ਟੋਰਾਂਟੋ, 21 ਸਤੰਬਰ (ਪੋਸਟ ਬਿਊਰੋ) : ਟੋਰਾਂਟੋ ਵਿੱਚ ਮੰਗਲਵਾਰ ਨੂੰ ਹਜ਼ਾਰਾਂ ਦੀ ਗਿਣਤੀ ਵਿੱਚ ਐਲੀਮੈਂਟਰੀ ਤੇ ਸੈਕੰਡਰੀ ਵਿਦਿਆਰਥੀਆਂ ਲਈ ਵਰਚੂਅਲ ਸਕੂਲ ਦੀ ਸ਼ੁਰੂਆਤ ਦਾ ਪਹਿਲਾ ਦਿਨ ਮੰਨਿਆ ਜਾ ਰਿਹਾ ਸੀ ਪਰ ਆਖਰੀ ਪਲ ਉੱਤੇ ਟੋਰਾਂਟੋ ਡਿਸਟ੍ਰਿਕਟ ਸਕੂਲ ਬੋਰਡ ਵੱਲੋਂ ਆਪਣੀ ਯੋਜਨਾ ਬਦਲ ਦਿੱਤੀ ਗਈ|
ਬੋਰਡ ਦਾ ਕਹਿਣਾ ਹੈ ਕਿ ਐਲੀਮੈਂਟਰੀ ਪੱਧਰ ਉੱਤੇ ਵਰਚੂਅਲ ਲਰਨਿੰਗ ਲਈ ਕਾਫੀ ਮੰਗ ਹੈ, ਇਸ ਲਈ ਇਸ ਦੀ ਪੜਾਅਵਾਰ ਸੁæਰੂਆਤ ਕਰਨ ਦੀ ਤਿਆਰੀ ਕੀਤੀ ਜਾ ਰਹੀ ਹੈ| ਮਾਪਿਆਂ ਨੂੰ ਭੇਜੇ ਪੱਤਰ ਵਿੱਚ ਬੋਰਡ ਨੇ ਆਖਿਆ ਕਿ ਹੁਣ ਤੱਕ 60 ਹਜ਼ਾਰ ਵਿਦਿਆਰਥੀ ਵਰਚੂਅਲ ਲਰਨਿੰਗ ਲਈ ਦਾਖਲਾ ਲੈ ਚੁੱਕੇ ਹਨ ਪਰ ਉਨ੍ਹਾਂ ਨੂੰ ਪੜ੍ਹਾਉਣ ਲਈ ਓਨੇ ਅਧਿਆਪਕਾਂ ਨੂੰ ਅਜੇ ਹਾਇਰ ਨਹੀਂ ਕੀਤਾ ਗਿਆ ਹੈ|
ਕੁੱਝ ਵਿਦਿਆਰਥੀ ਜਲਦ ਹੀ ਲਾਈਵ ਕਲਾਸਾਂ ਲਾਉਣ ਦੇ ਸਮਰੱਥ ਹੋਣਗੇ ਜਦਕਿ ਹੋਰਨਾਂ ਵੱਲੋਂ ਆਜ਼ਾਦਾਨਾ ਆਨਲਾਈਨ ਲਰਨਿੰਗ ਦੀ ਸ਼ੁਰੂਆਤ ਕੀਤੀ ਜਾਵੇਗੀ| ਹੋਰ ਪਰਿਵਾਰ ਦੇ ਵਰਚੂਅਲ ਲਰਨਿੰਗ ਵਾਲਾ ਬਦਲ ਅਪਨਾਉਣ ਕਾਰਨ ਟੀਡੀਐਸਬੀ ਵੱਲੋਂ ਦੂਜੀ ਵਾਰੀ ਦੇਰੀ ਕੀਤੀ ਗਈ ਹੈ|