ਮੁਲਾਜ਼ਮਾਂ ਦੀ ਵੀ ਕਰੇਗੀ ਛਾਂਗੀ
ਕੈਲਗਰੀ, 14 ਅਕਤੂਬਰ (ਪੋਸਟ ਬਿਊਰੋ) : ਏਅਰਲਾਈਨ ਇੰਡਸਟਰੀ ਉੱਤੇ ਮਹਾਂਮਾਰੀ ਦੀ ਗਾਜ਼ ਡਿੱਗਣ ਤੋਂ ਬਾਅਦ ਵੈਸਟਜੈੱਟ ਏਅਰਲਾਈਨਜ਼ ਲਿਮਟਿਡ ਵੱਲੋਂ ਐਟਲਾਂਟਿਕ ਕੈਨੇਡਾ ਦੇ ਚਾਰ ਸ਼ਹਿਰਾਂ ਲਈ ਆਪਣੇ ਆਪਰੇਸ਼ਨਜ਼ ਮੁਲਤਵੀ ਕੀਤੇ ਜਾ ਰਹੇ ਹਨ|
ਵੈਸਟਜੈੱਟ ਨੇ ਆਖਿਆ ਕਿ ਉਨ੍ਹਾਂ ਵੱਲੋਂ ਫਰੈਡਰਿਕਟਨ, ਮੌਂਕਟਨ, ਐਨਬੀ, ਸਿਡਨੀ, ਨੋਵਾ ਸਕੋਸ਼ੀਆ ਤੇ ਸ਼ੌਰਲੇਟਾਊਨ ਲਈ ਅਣਮਿੱਥੇ ਸਮੇਂ ਵਾਸਤੇ ਆਪਣੀਆਂ ਸੇਵਾਵਾਂ ਬੰਦ ਕੀਤੀਆਂ ਜਾ ਰਹੀਆਂ ਹਨ| ਦੂਜੇ ਪਾਸੇ ਹੈਲੀਫੈਕਸ ਤੇ ਸੇਂਟ ਜੌਹਨਸ, ਨਿਊਫਾਊਂਡਲੈਂਡ ਐਂਡ ਲੈਬਰਾਡੌਰ ਲਈ ਵੀ ਸੇਵਾਵਾਂ ਵਿੱਚ ਕਟੌਤੀ ਕੀਤੀ ਜਾ ਰਹੀ ਹੈ|
ਇਸ ਤੋਂ ਇਲਾਵਾ ਕੈਲਗਰੀ ਸਥਿਤ ਏਅਰਲਾਈਨ ਟੋਰਾਂਟੋ ਤੇ ਕਿਊਬਿਕ ਸਿਟੀ ਦਰਮਿਆਨ ਆਪਰੇਸ਼ਨ ਵੀ ਮੁਲਤਵੀ ਕਰਨ ਜਾ ਰਹੀ ਹੈ| 2 ਨਵੰਬਰ ਤੋਂ ਸ਼ੁਰੂ ਹੋਣ ਜਾ ਰਹੀਆਂ ਇਨ੍ਹਾਂ ਕਟੌਤੀਆਂ ਨਾਲ 100 ਤੋਂ ਵੱਧ ਉਡਾਨਾਂ ਖਤਮ ਹੋ ਜਾਣਗੀਆਂ| ਇਸ ਦੌਰਾਨ ਕੰਪਨੀ ਦੇ ਸੀਈਓ ਐੱਡ ਸਮਿੱਥ ਨੇ ਆਖਿਆ ਕਿ ਟਰੈਵਲ ਸਬੰਧੀ ਮੰਗ ਘੱਟ ਜਾਣ ਦੇ ਨਾਲ ਨਾਲ ਘਰੇਲੂ ਤੌਰ ਉੱਤੇ ਕੁਆਰਨਟੀਨ ਹੋਣ ਤੋਂ ਭਾਵ ਹੈ ਕਿ ਅਸੀਂ ਆਪਣੇ ਸੇਵਾਵਾਂ ਦੇ ਕੈਨੇਡੀਅਨ ਨੈੱਟਵਰਕ ਨੂੰ ਮੇਨਟੇਨ ਨਹੀਂ ਕਰ ਪਾਵਾਂਗੇ|
ਇਸ ਏਅਰਲਾਈਨ ਨੂੰ ਓਨੈਕਸ ਕਾਰਪੋਰੇਸ਼ਨ ਨੇ ਦਸੰਬਰ ਵਿੱਚ ਹੀ 3æ5 ਬਿਲੀਅਨ ਡਾਲਰ ਦਾ ਖਰੀਦਿਆ ਸੀ| ਏਅਰਲਾਈਨ ਨੇ ਆਖਿਆ ਕਿ ਉਨ੍ਹਾਂ ਨੂੰ 100 ਕਾਰਪੋਰੇਟ ਤੇ ਆਪਰੇਸ਼ਨਲ ਮੁਲਾਜ਼ਮਾਂ ਦੀ ਛਾਂਗੀ ਕਰਨੀ ਹੋਵੇਗੀ| ਮਾਰਚ ਤੋਂ ਲੈ ਕੇ ਹੁਣ ਤੱਕ ਇਹ ਕੰਪਨੀ 4000 ਕਾਮਿਆਂ ਦੀ ਛਾਂਗੀ ਕਰ ਚੁੱਕੀ ਹੈ|