Welcome to Canadian Punjabi Post
Follow us on

05

August 2021
 
ਪੰਜਾਬ

ਨੌਜਵਾਨ ਦੇ ਪ੍ਰਦੇਸ ਜਾਣ ਦੇ ਸੁਫਨੇ ਕਾਰਨ 38 ਲੱਖ ਦੀ ਠੱਗੀ

October 19, 2020 02:38 AM

ਅੰਮ੍ਰਿਤਸਰ, 18 ਅਕਤੂਬਰ (ਪੋਸਟ ਬਿਊਰੋ)- ਪ੍ਰਦੇਸ਼ ਜਾ ਕੇ ਚੰਗੀ ਜ਼ਿੰਦਗੀ ਜਿਊਣ ਦੇ ਸੁਫਨੇ ਸਜਾ ਕੇ ਬੈਠੇ ਨੌਜਵਾਨ ਨਾਲ ਫੇਸਬੁੱਕ `ਤੇ ਸਰਗਰਮ ਅਨਸਰਾਂ ਵੱਲੋਂ 38 ਲੱਖ ਰੁਪਏ ਵੱਲੋਂ ਕਰੀਬ ਧੋਖਾਦੇਹੀ ਕਰਨ ਦੀ ਘਟਨਾ ਪਤਾ ਲੱਗੀ ਹੈ। ਇਹ ਕੇਸ ਬੀਤੇ ਸਾਲ ਦਾ ਦੱਸਿਆ ਜਾ ਰਿਹਾ ਹੈ ਅਤੇ ਇਸ ਦਾ ਕਸੇ ਥਾਣਾ ਕੰਟੋਨਮੈਂਟ ਨੇ ਦਰਜ ਕੀਤਾ ਹੈ।
ਇਸ ਬਾਰੇ ਥਾਣਾ ਮੁਖੀ ਇੰਸਪੈਕਟਰ ਰਣਜੀਤ ਸਿੰਘ ਧਾਲੀਵਾਲ ਨੂੰ ਇਸ ਬਾਰੇ ਗੁਰੂ ਨਾਨਕ ਯੂਨੀਵਰਸਿਟੀਦੇ ਸੁਰੱਖਿਆ ਵਿਭਾਗ ਵਿੱਚ ਲੱਗੇ ਹੋਏ ਗੁਰਵਿੰਦਰ ਸਿੰਘ ਪਿੰਡ ਕਿਆਮਪੁਰ ਤਹਿਸੀਲ ਅਜਨਾਲਾ ਨੇ ਦੱਸਿਆ ਕਿ ਬੀਤੇ ਸਾਲ ਫਰਵਰੀ ਦੌਰਾਨ ਛੋਟੇ ਪੁੱਤਰ ਹਰਕੀਰਤ ਸਿੰਘ ਦਾ ਵਿਦੇਸ਼ੀ ਔਰਤ ਨਾਲ ਸੰਪਰਕ ਹੋਇਆ ਸੀ। ਔਰਤ ਦੇ ਫੇਸਬੁੱਕ ਪੇਜ `ਤੇ ਅਕਸਰ ਕੈਨੇਡਾ ਵਰਕ ਪਰਮਿਟ ਵੀਜ਼ੇ ਦਿਵਾਉਣ ਬਾਰੇ ਪੋਸਟਾਂ ਹੁੰਦੀਆਂ ਸਨ। ਉਸ ਸਮੇਂ ਰਮਾਡਾ ਹੋਟਲ ਹਾਲ ਗੇਟ ਵਿਖੇ ਨੌਕਰੀ ਕਰਨ ਵਾਲੇ ਉਸ ਦੇ ਪੁੱਤਰ ਗੁਰਸੇਵਕ ਸਿੰਘ ਦਾ ਸੰਪਰਕ ਵਿਦੇਸ਼ੀ ਔਰਤ ਸੈਮਸਨ ਸੈਰੇਨਾ ਸਮਿਥ ਨਾਲ ਹੋਇਆ, ਜਿਹੜੀ ਖੁਦ ਨੂੰ ਰਮਾਡਾ ਪਲਾਜ਼ਾ ਹੋਟਲ ਟੋਰਾਂਟੋ ਕੈਨੇਡਾ ਦੀ ਐਚ ਆਰ, ਸਹਾਇਕ ਮੈਨੇਜਰ ਦੱਸਦੀ ਸੀ ਉਸ ਨੇ ਗੁਰਸੇਵਕ ਨੂੰ ਆਪਣਾ ਈਮੇਲ ਆਈ ਡੀ ਵੀ ਦਿੱਤਾ।ਇਸ ਤੋਂ ਬਾਅਦ ਖੁਦ ਨੂੰ ਰਮਾਡਾ ਪਲਾਜ਼ਾ ਹੋਟਲ ਟੋਰਾਂਟੋ ਕੈਨੇਡਾ ਦਾ ਮੁਲਾਜ਼ਮ ਦੱਸਣ ਵਾਲੇ ਵਿਅਕਤੀ ਬੋਥਾ ਰਿਚਰਡ ਨੇ ਉਸ ਦੇ ਛੋਟੇ ਪੁੱਤਰ ਹਰਕੀਰਤ ਦੀ ਈਮੇਲ ਆਈ ਡੀ ਉੱਤੇ ਵੱਡੇ ਪੁੱਤਰ ਗੁਰਸੇਵਕ ਸਿੰਘ ਨੂੰ ਨੌਕਰੀ ਦੀ ਪੇਸ਼ਕਸ਼ ਭੇਜ ਦਿੱਤੀ ਅਤੇ ਕੈਨੇਡਾ ਹਾਈ ਕਮਿਸ਼ਨ ਦੇ ਮੁਲਾਜ਼ਮ ਜਾਰਡਨ ਰੀਵਜ਼ ਨਾਲ ਫੋਨ ਸੰਪਰਕ ਕਰਨ ਲਈ ਕਿਹਾ। ਫੇਰ ਕਈ ਈਮੇਲ ਸੰਦੇਸ਼ਾਂ ਤੇ ਦਸਤਾਵੇਜ਼ਾਂ ਦਾ ਅਦਾਨ ਪ੍ਰਦਾਨ ਚੱਲਦਾ ਰਿਹਾ ਤੇ ਉਨ੍ਹਾਂ ਕਾਲ ਅੱਪ ਲੈਟਰ ਭੇਜ ਦਿੱਤੀ। ਗੁਰਵਿੰਦਰ ਸਿੰਘ ਦੇ ਮੁਤਾਬਕ ਉਨ੍ਹਾਂ ਨੇ ਕੁੱਲ 37 ਲੱਖ 92 ਹਜ਼ਾਰ, 989 ਰੁਪਏ ਵੱਖ-ਵੱਖ ਬੈਂਕ ਅਕਾਊਂਟਾਂ ਰਾਹੀਂ ਟਰਾਂਸਫਰ ਕੀਤੇ ਹਨ. ਕਾਲ ਅੱਪ ਲੈਟਰ ਨੂੰ ਲੈ ਕੇ ਜਦੋਂ ਉਨ੍ਹਾਂ ਨੇ ਕੈਨੇਡੀਅਨ ਅੰਬੈਸੀ, ਹਾਈ ਕਮਿਸ਼ਨ ਨਾਲ ਸੰਪਰਕ ਕੀਤਾ ਤਾਂ ਠੱਗੀ ਦਾ ਪਰਦਾ ਫਾਸ਼ ਹੋ ਗਿਆ।
ਗੁਰਵਿੰਦਰ ਸਿੰਘ ਦੇ ਮੁਤਾਬਕ ਬੀਤੇ ਸਾਲ ਦੋ ਜੂਨ ਨੂੰ ਐਸ ਐਸ ਪੀ ਦਿਹਾਤੀ ਨੂੰ ਦਰਖਾਸਤ ਦਿੱਤੀ ਸੀ, ਜਿਸ ਦੀ ਜਾਂਚ ਏ ਸੀ ਪੀ ਹਰਿਮੰਦਰ ਸਿੰਘ ਨੇ ਕਰ ਕੇ ਥਾਣਾ ਕੰਟੋਨਮੈਂਟ ਵਿੱਚ ਮੁਲਜ਼ਮ ਮਾਰਟਿਨ ਲੂਥਰ ਵਾਸੀ ਪੁਣੇ, ਮਹਾਰਾਸ਼ਟਰ ਅਤੇ ਜਾਰਡਨ ਰੀਵਜ਼ ਦੇ ਖਿਲਾਫ ਕੇਸ ਦਰਜ ਕੀਤਾ ਹੈ।ਇਸ ਬਾਰੇ ਥਾਣਾ ਮੁਖੀ ਰਣਜੀਤ ਸਿੰਘ ਧਾਲੀਵਾਲ ਨੇ ਦੱਸਿਆ ਕਿ ਕੇਸ ਦੇ ਜ਼ਿਆਦਾਤਰ ਪਹਿਲੂ ਤੇ ਬੈਂਕ ਟਰਾਂਸਫਰ ਵਗੈਰਾ ਥਾਣਾ ਕੰਟੋਨਮੈਂਟ ਦੇ ਅਧਿਕਾਰ ਖੇਤਰ ਵਿੱਚ ਹਨ।

 
Have something to say? Post your comment
ਹੋਰ ਪੰਜਾਬ ਖ਼ਬਰਾਂ
ਚੋਰੀ ਦੀਆਂ ਚਾਲੀ ਵਾਰਦਾਤਾਂ ਕਰਨ ਵਾਲੇ ਗੈਂਗ ਦੇ 7 ਦੋਸ਼ੀ ਗ੍ਰਿਫਤਾਰ
ਬੇਅਦਬੀ ਕੇਸ ਵਿੱਚ ਡੇਰਾ ਪ੍ਰੇਮੀਆਂ ਨੂੰ ਚਲਾਣ ਦੀਆਂ ਕਾਪੀਆਂ ਦਿਤੀਆਂ
ਸੁਮੇਧ ਸੈਣੀ ਦੇ ਖਿਲਾਫ ਇਕ ਕੇਸ ਵਿੱਚ ਐਕਸੀਐਨ ਸਮੇਤ ਸੱਤ ਜਣੇ ਨਾਮਜ਼ਦ
ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਅਮਨ ਅਰੋੜਾ ਆਪਣਾ ਇਨਕਮ ਟੈਕਸ ਖੁਦ ਭਰਨਗੇ
ਚੋਣਾਂ ਦਾ ਚੱਕਾ ਰਿੜ੍ਹਿਆ: ਬਾਦਲ ਅਕਾਲੀ ਦਲ ਵੱਲੋਂ ਸਰਕਾਰ ਬਣਨ ਉੱਤੇ 400 ਯੂਨਿਟ ਮੁਫਤ ਬਿਜਲੀ ਦੇਣ ਦਾ ਵਾਅਦਾ
ਪੰਜਾਬ ਦੇ ਖਜ਼ਾਨਾ ਮੰਤਰੀ ਦੇ ਐਲਾਨਾਂ ਨੂੰ ਖਜ਼ਾਨਾ ਵਿਭਾਗ ਨੇ ਹੀ ਨਹੀਂ ਮੰਨਿਆ
ਸੁਮੇਧ ਸਿੰਘ ਸੈਣੀ ਨੂੰ ਰਾਹਤ: ਕੋਟਕਪੂਰਾ ਗੋਲ਼ੀ ਕਾਂਡ ਕੇਸ ਵਿੱਚ ਹਾਈ ਕੋਰਟ ਵੱਲੋਂ ਅਗਾਊਂ ਜ਼ਮਾਨਤ ਪ੍ਰਵਾਨ
ਰਣਜੀਤ ਸਾਗਰ ਡੈਮ ’ਚ ਭਾਰਤੀ ਫੌਜ ਦਾ ਹੈਲੀਕਾਪਟਰ ਡਿੱਗਣ ਨਾਲ ਦੋਵੇਂ ਪਾਇਲਟ ਲਾਪਤਾ
ਰਿਲਾਇੰਸ ਆਊਟਲੈਟ ਬੰਦ ਹੋਣ ਨਾਲ ਪੰਜ ਹਜ਼ਾਰ ਤੋਂ ਵੱਧ ਨੌਕਰੀਆਂ ਉਤੇ ਖਤਰੇ ਦਾ ਪਰਛਾਵਾਂ
ਪੰਜਾਬੀ ਯੂਨੀਵਰਸਿਟੀ ਵਿੱਚ ਫੇਕ ਬਿਲਿੰਗ ਕਰਨ ਦੇ ਕੇਸ ਵਿੱਚ ਸੱਤ ਜਣੇ ਨਾਮਜ਼ਦ