ਮਿਸ਼ੀਗਨ (ਅਮਰੀਕਾ), 19 ਅਕਤੂਬਰ (ਪੋਸਟ ਬਿਊਰੋ)- ਅਮਰੀਕਾ ਵਿੱਚ ਪਹਿਲੀ ਕਲਾਸ ਦੀ ਇੱਕ ਟੀਚਰ ਦੀ ਸੂਝ-ਬੂਝ ਦੀ ਤਾਰੀਫ ਹੋ ਰਹੀ ਹੈ। ਜੂਲੀਆ ਕੂਚ ਨਾਂਅ ਦੀ ਇਸ ਟੀਚਰ ਨੇ ਆਨਲਾਈਨ ਕਲਾਸ ਦੌਰਾਨ ਫੋਨ ਉੱਤੇ ਇੱਕ ਵਿਦਿਆਰਥਣ ਦੀ ਦਾਦੀ ਨਾਲ ਗੱਲ ਕਰਦੇ ਹੋਏ ਭਾਂਪ ਲਿਆ ਕਿ ਉਨ੍ਹਾਂ ਨੂੰ ਦੌਰਾ ਪਿਆ ਹੈ। ਉਨ੍ਹਾਂ ਨੇ ਪ੍ਰਿੰਸੀਪਲ ਨੂੰ ਫੋਨ ਕੀਤਾ ਅਤੇ ਐਂਬੂਲੈਂਸ ਦੀ ਵਿਵਸਥਾ ਕਰਵਾ ਕੇ ਵਿਦਿਆਰਥਣ ਦੇ ਘਰ ਪਹੁੰਚੀ। ਦਾਦੀ ਨੂੰ ਤੁਰੰਤ ਹਸਪਤਾਲ ਪਹੁੰਚਾਇਆ ਗਿਆ ਅਤੇ ਵੇਲੇ ਸਿਰ ਮਿਲੇ ਇਲਾਜ ਕਾਰਨ ਉਨ੍ਹਾਂ ਦੀ ਜਾਨ ਬਚ ਗਈ।
ਇਹ ਘਟਨਾ 22 ਸਤੰਬਰ ਨੂੰ ਹੋਈ ਹੈ। ਜੂਲੀਆ ਕੂਚ ਐਜਵੁਡ ਐਲੀਮੈਂਟਰੀ ਸਕੂਲ ਦੀ ਪਹਿਲੀ ਦੀ ਵਰੁਚਅਲ ਕਲਾਸ ਵਿੱਚ ਪੜ੍ਹਾ ਰਹੀ ਸੀ। ਉਹ ਦੱਸਦੀ ਹੈ, ‘ਇਸੇ ਮੌਕੇ ਇੱਕ ਬੱਚੀ ਦੀ ਦਾਦੀ ਸਿੰਥੀਆ ਫਿਲਿਪਸ ਦਾ ਫੋਨ ਆਇਆ। ਉਨ੍ਹਾਂ ਨੂੰ ਬੱਚੀ ਦੇ ਸਕੂਲ ਟੈਬਲੇਟ ਨੂੰ ਚਾਰਜ ਕਰਨ ਵਿੱਚ ਪ੍ਰੇਸ਼ਾਨੀ ਹੋ ਰਹੀ ਸੀ। ਸਿੰਥੀਆ ਨਾਲ ਗੱਲ ਕਰਦਿਆਂ ਜੂਲੀਆ ਨੇ ਮਹਿਸੂਸ ਕੀਤਾ ਕਿ ਉਨ੍ਹਾਂ ਦੀ ਆਵਾਜ਼ ਅਸਪੱਸ਼ਟ ਹੋ ਰਹੀ ਹੈ। ਉਨ੍ਹਾਂ ਨੂੰ ਸਮਝ ਨਹੀਂ ਆਇਆ ਕਿ ਉਹ ਕੀ ਕਹਿਣਾ ਚਾਹ ਰਹੀ ਹੈ। ਜੂਲੀਆ ਨੂੰ ਅਹਿਸਾਸ ਹੋਇਆ ਕਿ ਸਿੰਥੀਆ ਖਤਰੇ ਵਿੱਚ ਹੈ। ਇਸ ਲਈ ਉਨ੍ਹਾਂ ਨੇ ਸਕੂਲ ਦੇ ਪ੍ਰਿੰਸੀਪਲ ਚਾਰਲੀ ਲਵਲੇਡੀ ਨੂੰ ਦੱਸਿਆ। ਇਸ ਪਿੱਛੋਂਉਨ੍ਹਾਂ ਨੇ ਸਟਾਫ ਦੇ ਰਾਹੀਂ ਐਂਬੂਲੈਂਸ ਨੂੰ ਫੋਨ ਕਰਵਾਇਆ।`
ਲਵਲੇਡੀ ਦੇ ਮੁਤਾਬਕ ਜਦ ਮੈਂ ਸਿੰਥੀਆ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਦੀ ਆਵਾਜ਼ ਮਿੰਟ-ਦਰ-ਮਿੰਟ ਲੜਖੜਾਈ ਜਾ ਰਹੀ ਸੀ। ਇਹ ਸਮਝ ਨਹੀਂ ਆ ਰਿਹਾ ਸੀ ਕਿ ਉਹ ਕੀ ਕਹਿਣਾ ਚਾਹੰੁਦੀ ਹੈ। ਮੈਨੂੰ ਪਤਾ ਸੀ ਕਿ ਇਸਸਟਰੋਕ ਦੇ ਕੀ ਲੱਛਣ ਹੁੰਦੇ ਹਨ, ਕਿਉਂਕਿ ਮੈਂ ਇਸ ਕਾਰਨ ਆਪਣਾ ਬਾਪ ਗੁਆਇਆ ਸੀ। ਇਸ ਲਈ ਮੈਂ ਉਨ੍ਹਾਂ ਦੀ ਮਦਦ ਕੀਤੀ।