ਟੋਰਾਂਟੋ, 21 ਸਤੰਬਰ (ਪੋਸਟ ਬਿਊਰੋ) : ਸਿਟੀ ਦੇ ਪਾਰਕਸ ਤੇ ਰੀਕ੍ਰੀਏਸ਼ਨ ਡਿਪਾਰਟਮੈਂਟ ਦਾ ਵਰਕਰ ਕੋਵਿਡ-19 ਪਾਜ਼ੀਟਿਵ ਪਾਇਆ ਗਿਆ ਹੈ|
ਪ੍ਰਾਪਤ ਜਾਣਕਾਰੀ ਅਨੁਸਾਰ ਜੇਨ ਐਂਡ ਵਿਲਸਨ ਨੇੜੇ ਫਾਲਸਟਾਫ ਕਮਿਊਨਿਟੀ ਸੈਂਟਰ ਉੱਤੇ ਕੰਮ ਕਰਨ ਵਾਲਾ ਇੱਕ ਕਰਮਚਾਰੀ 11 ਸਤੰਬਰ ਨੂੰ ਪਾਜ਼ੀਟਿਵ ਪਾਇਆ ਗਿਆ| ਕਿਊਪ ਲੋਕਲ 79 ਦੇ ਪ੍ਰੈਜ਼ੀਡੈਂਟ, ਜੋ ਕਿ ਸਿਟੀ ਦੇ ਇਨਸਾਈਡ ਵਰਕਰਜ਼ ਦੀ ਨੁਮਾਇੰਦਗੀ ਕਰਦੀ ਹੈ, ਨੇ ਦੱਸਿਆ ਕਿ ਜਿਹੜੇ ਅਮਲਾ ਮੈਂਬਰ ਇਸ ਵਰਕਰ ਦੇ ਸੰਪਰਕ ਵਿੱਚ ਆਏ ਹੋ ਸਕਦੇ ਹਨ ਉਨ੍ਹਾਂ ਨੂੰ ਸੈਲਫ ਆਈਸੋਲੇਸ਼ਨ ਵਿੱਚ ਜਾਣ ਲਈ ਆਖ ਦਿੱਤਾ ਗਿਆ ਹੈ|
ਜੁਲਾਈ ਵਿੱਚ ਪਾਰਕਸ ਵਿੱਚ ਕੰਮ ਕਰਨ ਵਾਲੇ ਦੋ ਕਰਮਚਾਰੀ ਪਾਜ਼ੀਟਿਵ ਆਏ ਸਨ, ਉਹ ਫੌਰੈਸਟਰੀ ਤੇ ਰੀਕ੍ਰਿਏਸ਼ਨ ਡਵੀਜ਼ਨ ਵਿੱਚ ਕੰਮ ਕਰਦੇ ਸਨ, ਉਹ ਐਲਸਵੇਅਰ ਕਮਿਊਨਿਟੀ ਸੈਂਟਰ ਵਿੱਚ ਸਮਰ ਕੈਂਪ ਵਿਖੇ ਕੰਮ ਕਰਨ ਵਾਲੇ ਵਰਕਰ ਦੇ ਸੰਪਰਕ ਵਿੱਚ ਆਇਆ| ਅਗਸਤ ਵਿੱਚ ਬਾਰਬਰਾ ਫਰੰਮ ਕਮਿਊਨਿਟੀ ਸੈਂਟਰ ਵਿੱਚ ਸਮਰ ਕੈਂਪ ਵਿਖੇ ਹਿੱਸਾ ਲੈਣ ਆਏ ਇੱਕ ਬੱਚੇ ਨਾਲ ਸਬੰਧਤ ਵੀ ਇੱਕ ਪਾਜ਼ੀਟਿਵ ਕੇਸ ਆਇਆ|
ਐਤਵਾਰ ਨੂੰ ਓਨਟਾਰੀਓ ਵਿੱਚ ਕੋਵਿਡ-19 ਦੇ 365 ਨਵੇਂ ਮਾਮਲੇ ਸਾਹਮਣੇ ਆਏ ਜਦਕਿ ਟੋਰਾਂਟੋ ਵਿੱਚ ਅਜਿਹੇ ਮਾਮਲਿਆਂ ਦੀ ਗਿਣਤੀ 113 ਰਹੀ|