ਟੋਰਾਂਟੋ, 23 ਸਤੰਬਰ (ਪੋਸਟ ਬਿਊਰੋ) : ਮਿੱਡਟਾਊਨ ਐਲੀਮੈਂਟਰੀ ਸਕੂਲ ਦੇ ਬਾਹਰ ਵਰਤੀਆਂ ਹੋਈਆਂ ਸਰਿੰਜਾਂ ਸੁੱਟਣ ਵਾਲੇ ਵਿਅਕਤੀ ਨੂੰ ਟੋਰਾਂਟੋ ਪੁਲਿਸ ਵੱਲੋਂ ਹਿਰਾਸਤ ਵਿੱਚ ਲੈ ਲਿਆ ਗਿਆ ਹੈ|
ਪੁਲਿਸ ਨੇ 44 ਸਾਲਾ ਐਂਥਨੀ ਪਰਚੇਸ ਨੂੰ ਗ੍ਰਿਫਤਾਰ ਕੀਤਾ ਹੈ, ਇਸ ਦਾ ਕੋਈ ਪੱਕਾ ਪਤਾ-ਟਿਕਾਣਾ ਨਹੀਂ ਹੈ| ਉਸ ਉੱਤੇ ਸ਼ਰਾਰਤ ਕਰਨ ਤੇ ਪ੍ਰੋਬੇਸ਼ਨ ਦੇ ਨਿਯਮਾਂ ਦੀ ਪਾਲਣਾ ਨਾ ਕਰਨ ਦਾ ਦੋਸ਼ ਹੈ| ਉਸ ਨੂੰ ਵੀਰਵਾਰ ਸਵੇਰੇ ਕਾਲਜ ਪਾਰਕ ਕੋਰਟ ਸਾਹਮਣੇ ਪੇਸ਼ ਕੀਤਾ ਜਾਵੇਗਾ|
ਪੁਲਿਸ ਨੇ ਦੱਸਿਆ ਕਿ ਪੈਕੇਜ, ਜਿਸ ਵਿੱਚ ਕਈ ਵਰਤੀਆਂ ਹੋਈਆਂ ਸਰਿੰਜਾਂ ਸਨ, ਮੰਗਲਵਾਰ ਸਵੇਰੇ 10:00 ਵਜੇ ਐਗਲਿੰਟਨ ਜੂਨੀਅਰ ਪਬਲਿਕ ਸਕੂਲ ਦੇ ਬਾਹਰ ਛੱਡਿਆ ਗਿਆ ਸੀ| ਸਕਿਊਰਿਟੀ ਕੈਮਰਾ ਫੁਟੇਜ ਵਿੱਚ ਬੜੀ ਸਾਫ ਤਸਵੀਰ ਨਜ਼ਰ ਆਉਣ ਕਾਰਨ ਕਿਸੇ ਨੇ ਮਸ਼ਕੂਕ ਦੀ ਪਛਾਣ ਕਰ ਲਈ ਤੇ ਉਸ ਤੋਂ ਬਾਅਦ ਹੀ ਉਸ ਨੂੰ ਗ੍ਰਿਫਤਾਰ ਕੀਤਾ ਗਿਆ|