ਓਨਟਾਰੀਓ, 22 ਸਤੰਬਰ (ਪੋਸਟ ਬਿਊਰੋ) : ਫੇਅਰਵਿਊ ਮਾਲ ਦੇ ਇੱਕ ਮਸ਼ਹੂਰ ਕਾਸਮੈਟਿਕ ਸਟੋਰ ਸੈਫੋਰਾ ਵਿੱਚ ਕੋਵਿਡ-19 ਪਾਜ਼ੀਟਿਵ ਕੇਸ ਪਾਏ ਜਾਣ ਤੋਂ ਬਾਅਦ ਇਸ ਦੀ ਡੀਪ ਕਲੀਨਿੰਗ ਕੀਤੀ ਜਾ ਰਹੀ ਹੈ|
ਕੈਡੀਲੈਕ ਫੇਅਰਵਿਊ (ਸੀ ਐਫ) ਨੇ ਦੱਸਿਆ ਕਿ ਇਹ ਇਨਫੈਕਸ਼ਨ ਸੈਫੋਰਾ ਤੋਂ ਹੀ ਆਈ| ਮਾਲ ਦੇ ਬੁਲਾਰੇ ਨੇ ਦੱਸਿਆ ਕਿ ਸੈਫੋਰਾ ਵਿੱਚ ਕੋਵਿਡ-19 ਕੇਸ ਬਾਰੇ ਸੀ ਐਫ ਨੂੰ ਜਲਦ ਹੀ ਜਾਣਕਾਰੀ ਦੇ ਦਿੱਤੀ ਗਈ ਸੀ| ਪ੍ਰਭਾਵਿਤ ਕਲਾਇੰਟ ਨੇ ਤੇਜ਼ੀ ਨਾਲ ਤੇ ਜ਼ਿੰਮੇਵਾਰਾਨਾ ਢੰਗ ਨਾਲ ਕੈਡੀਲੈਕ ਫੇਅਰਵਿਊ ਤੇ ਪਬਲਿਕ ਹੈਲਥ ਨਾਲ ਇਸ ਸਬੰਧ ਵਿੱਚ ਸੰਪਰਕ ਕੀਤਾ|
ਪਬਲਿਕ ਹੈਲਥ ਵੱਲੋਂ ਦਿੱਤੀ ਗਈ ਸਲਾਹ ਉੱਤੇ ਕਲਾਇੰਟ ਤੇ ਸੀ ਐਫ ਨੇ ਫੌਰਨ ਲੋੜੀਂਦੇ ਕਦਮ ਚੁੱਕੇ ਤੇ ਕਲਾਇੰਟ ਸਪੇਸ ਦੀ ਡੀਪ ਕਲੀਨਿੰਗ ਦਾ ਪ੍ਰਬੰਧ ਵੀ ਕੀਤਾ ਗਿਆ| ਅਜੇ ਤੱਕ ਇਹ ਸਪਸ਼ਟ ਨਹੀਂ ਹੋ ਸਕਿਆ ਹੈ ਕਿ ਇਹ ਪਾਜ਼ੀਟਿਵ ਕੇਸ ਇੰਪਲੌਈ ਹੈ ਜਾਂ ਗਾਹਕ ਤੇ ਉਹ ਆਖਰੀ ਵਾਰੀ ਸਟੋਰ ਵਿੱਚ ਕਦੋਂ ਮੌਜੂਦ ਸੀ| ਸੀ ਐਫ ਨੇ ਦੱਸਿਆ ਕਿ ਸਟੋਰ ਖੁੱਲ੍ਹਾ ਰਹੇਗਾ|