Welcome to Canadian Punjabi Post
Follow us on

01

December 2020
ਅੰਤਰਰਾਸ਼ਟਰੀ

ਭਾਰਤੀ ਮੂਲ ਦੀ ਕੁੜੀ ਨੇ ਕੋਵਿਡ-19 ਦਾ ਸੰਭਾਵਤ ਇਲਾਜ ਲੱਭ ਕੇ 25 ਹਜ਼ਾਰ ਡਾਲਰ ਦਾ ਇਨਾਮ ਜਿੱਤਿਆ

October 20, 2020 07:42 AM

ਵਾਸ਼ਿੰਗਟਨ, 19 ਅਕਤੂਬਰ, (ਪੋਸਟ ਬਿਊਰੋ)- ਭਾਰਤੀ ਮੂਲ ਦੀ ਅਮਰੀਕੀ ਕੁੜੀ ਨੂੰ ਇਕ ਵਿਲੱਖਣ ਖੋਜ ਕਰਨ ਲਈ 25,000 ਅਮਰੀਕੀ ਡਾਲਰ ਦਾ ਇਨਾਮ ਮਿਲਿਆ ਹੈ। ਇਹ ਖੋਜ ਕੋਵਿਡ-19 ਦਾ ਸੰਭਾਵਿਤ ਇਲਾਜ ਪੇਸ਼ ਕਰ ਸਕਦੀ ਹੈ। ਭਾਰਤੀ ਮੂਲ ਦੇ ਮਾਪਿਆਂ ਦੀ ਧੀ ਅਨਿਕਾ ਚੇਬਰੋਲੂ (14 ਸਾਲ) ਨੂੰ ਇਹ ਵੱਡਾ ਇਨਾਮ‘3ਐੱਮ ਯੰਗ ਸਾਇੰਟਿਸਟ ਚੈਲਿੰਜ`ਵਿਚ ਸਿਖਰਲੇ 10 ਜਣਿਆਂ ਵਿਚ ਆਉਣ ਲਈ ਮਿਲਿਆ ਹੈ।
ਵਰਨਣ ਯੋਗ ਹੈ ਕਿ ‘3ਐੱਮ ਯੰਗ ਸਾਇੰਟਿਸਟ ਚੈਲਿੰਜ`ਅਮਰੀਕਾ ਦਾ ਸੈਕੰਡਰੀ ਸਕੂਲਾਂ ਦਾ ਸਾਇੰਸ ਦਾ ਇੱਕ ਮੁਕਾਬਲਾ ਹੈ ਅਤੇ ‘3ਐੱਮ` ਮਿਨੇਸੋਟਾ ਦੀ ਇਕ ਅਮਰੀਕੀ ਕੰਪਨੀ ਹੈ। ਇਸ ਸਾਇੰਸ ਮੁਕਾਬਲੇ ਬਾਰੇ‘3ਐੱਮ ਚੈਲਿੰਜ ਵੈਬਸਾਈਟ` ਦੇ ਮੁਤਾਬਕ ਪਿਛਲੇ ਸਾਲ ਇਨਫਲੁਐਂਜਾ ਦੀ ਗੰਭੀਰ ਇਨਫੈਕਸ਼ਨ ਨਾਲ ਜੂਝਣ ਦੇ ਬਾਅਦ ਅਨਿਕਾ ਨੇ ਯੰਗ ਸਾਇੰਟਿਸਟ ਚੈਲਿੰਜ ਵਿਚ ਹਿੱਸਾ ਲੈਣ ਦਾ ਫ਼ੈਸਲਾ ਲਿਆ ਸੀ ਅਤੇ ਉਹ ਇਨਫਲੂਐਂਜਾ ਦਾ ਇਲਾਜ ਲੱਭਣਾ ਚਾਹੁੰਦੀ ਸੀ। ਕੋਵਿਡ-19 ਦੇ ਬਾਅਦ ਉਸ ਨੂੰ ਇੱਕ ਬਦਲ ਗਿਆ ਤੇ ਉਸ ਨੇ ਸਾਰਸ-ਕੋਵਿਡ-2 ਇਨਫੈਕਸ਼ਨ ਵੱਲ ਧਿਆਨ ਕੇਂਦਰਤ ਕੀਤਾ, ਜਿਸ ਵਿੱਚ ਸਫਲ ਰਹੀ ਹੈ। ਉਸ ਨੂੰ ਇਨਾਮ ਦੇ 25 ਹਜ਼ਾਰ ਡਾਲਰ ਦੇ ਨਾਲ ‘3ਐੱਮ` ਦਾ ਖਾਸ ‘ਮੈਂਟਰਸਿ਼ਪ’ ਇਨਾਮ ਵੀ ਮਿਲਿਆ ਹੈ। ਅਨਿਕਾ ਨੇ ਕਿਹਾ, ‘ਮੈਂ ਅਮਰੀਕਾ ਦੇ ਟੌਪ ਨੌਜਵਾਨ ਵਿਗਿਆਨੀਆਂ ਦੀ ਸੂਚੀ ਵਿਚ ਸ਼ਾਮਲ ਹੋ ਕੇ ਬਹੁਤ ਖੁਸ਼ ਹਾਂ।`
ਵਰਨਣ ਯੋਗ ਹੈ ਕਿ ਕੋਰੋਨਾ ਦਾ ਜਾਨਲੇਵਾ ਵਾਇਰਸ ਆਪਣੇ ਪ੍ਰੋਟੀਨ ਨਾਲ ਫੈਲਦਾ ਹੈ ਅਤੇ ਇਸ ਪ੍ਰੋਟੀਨ ਨੂੰ ਹੀ ਕਿਰਿਆਹੀਣ ਕਰਨ ਲਈ ਅਨਿਕਾ ਨੇ ਇਕ ਅਣੂ ਦੀ ਖੋਜ ਕੀਤੀ ਹੈ। ਅਨਿਕਾ ਨੇ ਆਪਣੀ ਲੀਡ ਅਣੂ ਦੀ ਖੋਜ ਦੇ ਲਈ ਇਨ-ਸਿਲਿਕੋ ਵਿਧੀ ਦੀ ਵਰਤੋਂ ਕੀਤੀ ਹੈ, ਜੋ ਚੋਣਵੇਂ ਤੌਰ ਉੱਤੇ ਸਾਰਸ-ਕੋਵਿ-2 ਵਾਇਰਸ ਦੇ ਸਪਾਈਕ ਪ੍ਰੋਟੀਨ ਨਾਲ ਜੁੜ ਕੇ ਇਸ ਮਾਰੂ ਪ੍ਰਭਾਵ ਵਾਲੇ ਵਾਇਰਸ ਨੂੰ ਇਨ-ਐਕਟਿਵ ਕਰ ਸਕਦੀ ਹੈ।
ਅਨਿਕਾ ਨੇ ਖਬਰ ਏਜੰਸੀ ਨੂੰ ਦੱਸਿਆ, ‘ਮੈਂ ਇਕ ਅਣੂ ਵਿਕਸਿਤ ਕੀਤਾ,ਜਿਹੜਾ ਵਾਇਰਸ ਦੇ ਉਸ ਪ੍ਰੋਟੀਨ ਦੇ ਨਾਲ ਜੁੜ ਸਕਦਾ ਹੈ ਅਤੇ ਇਸ ਦੇ ਬਾਅਦ ਇਹ ਪ੍ਰੋਟੀਨ ਆਪਣਾ ਕੰਮ ਕਰਨਾ ਬੰਦ ਕਰ ਦੇਵੇਗਾ।` ਉਸ ਨੇ ਦੱਸਿਆ ਕਿ 8ਵੀਂ ਜਮਾਤ ਵਿਚ ਉਸ ਨੇ ਆਪਣਾ ਪ੍ਰਾਜੈਕਟ ਜਮਾਂ ਕਰ੍ਹਾ ਦਿੱਤਾ ਸੀ।

Have something to say? Post your comment