ਟੋਰਾਂਟੋ, 22 ਅਕਤੂਬਰ (ਪੋਸਟ ਬਿਊਰੋ) : ਟੋਰਾਂਟੋ ਦੇ ਇੱਕ ਹੋਰ ਹਸਪਤਾਲ ਵਿੱਚ ਕੋਵਿਡ-19 ਆਊਟਬ੍ਰੇਕ ਐਲਾਨਿਆ ਗਿਆ ਹੈ|
toronto.com ਵੱਲੋਂ ਜਾਰੀ ਕੀਤੇ ਗਏ ਇੱਕ ਮੀਮੋ ਵਿੱਚ ਆਖਿਆ ਗਿਆ ਕਿ ਸਕਾਰਬੌਰੋ ਦੇ ਜਨਰਲ ਹਸਪਤਾਲ ਦੀ ਸਿੰਗਲ ਯੂਨਿਟ ਵਿੱਚ ਛੇ ਮਰੀਜ਼ ਕਰੋਨਾਵਾਇਰਸ ਪਾਜ਼ੀਟਿਵ ਪਾਏ ਗਏ| ਹਸਪਤਾਲ ਵੱਲੋਂ ਇਸ ਯੂਨਿਟ ਵਿੱਚ ਨਵੇਂ ਦਾਖਲੇ ਤੇ ਵਿਜ਼ੀਟਰਜ਼ ਦੀ ਆਵਾਜਾਈ ਬੰਦ ਕਰ ਦਿੱਤੀ ਗਈ ਹੈ| ਇਸ ਯੂਨਿਟ ਦੀ ਡੀਪ ਕਲੀਨਿੰਗ ਦੇ ਵੀ ਹੁਕਮ ਦੇ ਦਿੱਤੇ ਗਏ ਹਨ| ਹਸਪਤਾਲ ਦੇ ਅਧਿਕਾਰੀਆਂ ਨੇ ਆਖਿਆ ਕਿ ਹੁਣ ਤੱਕ ਸਟਾਫ ਦਾ ਕੋਈ ਵੀ ਮੈਂਬਰ ਵਾਇਰਸ ਦਾ ਸ਼ਿਕਾਰ ਨਹੀਂ ਹੋਇਆ ਹੈ|
ਸੇਂਟ ਮਾਈਕਲ ਹਸਪਤਾਲ ਵੱਲੋਂ ਮੰਗਲਵਾਰ ਨੂੰ ਆਪਣੇ ਐਮਰਜੰਸੀ ਵਿਭਾਗ ਵਿੱਚ ਕੋਵਿਡ-19 ਆਊਟਬ੍ਰੇਕ ਐਲਾਨੀ ਗਈ ਸੀ| ਇਸ ਤੋਂ ਇਲਾਵਾ ਸੇਂਟ ਜੋਸਫਜ਼ ਹੈਲਥ ਸੈਂਟਰ ਤੇ ਟੋਰਾਂਟੋ ਵੈਸਟਰਨ ਹਸਪਤਾਲ ਵੀ ਆਊਟਬ੍ਰੇਕਸ ਨਾਲ ਡੀਲ ਕਰ ਰਹੇ ਹਨ|