ਓਟਵਾ, 19 ਅਕਤੂਬਰ (ਪੋਸਟ ਬਿਊਰੋ) : ਨੋਵਾ ਸਕੋਸ਼ੀਆ ਵਿੱਚ ਵੱਧ ਰਹੀ ਹਿੰਸਾ ਦੇ ਮੱਦੇਨਜ਼ਰ ਫੈਡਰਲ ਫਿਸ਼ਰੀਜ਼ ਮੰਤਰੀ ਤੇ ਤਿੰਨ ਹੋਰ ਕੈਬਨਿਟ ਮੰਤਰੀਆਂ ਵੱਲੋਂ ਹਾਊਸ ਆਫ ਕਾਮਨਜ਼ ਵਿੱਚ ਐਮਰਜੰਸੀ  ਬਹਿਸ ਕਰਵਾਉਣ ਦੀ ਮੰਗ ਕੀਤੀ ਜਾ ਰਹੀ ਹੈ|
ਇਹ ਅਪੀਲ ਉਸ ਸਮੇਂ ਕੀਤੀ ਗਈ ਜਦੋਂ ਸ਼ਨਿੱਚਰਵਾਰ ਸਵੇਰੇ ਮਿਕਮਾਕ ਫਿਸ਼ਰਜ਼ ਵੱਲੋਂ ਆਪਣੀਆਂ ਮੱਛੀਆਂ ਤੇ ਸਮੁੰਦਰੀ ਜੀਵਾਂ ਨੂੰ ਫੜ੍ਹ ਕੇ ਸਟੋਰ ਕਰਨ ਵਾਲਾ ਲੌਬਸਟਰ ਪਾਊਂਡ ਸੜ ਕੇ ਸੁਆਹ ਹੋ ਗਿਆ| ਫਿਸ਼ਰੀਜ਼ ਐਂਡ ਓਸ਼ਨਜ਼ ਮਨਿਸਟਰ ਬਰਨਾਡੈੱਟ ਜੌਰਡਨ ਦਾ ਕਹਿਣਾ ਹੈ ਕਿ ਗੁਜ਼ਾਰੇ ਲਈ ਸਮੁੰਦਰੀ ਜੀਵਾਂ ਤੇ ਮੱਛੀਆਂ ਉੱਤੇ ਨਿਰਭਰ ਕਰਨ ਵਾਲੇ ਮਿਕਮਾਕ ਕਮਿਊਨਿਟੀ ਨੂੰ ਮਿਕਮਾਕ ਸੰਧੀ ਦੇ ਅਧਿਕਾਰਾਂ ਤਹਿਤ ਗੁਜ਼ਾਰੇ ਜੋਗੀਆਂ ਮੱਛੀਆਂ ਫੜ੍ਹਨ ਲਈ ਪਾਰਲੀਆਮੈਂਟੇਰੀਅਨਜ਼ ਨੂੰ ਆਵਾਜ਼ ਉਠਾਉਣੀ ਚਾਹੀਦੀ ਹੈ|
ਇਸ ਅੱਗ ਲਈ ਲੋੜੀਂਦਾ ਵਿਅਕਤੀ ਇਸ ਸਮੇਂ ਹਸਪਤਾਲ ਵਿੱਚ ਹੈ ਤੇ ਆਪਣੇ ਜ਼ਖ਼ਮਾਂ ਦਾ ਇਲਾਜ ਕਰਵਾ ਰਿਹਾ ਹੈ| ਇਸ ਸਬੰਧ ਵਿੱਚ ਆਰਸੀਐਮਪੀ ਵੱਲੋਂ ਦੋ ਵਿਅਕਤੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ|