* ਬਿਨਾਂ ਸਮਝੌਤੇ ਵਪਾਰ ਲਈ ਤਿਆਰ ਰਹਿਣਾ ਚਾਹੀਦਾ ਹੈ: ਜੌਹਨਸਨ
ਲੰਡਨ, 17 ਅਕਤੂਬਰ (ਪੋਸਟ ਬਿਊਰੋ)- ਯੂ ਕੇ ਅਤੇ ਯੂਰਪੀਨ ਯੂਨੀਅਨ ਦੇ ਹੋਏ ਤੋੜ-ਵਿਛੋੜੇ ਤੋਂ ਬਾਅਦ ਦੋਵਾਂ ਧਿਰਾਂ ਵਿਚਾਲੇ ਵਪਾਰ ਬਾਰੇ ਚੱਲਦੀ ਗੱਲਬਾਤ ਅੱਧ ਵਿਚਾਲੇ ਟੁੱਟ ਗਈ ਹੈ।
ਇਸ ਬਾਰੇ ਪ੍ਰਧਾਨ ਮੰਤਰੀ ਬੌਰਿਸ ਜੌਹਨਸਨ ਨੇ ਕਿਹਾ ਹੈ ਕਿ ਯੂ ਕੇ ਨੂੰ ਅਗਲੇ ਸਾਲ ਯੂਰਪੀ ਯੂਨੀਅਨ ਦੇ ਨਾਲ ਸਮਝੌਤੇ ਤੋਂਬਿਨਾਂ ਵਪਾਰ ਲਈ ਤਿਆਰ ਰਹਿਣਾ ਚਾਹੀਦਾ ਹੈ। ਯੂਰਪੀ ਯੂਨੀਅਨ ਨੇ ਕਿਹਾ ਹੈ ਕਿ ਉਹ ਵਿਚਾਰ ਵਟਾਂਦਰੇ ਤੇਜ਼ ਕਰਨ ਲਈ ਤਿਆਰ ਹੈ, ਪਰ ਕਿਸੇ ਕੀਮਤ 'ਤੇ ਸਮਝੌਤਾ ਨਹੀਂ ਕਰੇਗਾ। ਕੱਲ੍ਹ ਯੂਰਪੀ ਯੂਨੀਅਨ ਦੇ ਲੀਡਰਾਂ ਦੀ ਗੱਲਬਾਤ ਵਿੱਚਬ੍ਰਿਟੇਨ ਮੌਜੂਦ ਨਹੀਂ ਸੀ, ਜਿਸ ਕਰਕੇ ਸਮਝੌਤਾ ਅੱਗੇ ਵਧਾਉਣ ਲਈ ਅਸਫਲ ਰਿਹਾ। ਯੂਰਪੀ ਯੂਨੀਅਨ ਦੀ ਵਾਰਤਾਕਾਰ ਮਿਸ਼ੇਲ ਬਾਰਨੀਅਰ ਅਗਲੇ ਹਫ਼ਤੇ ਗੱਲਬਾਤ ਲਈ ਲੰਡਨ ਆ ਰਹੀ ਹੈ, ਪਰ ਪ੍ਰਧਾਨ ਮੰਤਰੀ ਦਫਤਰ ਨੇ ਕਿਹਾ ਹੈ ਕਿ ਜੇ ਯੂਰਪੀ ਯੂਨੀਅਨਨਹੀਂ ਬਦਲਦਾ ਤਾਂ ਇਸ ਯਾਤਰਾ ਦਾ ਕੋਈ ਲਾਭ ਨਹੀਂ। ਪ੍ਰਧਾਨ ਮੰਤਰੀ ਦਫਤਰ ਦੇ ਬੁਲਾਰੇ ਨੇ ਕਿਹਾ ਹੈ ਕਿ ਮਿਸ਼ੇਲ ਬਾਰਨੀਅਰ ਦੇ ਆਉਣ ਦਾ ਤਦੇ ਕੋਈ ਮਤਲਬ ਹੈ ਜੇ ਉਹ ਸਾਰੇ ਮੁੱਦਿਆਂ ਨੂੰ ਤੇਜ਼ੀ ਨਾਲ ਹੱਲ ਕਰਨ ਲਈ ਤਿਆਰ ਹੈ।