ਸਾਲ 2013 ਵਿੱਚ ਫਿਲਮ ‘ਮਿਕੀ ਵਾਇਰਸ’ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕਰਨ ਵਾਲੀ ਏਲੀ ਅਵਰਾਮ ਦੀ ਗਿਣਤੀ ਇਸ ਸਮੇਂ ਬਾਲੀਵੁੱਡ ਦੀਆਂ ਹੌਟ ਹੀਰੋਇਨਾਂ ਵਿੱਚ ਹੁੰਦੀ ਹੈ। ਹੌਲੀ, ਪਰ ਮੱਧਮ ਰਫਤਾਰ ਨਾਲ ਆਪਣੀ ਮੰਜ਼ਿਲ ਵੱਲ ਵਧ ਰਹੀ ਏਲੀ ਖੁਸ਼ ਹੈ ਕਿ ਆਖਰ ਉਸ ਨੇ ਐਕਟਿੰਗ ਕਰੀਅਰ ਨੇ ਇੰਡਸਟਰੀ 'ਤੇ ਪਕੜ ਬਣਾਉਣੀ ਸ਼ੁਰੂ ਕਰ ਦਿੱਤੀ ਹੈ। ਪਿਛਲੇ ਸਾਲ ਉਸ ਨੇ ‘ਫਰਾਡ ਸਈਆਂ’ ਅਤੇ ‘ਜਬਰੀਆ ਜੋੜੀ’ ਵਰਗੀਆਂ ਫਿਲਮਾਂ ਵਿੱਚ ਆਪਣੇ ਆਈਟਮ ਨੰਬਰਾਂ ਨਾਲ ਦਰਸ਼ਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਸੀ ਤਾਂ ਇਸ ਸਾਲ ਉਸ ਦੀ ਝੋਲੀ ਵਿੱਚ ਹਿੰਦੀ ਦੇ ਨਾਲ ਤਮਿਲ ਅਤੇ ਕੰਨੜ ਭਾਸ਼ਾ ਦੀਆਂ ਫਿਲਮਾਂ ਵੀ ਹਨ। ਸਾਲ ਦੇ ਸ਼ੁਰੂ 'ਚ ਫਿਲਮ ‘ਮਲੰਗ’ ਵਿੱਚ ਨਜ਼ਰ ਆ ਚੁੱਕੀ ਏਲੀ ਤਮਿਲ ਵਿੱਚ ‘ਪੈਰਿਸ ਪੈਰਿਸ' ਅਤੇ ਕੰਨੜ ਵਿੱਚ ‘ਬਟਰ ਫਲਾਈ' ਵਰਗੀਆਂ ਫਿਲਮਾਂ ਵਿੱਚ ਕੁਝ ਅਹਿਮ ਰੋਲ ਕਰਨ ਵਾਲੀ ਹੈ।
ਇਸ ਤੋਂ ਇਲਾਵਾ ਉਹ ਹਿੰਦੀ ਫਿਲਮ ‘ਰੂਹੀ ਅਫਜਾਨਾ’ ਵਿੱਚ ਫਿਰ ਸ਼ਾਨਦਾਰ ਆਈਟਮ ਨੰਬਰ ਕਰੇਗੀ। ਫਿਲਮਾਂ ਦਾ ਕੰਮ ਅਜੇ ਬੰਦ ਹੈ, ਪਰ ਉਸ ਦੀ ਝੋਲੀ 'ਚ ਕੁਝ ਵੈੱਬ ਸੀਰੀਜ਼ ਵੀ ਹਨ। ਬੀਤੇ ਸਾਲ ‘ਸਟੇਟ ਵਰਸਿਜ਼ ਨਾਨਾਵਤੀ’ ਨਾਂਅ ਦੀ ਵੈੱਬ ਸੀਰੀਜ਼ ਤੋਂ ਬਾਅਦ ਉਹ ਜਲਦੀ ਇੱਕ ਹੋਰ ਵੈੱਬ ਸੀਰੀਜ਼ ‘ਸੈਵੇਨਥ ਸੈਂਸ' ਨਾਲ ਨਜ਼ਰ ਆਏਗੀ।