ਕਾਬੁਲ, 22 ਅਕਤੂਬਰ (ਪੋਸਟ ਬਿਊਰੋ)- ਅਫਗਾਨਿਸਤਾਨ ਦੇ ਜਲਾਲਾਬਾਦ ਸ਼ਹਿਰ ਵਿੱਚ ਪਾਕਿਸਤਾਨ ਦੇਵਪਾਰਕ ਦੂਤਘਰ ਦੇ ਬਾਹਰ ਭਾਜੜ ਮੱਚਣ ਨਾਲ ਘੱਟੋ-ਘੱਟ 15 ਲੋਕਾਂ ਦੀ ਮੌਤ ਹੋ ਗਈ ਤੇ ਕਈ ਹੋਰ ਜ਼ਖਮੀ ਹੋ ਗਏ। ਇਸ ਬਾਰੇ ਅਧਿਕਾਰੀਆਂ ਨੇ ਦੱਸਿਆ ਕਿ ਭਾਜੜ ਓਦੋਂ ਮੱਚੀ, ਜਦ ਕਰੀਬ 3000 ਅਫਗਾਨਿਸਤਾਨੀ ਵੀਜ਼ੇ ਦੀ ਅਰਜ਼ੀ ਦੇਣ ਵਾਸਤੇ ਪਾਕਿਸਤਾਨੀ ਵਪਾਰ ਦੂਤਘਰ ਦੇ ਬਾਹਰ ਖੁੱਲ੍ਹੇ ਮੈਦਾਨ ਵਿੱਚ ਇਕੱਠੇ ਹੋਏ ਸਨ।
ਸੂਬਾਈ ਕੌਂਸਲ ਦੇ ਮੈਂਬਰ ਸੋਹਰਾਬ ਕਾਦਰੀ ਨੇ ਦੱਸਿਆ ਕਿ ਸਮੱਸਿਆ ਉਸ ਸਮੇਂ ਸ਼ੁਰੂ ਹੋਈ ਜਦ ਦੂਤਘਰ ਦੇ ਬਾਹਰ ਖੜ੍ਹੇ ਲੋਕ ਵੀਜ਼ਾ ਅਰਜ਼ੀ ਦਾ ਟੋਕਨ ਲੈਣ ਲਈ ਇੱਕ-ਦੂਸਰੇ ਨੂੰ ਧੱਕਾ ਦੇਣ ਲੱਗੇ ਅਤੇ ਇਸ ਦੇ ਬਾਅਦ ਭੀੜ ਦੇ ਬੇਕਾਬੂ ਹੋਣ ਜਾਣ ਕਾਰਨ ਭਾਜੜ ਮਚ ਗਈ। ਉਨ੍ਹਾਂ ਦੱਸਿਆ ਕਿ ਭਾਜੜ ਵਿੱਚ ਮਰਨ ਵਾਲੇ 15 ਲੋਕਾਂ ਵਿੱਚੋਂ 11 ਔਰਤਾਂ ਹਨ ਤੇ ਜ਼ਖਮੀਆਂ ਵਿੱਚ ਕਈ ਸੀਨੀਅਰ ਨਾਗਰਿਕ ਸ਼ਾਮਲ ਹਨ। ਹਜ਼ਾਰਾਂ ਅਫਗਾਨਿਸਤਾਨੀ ਹਰ ਸਾਲ ਬਿਹਤਰ ਮੈਡੀਕਲ ਇਲਾਜ, ਸਿੱਖਿਆ ਤੇ ਨੌਕਰੀਆਂ ਕਰਨ ਦੇ ਲਈ ਗੁਆਂਢੀ ਦੇਸ਼ ਪਾਕਿਸਤਾਨ ਜਾਂਦਦੇ ਹਨ। ਦੋਵਾਂ ਦੇਸ਼ਾਂ ਦੀ ਕਰੀਬ 2600 ਕਿਲੋਮੀਟਰ ਲੰਬੀ ਸਰਹੱਦੀ ਸਾਂਝ ਹੈ। ਕਾਬੁਲ ਸਥਿਤ ਪਾਕਿਸਤਾਨੀ ਦੂਤ ਘਰ ਦੇ ਅਧਿਕਾਰੀਆਂ ਨੇ ਫਿਲਹਾਲ ਇਸ ਘਟਨਾ `ਤੇ ਕੋਈ ਟਿੱਪਣੀ ਨਹੀਂ ਕੀਤੀ।