ਕਿਊਬਿਕ, 21 ਸਤੰਬਰ (ਪੋਸਟ ਬਿਊਰੋ): ਵਾe੍ਹੀਟ ਹਾਊਸ ਨੂੰ ਭੇਜੇ ਗਏ ਇੱਕ ਪੱਤਰ, ਜਿਸ ਵਿੱਚ ਜ਼ਹਿਰੀਲਾ ਪਦਾਰਥ ਰਾਈਜ਼ਨ ਪਾਇਆ ਗਿਆ, ਦੇ ਸਬੰਧ ਵਿੱਚ ਆਰਸੀਐਮਪੀ ਵੱਲੋਂ ਮਾਂਟਰੀਅਲ ਵਿੱਚ ਕੀਤੀ ਗਈ ਜਾਂਚ ਤੋਂ ਸਾਹਮਣੇ ਆਇਆ ਕਿ ਇਹ ਪੱਤਰ ਕਿਸੇ ਮਹਿਲਾ ਵੱਲੋਂ ਭੇਜਿਆ ਗਿਆ ਸੀ|
ਇਹ ਪੱਤਰ ਰਾਸ਼ਟਰਪਤੀ ਡੌਨਲਡ ਟਰੰਪ ਨੂੰ ਭੇਜਿਆ ਗਿਆ ਸੀ| ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਸ ਮਾਮਲੇ ਵਿੱਚ ਗ੍ਰਿਫਤਾਰ ਕੀਤੀ ਗਈ ਮਹਿਲਾ ਕਿਊਬਿਕ ਤੋਂ ਹੈ| ਬਫਲੋ ਨੇੜੇ ਬਾਰਡਰ ਕਰੌਸਿੰਗ ਤੋਂ ਗ੍ਰਿਫਤਾਰ ਕੀਤੀ ਗਈ ਇਸ ਮਹਿਲਾ ਦੀ ਪਛਾਣ ਪਾਸਕਲ ਸੈਸਿਲ ਵਰਨਿਕ ਫੈਰੀਅਰ ਵਜੋਂ ਹੋਈ ਹੈ| ਮਾਂਟਰੀਅਲ ਦੇ ਦੱਖਣ ਵੱਲ ਸਥਿਤ ਸਬਅਰਬ ਸੇਂਟ ਹਿਊਬਰਟ ਦੀ ਇੱਕ ਰਿਹਾਇਸ਼ੀ ਇਮਾਰਤ ਵਿੱਚ ਆਰਸੀਐਮਪੀ ਵੱਲੋਂ ਜਾਂਚ ਕੀਤੀ ਗਈ|
ਆਰਸੀਐਮਪੀ ਦੇ ਕਾਰਪੋਰਲ ਚਾਰਲਸ ਪੌਇਰੀਅਰ ਨੇ ਦੱਸਿਆ ਕਿ ਗ੍ਰਿਫਤਾਰ ਮਹਿਲਾ ਨਾਲ ਸਬੰਧਤ ਘਰ ਦੀ ਤਲਾਸ਼ੀ ਲਈ ਕੈਮੀਕਲ, ਬਾਇਓਲਾਜੀਕਲ, ਰੇਡੀਓਲਾਜੀਕਲ, ਨਿਊਕਲੀਅਰ ਤੇ ਧਮਾਕਾਖੇਜ ਸਮੱਗਰੀ ਦੀ ਜਾਂਚ ਕਰਨ ਵਾਲੀਆਂ ਟੀਮਾਂ ਵੀ ਇਸ ਆਪਰੇਸ਼ਨ ਵਿੱਚ ਸ਼ਾਮਲ ਸਨ| ਪੁਲਿਸ ਨੇ ਦੱਸਿਆ ਕਿ ਇਸ ਤਰ੍ਹਾਂ ਦੇ ਪੈਕੇਜ ਵਾe੍ਹੀਟ ਹਾਊਸ ਤੇ ਟੈਕਸਸ ਦੀਆਂ ਹੋਰਨਾਂ ਥਾਂਵਾਂ ਉੱਤੇ ਭੇਜੇ ਗਏ| ਫੈਰੀਅਰ ਉੱਤੇ ਹੁਣ ਅਮਰੀਕਾ ਵਿੱਚ ਫੈਡਰਲ ਚਾਰਜਿਜ਼ ਲਾਏ ਜਾਣਗੇ|