ਓਨਟਾਰੀਓ, 22 ਸਤੰਬਰ (ਪੋਸਟ ਬਿਊਰੋ) : ਵਿਟਚਰਚ-ਸਟੁਫਵਿਲ ਰੋਡ ਤੋਂ ਦੱਖਣ ਵੱਲ ਵੁੱਡਬਾਈਨ ਦੇ ਇੱਕ ਕਬਾੜ ਮੈਟਲ ਯਾਰਡ ਵਿੱਚ ਜ਼ਬਰਦਸਤ ਅੱਗ ਲੱਗ ਗਈ|
ਇਸ ਅੱਗ ਦੀਆਂ ਖਬਰਾਂ 11 ਵਜੇ ਦੇ ਨੇੜੇ ਤੇੜੇ ਮਿਲੀਆਂ ਪਰ ਕਈ ਘੰਟੇ ਬਾਅਦ ਵੀ ਇਹ ਅੱਗ ਕਈ ਕਿਲੋਮੀਟਰ ਦੂਰ ਤੋਂ ਵੇਖੀ ਜਾ ਸਕਦੀ ਸੀ| ਅਜੇ ਤੱਕ ਇਹ ਪਤਾ ਨਹੀਂ ਲੱਗ ਸਕਿਆ ਹੈ ਕਿ ਇਹ ਅੱਗ ਕਿਉਂ ਲੱਗੀ|
ਯੌਰਕ ਪੁਲਿਸ ਨੇ ਦੱਸਿਆ ਕਿ ਇਸ ਦੌਰਾਨ ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਖਬਰ ਨਹੀਂ ਹੈ| ਹਾਲ ਦੀ ਘੜੀ ਵੁੱਡਬਾਈਨ ਐਵਨਿਊ ਨੂੰ ਦੋਵਾਂ ਦਿਸ਼ਾਵਾਂ ਤੋਂ ਬੰਦ ਕੀਤਾ ਗਿਆ ਹੈ|