ਮਾਰਖਮ, 26 ਅਕਤੂਬਰ (ਪੋਸਟ ਬਿਊਰੋ) : ਆਪਣੇ ਸਮੁੱਚੇ ਪਰਿਵਾਰ ਨੂੰ ਮਾਰਨ ਵਾਲੇ ਓਨਟਾਰੀਓ ਦੇ 24 ਸਾਲਾ ਵਿਅਕਤੀ ਨੇ ਸੋਮਵਾਰ ਨੂੰ ਅਦਾਲਤ ਵਿੱਚ ਮੁਆਫੀ ਮੰਗੀ| ਵਕੀਲਾਂ ਵੱਲੋਂ ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਏ ਜਾਣ ਤੇ 40 ਸਾਲਾ ਤੱਕ ਪੈਰੋਲ ਨਾ ਦਿੱਤੇ ਜਾਣ ਦੀ ਅਪੀਲ ਕੀਤੀ ਗਈ|
ਜ਼ਿਕਰਯੋਗ ਹੈ ਕਿ ਮਹਿਨਾਜ਼ ਜ਼ਾਮਨ ਨੂੰ ਮਾਰਖਮ, ਓਨਟਾਰੀਓ ਸਥਿਤ ਆਪਣੇ ਘਰ ਵਿੱਚ 27 ਜੁਲਾਈ, 2019 ਵਿੱਚ ਆਪਣੇ ਮਾਪਿਆਂ, ਭੈਣ ਤੇ ਦਾਦੀ ਦਾ ਕਤਲ ਕਰਨ ਦੇ ਸਬੰਧ ਵਿੱਚ ਫਰਸਟ ਡਿਗਰੀ ਮਰਡਰ ਦੇ ਤਿੰਨ ਮਾਮਲਿਆਂ ਤੇ ਸੈਕਿੰਡ ਡਿਗਰੀ ਮਰਡਰ ਦੇ ਇੱਕ ਮਾਮਲੇ ਵਿੱਚ ਦੋਸ਼ੀ ਠਹਿਰਾਇਆ ਗਿਆ ਸੀ|
ਵੀਡੀਓ ਕਾਨਫਰੰਸ ਰਾਹੀਂ ਸਜ਼ਾ ਲਈ ਸੁਣਵਾਈ ਵਿੱਚ ਸ਼ਾਮਲ ਹੋਏ ਜ਼ਾਮਨ ਨੇ ਬੜੀ ਹੀ ਫਲੈਟ ਟੋਨ ਵਿੱਚ ਅਦਾਲਤ ਸਾਹਮਣੇ ਮੁਆਫੀ ਮੰਗੀ| ਕ੍ਰਾਊਨ ਤੇ ਬਚਾਅ ਪੱਖ ਦੇ ਵਕੀਲਾਂ ਨੇ ਆਖਿਆ ਕਿ ਉਹ ਚਾਹੁੰਦੇ ਹਨ ਕਿ ਫਰਸਟ ਡਿਗਰੀ ਮਾਮਲਿਆਂ ਵਿੱਚ ਮਹਿਨਾਜ਼ ਨੂੰ 25 ਸਾਲ ਤੇ ਸੈਕਿੰਡ ਡਿਗਰੀ ਮਾਮਲੇ ਵਿੱਚ 15 ਸਾਲ ਲਈ ਪੈਰੋਲ ਨਾ ਦਿੱਤੀ ਜਾਵੇ ਤੇ ਇਹ ਸੱਭ ਨਾਲੋ ਨਾਲ ਚੱਲੇ|
ਪੁਲਿਸ ਨੂੰ 70 ਸਾਲਾ ਫਿਰੋਜ਼ਾ ਬੇਗਮ, 59 ਸਾਲਾ ਮੋਨੀਰੂਜ਼ ਜ਼ਾਮਨ, 50 ਸਾਲਾ ਮੁਮਤਾਜ਼ ਬੇਗਮ ਤੇ 21 ਸਾਲਾ ਮਲੇਸਾ ਜ਼ਾਮਨ ਦੀਆਂ ਲਾਸ਼ਾਂ ਉਨ੍ਹਾਂ ਦੇ ਘਰ ਵਿੱਚੋਂ ਮਿਲੀਆਂ ਸਨ ਤੇ ਇਨ੍ਹਾਂ ਸੱਭਨਾਂ ਦੇ ਕਤਲ ਦੇ ਸਬੰਧ ਵਿੱਚ ਹੁਣ 24 ਸਾਲਾਂ ਨੂੰ ਢੁੱਕੇ ਮਹਿਨਾਜ਼ ਜ਼ਾਮਨ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ|