ ਹੱਸਦਾ-ਮੁਸਕਰਾਉਂਦਾ ਛੱਡ ਜਾਏਗੀ। ਫਿਲਮ ਦੀ ਸਾਰੀ ਟੀਮ ਨੇ ਯਕੀਨੀ ਕੀਤਾ ਹੈ ਕਿ ਇਸ ਨੂੰ ਬਹੁਤ ਸੰਵੇਦਨਸ਼ੀਲਤਾ ਨਾਲ ਪੇਸ਼ ਕਰਨ। ਇਸ ਨੂੰ ਜਿੰਨਾ ਸੰਭਵ ਹੋਵੇ ਓਨਾ ਹਾਸੇ ਵਾਲਾ ਰੱਖਣਗੇ।” ਇਸ ਵਿੱਚ ਇਲਿਆਨਾ ਨਾਲ ਰਣਦੀਪ ਹੁੱਡਾ ਨਜ਼ਰ ਆਏਗਾ। ਇਸ ਫਿਲਮ ਬਾਰੇ ਉਹ ਵੀ ਕਾਫੀ ਉਤਸ਼ਾਹਤ ਨਜ਼ਰ ਆਉਂਦਾ ਹੈ। ਉਸ ਨੇ ਕਿਹਾ, ‘‘ਮੈਨੂੰ ਲੱਗਦਾ ਹੈ ਕਿ ਲੋਕਾਂ ਨੂੰ ਹਸਾਉਣਾ ਇੰਨਾ ਆਸਾਨ ਨਹੀਂ ਹੈ, ਕਾਮੇਡੀ ਸ਼ੈਲੀ ਨੇ ਮੈਨੂੰ ਲੰਮੇ ਸਮੇਂ ਤੋਂ ਆਪਣੇ ਵੱਲ ਆਕਰਸ਼ਿਤ ਕੀਤਾ ਹੈ। ਮੈਂ ਬੇਹੱਦ ਖੁਸ਼ ਹਾਂ ਕਿ ਇਸ ਫਿਲਮ ਨਾਲ ਮੈਂ ਆਪਣੇ ਕਾਮੇਡੀ ਦਾ ਪ੍ਰਦਰਸ਼ਨ ਕਰਾਂਗਾ। ਪਹਿਲੀ ਵਾਰ ਫਿਲਮ ਦੀ ਕਹਾਣੀ ਸੁਣਦੇ ਹੀ ਮੈਨੂੰ ਇਹ ਬੇਹੱਦ ਪਸੰਦ ਆ ਗਈ ਸੀ ਅਤੇ ਮੈਨੂੰ ਇਸ ਦੇ ਸ਼ੁਰੂ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਇਸ ਨੂੰ ਲੈ ਕੇ ਮੈਂ ਬੇਹੱਦ ਉਤਸ਼ਾਹਤ ਹਾਂ।”

Have something to say? Post your comment